«تيمۋر مەكەش ۇلى جاقسىلىقوۆ قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالسىن», - دەلىنگەن ەلباسىنىڭ جارلىعىندا. ت. جاقسىلىقوۆ 1968 جىلى تۋعان. م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن (1993) تاريحشى ماماندىعى بويىنشا; ساياسي زەرتتەۋلەر ينستيتۋتىنىڭ (ستراسبۋرگ قالاسى, فرانتسيا) ماگيستراتۋراسىن (1997) ەۋروپالىق زەرتتەۋلەر سالاسىنداعى ماگيستر ماماندىعى بويىنشا; قازاق ەكونوميكا جانە قارجى ينستيتۋتىن (2003) ەكونوميست ماماندىعى بويىنشا بىتىرگەن.
ەڭبەك قىزمەتىن 1993 جىلى سەمەي بيزنەس جانە كاسىپكەرلىك ينستيتۋتىنىڭ اتقارۋشى ديرەكتورى بولىپ باستادى. 1997 جىلدان - قر ستراتەگيالىق جوسپارلاۋ جانە رەفورمالار جونىندەگى اگەنتتىگىنىڭ باس مامانى, ءبولىم باستىعى. 1998 جىلدان - قر پرەزيدەنتى اكىمشىلىگىنىڭ تالداۋ جانە ستراتەگيالىق زەرتتەۋلەر ورتالىعىنىڭ سەكتور مەڭگەرۋشىسى. 1999 جىلدان - قر قاۋىپسىزدىك كەڭەسىنىڭ تالداۋ ورتالىعىنىڭ سەكتور مەڭگەرۋشىسى. 2002 جىلدان - قر پرەزيدەنتى اكىمشىلىگىنىڭ جۇيەلى زەرتتەۋلەر ورتالىعى باسشىسىنىڭ ورىنباسارى. 2003 جىلدان - قر يندۋستريا جانە ساۋدا مينيسترلىگىنىڭ دۇنيەجۇزىلىك ساۋدا ۇيىمىنا كىرۋ جونىندەگى دەپارتامەنتىنىڭ ديرەكتورى.
2004 جىلدان - جەنەۆاداعى دۇنيەجۇزىلىك ساۋدا ۇيىمىنىڭ ماسەلەلەرى جونىندەگى قر يندۋستريا جانە ساۋدا مينيسترلىگى وكىلدەر توبىنىڭ باسشىسى. 2005-2006 جىلدارى -«ماركەتينگتىك-ساراپتامالىق زەرتتەۋلەر ورتالىعى» اق (الماتى ق.) باسقارۋشى ديرەكتورى. 2006 جىلدان - قر ەكونوميكا جانە بيۋدجەتتىك جوسپارلاۋ مينيسترلىگىنىڭ «ەكونوميكالىق زەرتتەۋلەر ينستيتۋتى» رمك باس ديرەكتورى.
2007 جىلدان - «استانانى تۇراقتى دامىتۋ ورتالىعى» جشس ديرەكتورى, استانا قالاسىنىڭ ەكونوميكا جانە بيۋدجەتتىك جوسپارلاۋ دەپارتامەنتى ديرەكتورىنىڭ مىندەتىن اتقارۋشى, ديرەكتورى.
2008 جىلدان بەرى - استانا قالاسى اكىمىنىڭ ەكونوميكا جانە قارجى ماسەلەلەرى بويىنشا ورىنباسارى. 2009-2010 جىلدارى قر يندۋستريا جانە ساۋدا ۆيتسە-ءمينيسترى.
2010-2012 - قر ەكونوميكالىق دامۋ جانە ساۋدا ۆيتسە-ءمينيسترى.
2014 جىلدىڭ 13 تامىزىنان قر ۇلتتىق ەكونوميكا ءمينيسترىنىڭ ورىنباسارى.
2017 جىلدىڭ 14 ساۋىرىنەن ەۋرازيالىق ەكونوميكالىق كوميسسيانىڭ ەكونوميكا جانە قارجى ساياساتى جونىندەگى القا مۇشەسى.
