«ينتەرنەت جەلىسىنەن كورگەننەن كەيىن-اق تالعاتتىڭ وعان قاتىسامىن دەگەن ىنتاسى ارتا ءتۇستى. ءوزى مەكتەپتە قازاق تىلىنەن جاقسى وقيدى, تۋىستارىمىز دا, كورشىلەرىمىز دە قازاقتار. ۇلىم قازاق تىلىندە ەركىن سويلەۋدى ارماندايدى. تاتارلار قازاق ءتىلىن, قازاقتار تاتار ءتىلىن ەركىن تۇسىنەدى, ەگەر ىنتا بولسا قازاق ءتىلىن نەگە مەڭگەرمەسكە؟ مەن ۇلىمنىڭ باستاماسىن تولىقتاي قولداپ, ەرتىپ كەلدىم» دەيدى تالعاتتىڭ اناسى گۇلنار لاتىپوۆا.
ديكتانت جازۋعا قاتىسۋشىلاردى قازاقستان حالقى وبلىستىق اسسامبلەياسى حاتشىلىعىنىڭ مەڭگەرۋشىسى بيبىگۇل اققوجينا قۇتتىقتادى. ديكتانتتى ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىندەگى پراكتيكالىق لينگۆيستيكا كافەدراسىنىڭ وقىتۋشىسى اقجان التىباەۆا وقىدى. اينالاسى ءبىر ساعاتتىڭ ىشىندە اشىق ديكتانتتى جازىپ بولدى. ارنايى بەكىتىلگەن تەكسەرۋ كوميسسياسىنىڭ مۇشەلەرى ديكتانت جۇمىسىن تەكسەردى. ءتورت كىسى ديكتانتتى ەش قاتەسىز جازىپ شىقتى.
«ەڭ الدىمەن قازاق تىلىندەگى اشىق ديكتانتقا قاتىسۋدىڭ ءوزى تىلگە, مەملەكەتتىك رامىزگە دەگەن قۇرمەت دەپ بىلەمىن. قازاقستاندا تۇرعان ءاربىر ازاماتتىڭ مەملەكەتتىك ءتىلدى ءبىلۋى ولار ءۇشىن ماقتانىش بولۋى ءتيىس. الداعى جىلدارى وتەتىن اشىق ديكتانتقا قاتىسۋعا بۇگىنگى كىپ-كىشكەنتاي تالعات سەكىلدى اركىم ءوزى تىلەك ءبىلدىرىپ كەلسە نۇر ۇستىنە نۇر بولار ەدى» دەيدى تەكسەرۋ كوميسسيانىڭ ءتورايىمى بەلا ەسەنعازينا.
وبلىس بويىنشا اشىق ديكتانتقا ون مىڭنان اسا ادام قاتىستى. بەلسەندىلىك تانىتقاندارعا قازاقستان حالقى وبلىستىق اسسامبلەياسى حاتشىلىعىنىڭ العىس حاتى تاپسىرىلدى.
ءنازيرا جارىمبەت,
«ەگەمەن قازاقستان»
قوستاناي
