قازاقستان رەسپۋبليكاسى ۇكىمەتىنىڭ قاۋلىسى № 1337

2011 جىلعى 14 قاراشا,   استانا, ۇكىمەت ءۇيى «ەرەكشە قورعالاتىن تابيعي اۋماقتاردىڭ جەرىن بوسالقى جەرگە اۋىستىرۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 17 اقپانداعى №172 قاۋلىسىنا وزگەرىس ەنگىزۋ تۋرالى قازاقستان رەسپۋبليكاسىنىڭ 2003 جىلعى 20 ماۋسىمداعى جەر كودەكسىنە جانە «ەرەكشە قورعالاتىن تابيعي اۋماقتار تۋرالى» قازاقستان رەسپۋبليكاسىنىڭ 2006 جىلعى 7 شىلدەدەگى زاڭىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. «ەرەكشە قورعالاتىن تابيعي اۋماقتاردىڭ جەرىن بوسالقى جەرگە اۋىستىرۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 17 اقپانداعى №172 قاۋلىسىنا وزگەرىس ەنگىزىلسىن: كورسەتىلگەن قاۋلىمەن بەكىتىلگەن ەرەكشە قورعالاتىن تابيعي اۋماقتاردىڭ جەرىن بوسالقى جەرگە اۋىستىرۋ ەرەجەسى وسى قاۋلىنىڭ قوسىمشاسىنا سايكەس جاڭا رەداكتسيادا جازىلسىن. 2. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2001 جىلعى 14 قاراشاداعى №1337 قاۋلىسىمەن بەكىتىلگەن ەرەكشە قورعالاتىن تابيعي اۋماقتاردىڭ جەرىن بوسالقى جەرلەرگە اۋىستىرۋ ەرەجەسى 1. جالپى ەرەجەلەر 1. وسى ەرەكشە قورعالاتىن تابيعي اۋماقتاردىڭ جەرىن بوسالقى جەرگە اۋىستىرۋ ەرەجەسى (بۇدان ءارى – ەرەجە) قازاقستان رەسپۋبليكاسىنىڭ 2003 جىلعى 20 ماۋسىمداعى جەر كودەكسىنە جانە «ەرەكشە قورعالاتىن تابيعي اۋماقتار تۋرالى» قازاقستان رەسپۋبليكاسىنىڭ 2006 جىلعى 7 شىلدەدەگى زاڭىنا سايكەس ازىرلەندى جانە ەرەكشە قورعالاتىن تابيعي اۋماقتاردىڭ جەرىن بوسالقى جەرگە اۋىستىرۋ ءتارتىبىن ايقىندايدى. مەملەكەتتىك ەكولوگيالىق ساراپتامانىڭ وڭ قورىتىندىسى بولعان كەزدە مەملەكەتتىك باعدارلا­مالاردا كوزدەلگەن تۋريزم وبەكتىلەرىنىڭ, ەرەكشە ستراتەگيالىق ماڭىزى بار سۋ شارۋاشىلىعى عيماراتتارىنىڭ قۇرىلىسى جانە جۇمىس ىستەۋى ءۇشىن شەكتەلگەن شارۋاشىلىق قىزمەتى رەجيمى بەلگىلەنگەن ۋچاسكەلەردى عانا, سونداي-اق قازاقستان رەسپۋبليكاسىنىڭ مەملەكەتتىك شەكاراسىنىڭ وبەكتىلەرىن سالۋ, ولاردى جايلاستىرۋ جانە كۇتىپ-ۇستاۋ ءۇشىن ىقتيمال ورنالاستىرۋدىڭ باسقا جولدارى بولماعان كەزدە وسى ەرەجەدە بەلگىلەگەن تارتىپپەن ەرەكشە قورعالاتىن تابيعي اۋماقتاردىڭ جەرىن بوسالقى جەرگە اۋىستىرۋعا جول بەرىلەدى. 