جيىندا دەنساۋلىق ساقتاۋ ۆيتسە-ءمينيسترى ليازات اكتاەۆا ساكەن نۇعمان ۇلىنىڭ كاسىپقويلىقتىڭ كۇردەلى مەكتەبىنەن وتكەنىن اتاي وتىرىپ, ونەگەلى ءومىربايانىنا توقتالدى.
ماڭىزدى كەزدەسۋدە ءماجىلىس دەپۋتاتى زاۋرەش امانجولوۆا, پروفەسسور, قر ۇعا اكادەميگى تورەگەلدى شارمانوۆ, قر دەنساۋلىق ساقتاۋ مينيسترلىگىنىڭ باس ونكولوگى, ونكولوگيا جانە راديولوگيا عزي ديرەكتورى ديليارا قايداروۆا, س.اسفەندياروۆ اتىنداعى قازۇمۋ رەكتورى تالعات نۇرعوجين باستاعان عالىمدار مەن اتاقتى دوكتورلار قاتىسىپ, وسىدان جارتى عاسىر بۇرىنعى ونكولوگيالىق قىزمەتتىڭ بارىسىنا, ونىڭ دامۋ داڭعىلىنا توقتالدى.
كونفەرەنتسيا اياسىندا نۇعمانوۆقا ارنالعان «ۋاقىتتى وزعان» اتتى كىتابىنىڭ تۇساۋكەسەرى ءوتىپ, جيناقتا قازورعزي-دىڭ ونكولوگيالىق قىزمەتتىنىڭ قالىپتاسۋى تۋرالى, ونىڭ حاتتارى, ول تۋرالى ەستەلىكتەر مەن ماقالالار, سونداي-اق, باسقا دا قۇجاتتار جاريالاندى. كىتاپتا ۇسىنىلعان ماتىندەردىڭ 97 پايىزى ءبىرىنشى رەت جانە فوتوسۋرەتتەردىڭ 99 پايىزى ءبىرىنشى رەت جارىق كوردى.
ءوز كەزەگىندە 1960 جىلى ساكەن نۇعمانوۆ قازاق ونكولوگيا جانە راديولوگيا عزي-دى قۇردى جانە ونى باسقارعانىن ەسكە سالا كەتۋ كەرەك.
قازسسر دەنساۋلىق ساقتاۋ مينيسترلىگىنىڭ باس ونكولوگى رەتىندە رەسپۋبليكاداعى ونكولوگيالىق قىزمەتتىڭ پايدا بولۋىنىڭ باسىندا ءجۇرىپ قانا قويماي, قازاقستانداعى جانە ورتا ازيالىق رەسپۋبليكالارداعى ورفارينگەالدى ىسىكتەردىڭ ەپيدەميولوگياسى مەن پاتولوگياسىن زەرتتەۋ جونىندەگى ينستيتۋت بازاسىندا قۇرىلعان ددسۇ بىرلەسكەن زەرتتەۋ ورتالىعىن باسقاردى. كەڭەس وداعىنىڭ جانە الەمنىڭ جەتەكشى ونكولوگتارىمەن تىعىز سەرىكتەستىك ورناتتى. ونكولوگ-دارىگەرلەرمەن عالىمداردان تۇراتىن ەرەن جۇيرىكتەر توبىن دايىندادى.
ايناش ەسالي,
«ەگەمەن قازاقستان».
الماتى
