مەملەكەت باسشىسىنىڭ جولداۋىندا ايقىندالعان باسىمدىقتاردىڭ ءبىرى تۇرمىستىق قاتتى قالدىقتاردى زامانعا ساي كادەگە جاراتۋ جانە قايتا وڭدەۋ ارقىلى قازاقستاننىڭ رەسۋرستتىق پوتەنتسيال ودان ءارى دامىتۋ بولىپ تابىلادى, مۇندا جەرگىلىكتى اتقارۋشى ورگاندار بيزنەستى تارتۋ ارقىلى قاجەت جاعدايدى جاسايدى.
قازاقستاننىڭ «جاسىل» ەكونوميكاعا» كوشۋ جونىندەگى تۇجىرىمداماسىندا قالدىقتاردى قايتا وڭدەۋ ۇلەسىن 2030 جىلعا قاراي - 40%-عا, 2050 جىلعا – 50%-عا دەيىن جەتكىزۋ انىقتالعان.
اعىمداعى جىلعى 8 ايدا شامامەن 3,2 ملن. توننا تۇرمىستىق قاتتى قالدىق ءتۇزىلدى, ونىڭ ىشىندە 330 مىڭ تونناعا جۋىعى قايتا وڭدەلدى جانە كادەگە جاراتىلدى, بۇل جالپى تۇزىلگەن كولەمنىڭ شامامەن 10,5%-ن قۇرايدى. 2018 جىلى تۇرمىستىق قاتتى قالدىقتاردى قايتا وڭدەۋ جانە كادەگە جاراتۋ ۇلەسىن 11%-عا دەيىن جەتكىزۋ جوسپارلانىپ وتىر.
قازاقستان رەسپۋبليكي ەنەرگەتيكا مينيسترلىگى مەملەكەت باسشىسىنىڭ تاپسىرماسىن ورىنداۋ ءۇشىن مۇددەلى مەملەكەتتىك ورگاندارمەن جانە ۇيىمدارمەن كەلىسىلگەن شاعىن جانە ورتا بيزنەس سۋبەكتىلەرىن كەڭىنەن تارتا وتىرىپ تۇرمىستىق قاتتى قالدىقتاردى زامانعا ساي كادەگە جاراتۋ جانە قايتا وڭدەۋ بويىنشا شارالار كەشەنى جوباسىن ازىرلەدى. بۇگىنگى كۇنى وبلىستار, رەسپۋبليكالىق ماڭىزى بار قالالار اكىمدىكتەرىمەن شارالار كەشەندەرى بەكىتىلدى, بۇل قاجەت ينفراقۇرىلىمدى قۇرۋعا, ودان دا ساپالى قايتالاما شيكىزاتتى الۋعا, تۇرمىستىق قاتتى قالدىقتاردى كادەگە جاراتۋ جانە قايتا وڭدەۋ نارىعىن دامىتۋعا, سونداي-اق پوليگونداردا ورنالاستىرىلاتىن قالدىقتار كولەمىن قىسقارتۋعا مۇمكىندىك بەرەتىن بولادى.
سونداي-اق, مينيسترلىك تۇرمىستىق قاتتى قالدىقتاردى باسقارۋ جۇيەسىن دامىتۋ, ينفراقۇرىلىمدى دامىتۋدى ىنتالاندىرۋ, مەملەكەتتىك قولداۋ شارالارى بويىنشا نورمالار قاراستىرىلاتىن جاڭا رەداكتسياداعى قازاقستان رەسپۋبليكاسى ەكولوگيالىق كودەكسىنىڭ ازىرلەۋ بويىنشا جۇمىس جۇرگىزىپ جاتىر.