2. وسى ەرەجەدە مىناداي ۇعىمدار پايدالانىلادى: 1) قازاقستان رەسپۋبليكاسى مەملەكەتتىك شەكاراسىنىڭ وبەكتىسى (بۇدان ءارى – مەملەكەتتىك شەكارا وبەكتىسى) – شەكارا قىزمەتىنىڭ بولىمشەلەرى ورنالاسقان, ينجەنەرلىك-تەحنيكالىق قۇرىلىستار مەن توسقاۋىلداردى, شەكارالىق بەلگىلەردى, شەكارالىق سوقپاق جولداردى, كوممۋنيكاتسيالاردى جانە مەملەكەتتىك شەكارا وتكىزۋ پۋنكتتەرىن جايلاستىرۋعا جانە كۇتىپ ۇستاۋعا ارنالعان ورىن; 2) ەرەكشە ستراتەگيالىق ماڭىزى بار سۋ شارۋاشىلىعى قۇرىلىسى (بۇدان ءارى – سۋ شارۋاشىلىعى قۇرىلىسى) – قازاقستان رەسپۋبليكاسىنىڭ پرەزيدەنتى ايقىندايتىن ەرەكشە ستراتەگيالىق ماڭىزى بار سۋ شارۋاشىلىعى قۇرىلىستارىنىڭ تىزبەسىنە ەنگىزىلگەن, سۋ رەسۋرستارىن پايدالانۋ مەن قورعاۋدى رەتتەۋ, سۋمەن جابدىقتاۋ, سۋ بۇرۋ جانە سۋدىڭ زياندى اسەرىن جويۋ ماقساتىندا قولدان جاسالعان گيدروتەحنيكالىق قۇرىلىستار مەن قۇرىلعىلار; 3) تۋريزم وبەكتىسى (بۇدان ءارى – تۋريزم وبەكتىسى) – تۋريزم يندۋسترياسىنىڭ وبەكتىسى, ونىڭ ىشىندە تۋريستەردى, كولىكتى, قوعامدىق تاماقتاندىرۋ وبەكتىلەرىن, ويىن-ساۋىق وبەكتىلەرى مەن قۇرالدارىن, تانىمدىق, ساۋىقتىرۋ, سپورتتىق جانە باسقا دا ماقساتتاعى وبەكتىلەردى ورنالاستىرۋ ءۇشىن قاجەت, قۇرىلىسى مەملەكەتتىك باعدارلامادا كوزدەلگەن عيماراتتار مەن قۇرىلىستار جيىنتىعى. 2. ەرەكشە قورعالاتىن تابيعي اۋماقتاردىڭ جەرىن بوسالقى جەرگە اۋىستىرۋ ءتارتىبى 3. تۋريزم وبەكتىسىن, سۋ شارۋاشىلىعى قۇرىلىسىن, مەملەكەتتىك شەكارا وبەكتىسىن ىقتيمال ورنالاستىرۋدىڭ باسقا نۇسقالارىنىڭ (ورىندارىنىڭ) بولماۋى بولىگىندە ولار ورنالاستىرىلاتىن دەرلەر ەرەكشە قورعالاتىن تابيعي اۋماقتار سالاسىنداعى ۋاكىلەتتى ورگانمەن (بۇدان ءارى – ۋاكىلەتتى ورگان) كەلىسىلەدى. 4. ۋاكىلەتتى ورگان سالىنۋى مەن جۇمىس ىستەۋى ەرەكشە قورعالاتىن تابيعي اۋماقتاردىڭ جەرىن بوسالقى جەرگە اۋىستىرۋدى قاجەت ەتەتىن تۋريزم وبەكتىسىن, سۋ شارۋاشىلىعى قۇرىلىسىن, مەملەكەتتىك شەكارا وبەكتىسىن ىقتيمال ورنالاستىرۋدىڭ باسقا نۇسقالارىنىڭ (ورىندارىنىڭ) بولماۋى ماسەلەسىن قاراۋ ءۇشىن كوميسسيا (بۇدان ءارى – كوميسسيا) قۇرادى. كوميسسيا قۇرامىنا تۋريزم سالاسىنداعى ۋاكىلەتتى ورگانداردىڭ (تۋريزم وبەكتىسىن ورنالاستى­رۋدى