وسى وقۋ-جاتتىعۋدىڭ ماقساتى بيىك عيماراتتاردا ءورت پايدا بولعان كەزدە شۇعىل قىزمەتتەردىڭ جەدەل دەن قويۋى بويىنشا ءىس-قيمىلدارىن پىسىقتاۋ بولىپ تابىلادى.
باقىلاۋشى رەتىندە پارلامەنت ماجىلىسى زاڭناما جانە سوت-قۇقىقتىق رەفورما كوميتەتىنە مۇشە دەپۋتاتتار ۆ.ي.ولەينيك, ا.ا.سماعۇلوۆ, ب.س.دۇيسەمبينوۆ قاتىستى.
وقۋ-جاتتىعۋ ويىنا سايكەس قۇرىلىس جۇمىسىن جۇرگىزۋ بارىسىندا كابەلدىك جەلىلەردىڭ زاقىمدانۋىنان كابەلدىك شاحتاداعى سىمداردىڭ تۇيىقتالۋى ورىن الدى, كەيىن كابەلدەر جانىپ, سونىڭ سالدارىنان قويۋ كۇيدىرگىش ءتۇتىن ءبولىنىپ, 5-قاباتتان 18-قاباتقا دەيىن تارالدى.
وبەكت كۇزەتى ءورتتى بايقاپ, «101» تەلەفون ءنومىرى بويىنشا ءورت بايلانىسىنىڭ ورتالىق پۋنكتىنە حابارلايدى, عيماراتتان ادامداردى ەۆاكۋاتسيالاۋعا جانە دە ءبىر مەزەتتە ءورتتى ءورت ءسوندىرۋدىڭ العاشقى قۇرالدارى ارقىلى ءورتتى سوندىرۋگە كىرىسەدى.
وقيعا ورنىنا جوعارى شاقىرۋ ءنومىرى بويىنشا ءورت ءسوندىرۋ بولىمشەلەرى جانە جول-پاترۋلدىك قىزمەتىنىڭ ىلەسىپ جۇرۋىمەن شۇعىل دەن قويۋ قىزمەتتەرى جىبەرىلەدى. وقيعا ورنىنا شۇعىل جەتكەن ءورت ءسوندىرۋ قىزمەتىنىڭ ءورت سوندىرۋشىلەرى جاي-كۇيدى جەدەل باعالاپ, شەشۋشى باعىتتاردى انىقتايدى جانە جەدەل تۇردە اسكەري ورىستەتۋ, ءورتتى ءسوندىرۋ جانە زارداپ شەككەندەردى ىزدەۋ جۇمىستارىن باستايدى. پيك (پاتەر يەلەرىنىڭ كووپەراتيۆى), ءوزارا ارەكەت ەتۋ قىزمەتتەرى وكىلدەرىمەن بىرلەسىپ, ءورت ءسوندىرۋ شتابى ۇيىمداستىرىلادى جانە ءورت ءسوندىرۋ مەن ادامداردى قۇتقارۋ بويىنشا ۋچاسكەلەر قۇرىلادى.
بولىمشە گاز-تۇتىننەن قورعاۋ قىزمەتى بۋىنىنىڭ قۇرامىندا بارلاۋ جۇرگىزەدى, ىزدەستىرۋدى توقتاتپاستان, زارداپ شەككەندەردى قۇتقارادى جانە ادامداردى ەۆاكۋاتسيالايدى.
اپاتتار مەديتسيناسى ورتالىعىنىڭ قىزمەتكەرلەرى ۋلى گازبەن ۋلانعان جانە ەلەكتر توعى سالدارىنان زارداپ شەككەندەرگە كومەك كورسەتەدى, زارداپ شەككەندەردى جاقىن جەردەگى مەديتسينالىق مەكەمەلەرگە تاسىمالدايدى. وعان دەيىن ورتالىق وڭىرلىك اەروموبيلدى جەدەل-قۇتقارۋ جاساعى زارداپ شەگۋشىنى قۇتقارۋشىنىڭ سۇيەمەلدەۋىمەن تىگىنەن تۇسىرەدى. قالالىق ەلەكتر جەلىسى عيمارات پەن اۋماقتاعى ەلەكتر ەنەرگياسىن اۆاريالىق اجىراتۋدى قامتاماسىز ەتەدى. «استانا سۋ ارناسى» مكك ورتكە قارسى سۋمەن جابدىقتاۋدى ۇزدىكسىز جۇزەگە اسىرادى.
جەدەل دەن قويۋ قىزمەتىنىڭ ۇيلەسىمدىلىگى مەن جەدەل ءىس-قيمىلى ناتيجەسىندە جالپى اۋماعى 50 شارشى مەتردى قۇراعان شارتتى جانۋ ءساتتى جويىلدى.
