بيىل وبلىس ورتالىعىندا تۇراتىن وتباسىلاردان اجىراسۋعا بايلانىستى 1287 تالاپ-ارىز ءتۇسىپتى. تالاپ-ارىزداردىڭ 1254-ءى بويىنشا ازاماتتىق ءىس قوزعالعان. سۋديانىڭ شەشىمىنە سايكەس, 933 وتباسى ءتىپتى, سوت بارىسىندا اجىراسقان. قالعان 300-دەن اسا وتباسى تاتۋلاسىپ, ارىزدارىن قايتارىپ العان.
ال, وبلىس ورتالىعىنداعى «حالىققا قىزمەت كورسەتۋ ورتالىعى» اجىراسۋ جونىندە سوت شەشىمىنە قاراپ, بار بولعانى 2 كۇننىڭ ىشىندە نەكەنى بۇزا الادى ەكەن.
قالالىق سوتتىڭ سۋدياسى باقىت ساتيەۆانىڭ ايتۋىنشا, نەكەنىڭ تۇراقتى بولۋىنا مەملەكەت مۇددەلىك تانىتادى. سوندىقتان دا سوتتارعا زاڭ ارقىلى ەرلى-زايىپتىلاردى تاتۋلاستىرۋ جونىندە شارالار قولدانۋ مىندەتتەرى جۇكتەلگەن. تاتۋلاستىرۋ-وتباسىن ساقتاۋدىڭ امالى.
ەلىمىزدىڭ جوعارعى سوت توراعاسىنىڭ وكىمىمەن قولعا الىنعان پيلوتتىق جوبا بويىنشا تالاپ-ارىز سوتقا كەلىپ تۇسكەن كەزدە سۋديا تاراپتارعا حابارلاما جىبەرىپ, داۋدى مەدياتسيا تارتىبىمەن اياقتاۋ قۇقىعىن تۇسىندىرەدى. تاراپتار كەلىسىم بەرسە, ازاماتتىق ءىس 10 جۇمىس كۇننىڭ ىشىندە توقتاتىلادى.
ورتالىقتىڭ باستاماشىل جاستارى «مەملەكەتىمىزدىڭ ىرگەسىنىڭ بەرىك بولۋى ءاربىر وتباسىمەن تىعىز بايلانىستى ەكەنىن» ءتۇسىندىرۋ ماقساتىندا ارنايى باعدارلاما بويىنشا جۇمىس جاساۋدا.
فاريدا بىقاي,
«ەگەمەن قازاقستان»
پاۆلودار
