تۋعان قالاسىنا ساپارلاپ كەلگەن ول ۋنيۆەرسيتەت ستۋدەنتتەرى مەن وقىتۋشىلارىمەن كەزدەسىپ, وڭىردەگى «رۋحاني جاڭعىرۋ» ايماقتىق ءوفيسىنىڭ جۇمىسىمەن تانىستى.
وقۋ ورنىنداعى ەركىن فورماتتاعى جۇزدەسۋدە قۋات ەسەنوۆ اقش-تاعى ءومىرى تۋرالى ايتىپ بەردى. شەتەلدىك كومپانيالاردا قىزمەت ەتۋدى ويلاپ جۇرگەن جاستارعا الدىمەن اعىلشىن ءتىلىن ۇيرەنۋگە كەڭەس بەردى.
- قازىر زاماناۋي تەحنولوگيالاردىڭ ءتىلىن ءبىلۋ كەرەك. ويتكەنى, الەمدەگى بارلىق ۇدەرىستەر اشىق وتۋدە. ول جاقتاعى اقپارات بۇل جاقتا دا قولجەتىمدى. جاستار ۇيرەنۋگە, بىلۋگە ءوزىن-ءوزى ىنتالاندىرا بىلۋلەرى قاجەت, - دەيدى قۋات ەسەنوۆ.
ستۋدەنتتەردى قۋاتتىڭ نەلىكتەن اقش-قا باردىڭ, باسقا ەمەس Google-دى تاڭداعانى قىزىقتىردى.
- امەريكاداعى ادامدار بىزدەن گورى كوبىرەك بىلىمگە قۇشتار دەي المايمىن. ول جاقتا ءبىلىمدى ادامدارعا جاقسى جاعداي جاسالعان دەپ ايتۋ ورىندى.
-ءوز ەلىڭدى ساعىناسىڭ با؟ دەگەن سۇراققا قۋات ەسەنوۆ.
- ارينە, ءوز ەلىڭنەن ارتىق جەر جوق. ءوز ەلىمدى سۇيەمىن. قازاق ەلىنەن ەكەنىمدى ۇمىتپايمىن.
-امەريكادا ساعان نە جەتىسپەيدى؟ دەگەن سۇراققا
-جىلقى ەتىنىڭ ءدامىن ساعىنامىن, - دەپ ازىلدەدى قۋات ەسەنوۆ.
ەلباسى «التىن بالا” اتاعان قۋات ەسەنوۆ, «100» جاڭا ەسىم جوباسىنىڭ قاتىسۋشىسى. وبلىس ورتالىعىنداعى دارىندى بالالارعا ارنالعان №8 مەكتەپ-ليتسەيدىڭ تۇلەگى. ماتەماتيكا پانىنەن جۇلدىزى جانعان جاس.
2002 جىلى شوتلانديادا وتكەن حالىقارالىق ماتەماتيكالىق وليمپيادانىڭ كۇمىس جۇلدەگەرى, 2003 جىلى جاپونيادا جانە 2004 جىلى گرەكيادا وتكەن وليمپيادا جەڭىمپازى, اقش-تاعى ماسساچۋسەتس شتاتىنىڭ (Massachusetts Institute of Technology, MIT) تەحنولوگيالىق ينستيتۋتىن بىتىرگەن ماتەماتيكاعا دەگەن قابىلەتى ەرتە بىلىنە باستاعان ول ءۇش جاسىندا ءارىپ تانىپ, وقۋدى ۇيرەنگەن. مەكتەپتەگى بارلىق پاندەردى وڭاي يگەرگەن بالاعا مۇعالىمى داۆيد گانەلين باعىت-باعدار بەرگەن.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن رۋفينا تورپيششەۆا