قاراۋ كەزىندە), اۋماقتىق ورمان جانە اڭشىلىق شارۋاشىلىعى ينسپەكتسياسىنىڭ, سۋ رەسۋرستارىن رەتتەۋ جونىندەگى باسسەيندىك ينسپەكتسيانىڭ (سۋ شارۋاشىلىعى قۇرىلىستارىن ورنالاستىرۋدى قاراۋ كەزىندە), قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ (مەملەكەتتىك شەكارا وبەكتىلەرىن قاراۋ كەزىندە), قاراۋىندا ەرەكشە قورعالاتىن تابيعي اۋماق بار مەملەكەتتىك ورگانداردىڭ جانە جەردى اۋىستىرۋعا باستاماشى بولىپ تابىلاتىن وزگە ورگانداردىڭ (بۇدان ءارى – مۇددەلى ورگان) وكىلدەرى كىرەدى, ول سۇرالىپ وتىرعان جەر ۋچاسكەسىن ورنالاسقان جەرىنە بارىپ تەكسەرەدى. 5. ۋاكىلەتتى ورگان بەكىتكەن ەرەكشە قورعالاتىن تابيعي اۋماقتى فۋنكتسيونالدىق ايماقتارعا ءبولۋدى جانە ونىڭ ينفراقۇرىلىمىن دامىتۋدىڭ باس جوسپارىن ەسكەرە وتىرىپ شىعارىلعان كوميسسيا­نىڭ وڭ قورىتىندىسى تۋريزم وبەكتىسىن, سۋ شارۋاشىلىعى قۇرىلىسىن, مەملەكەتتىك شەكارا وبەكتى­سىن ەرەكشە قورعالاتىن تابيعي اۋماقتا ورنالاستىرۋ ورىندارىن كەلىسۋ ءۇشىن نەگىز بولىپ تابىلادى. 6. تۋريزم وبەكتىسىن, سۋ شارۋاشىلىعى قۇرىلىسىن, مەملەكەتتىك شەكارا وبەكتىسىن ەرەكشە قورعالاتىن تابيعي اۋماقتا ورنالاستىرۋ ورىندارى كەلىسىلگەننەن كەيىن مۇددەلى ورگان ەرەكشە قورعالاتىن تابيعي اۋماقتاردىڭ جەرىن بوسالقى جەرگە اۋىستىرۋدىڭ تەحنيكالىق-ەكونوميكالىق نەگىزدەمەسىن ازىرلەۋدى ۇيىمداستىرادى. 7. تۋريزم وبەكتىسىن, سۋ شارۋاشىلىعى قۇرىلىسىن, مەملەكەتتىك شەكارا وبەكتىسىن سالۋ جانە ولاردىڭ جۇمىس ىستەۋى ءۇشىن ەرەكشە قورعالاتىن تابيعي اۋماقتاردىڭ جەرىن بوسالقى جەرگە اۋىستىرۋدىڭ تەحنيكالىق-ەكونوميكالىق نەگىزدەمەسى: 1) بوسالقى جەرگە اۋىستىرىلاتىن سۇرالىپ وتىرعان جەر ۋچاسكەسىن ءبولىپ بەرۋدىڭ جەرگە ورنالاستىرۋ جوباسىن; 2) سۇرالىپ وتىرعان جەر ۋچاسكەسىن بوسالقى جەرگە اۋىستىرۋ بويىنشا زالالدى جابۋعا بايلانىستى شىعىنداردىڭ ەسەپتەمەسىن; 3) سۇرالىپ وتىرعان جەر ۋچاسكەسى مەن وعان ىرگەلەس اۋماقتارداعى مەملەكەتتىك تابيعي-قورىق قورى وبەكتىلەرىن بارىنشا تولىق ساقتاۋ جانە قورعاۋ جونىندەگى ءىس-شارالاردى ورىنداۋعا جۇمسالاتىن شىعىنداردىڭ ەسەپتەمەسىن; 4) رەكرەاكتسيالىق جۇكتەمەلەر نورمالارىن ايقىنداي وتىرىپ (تۋريزم وبەكتىسى ءۇشىن) تابيعي كەشەندەردى رەتتەلمەلى تۋريستىك ماقساتتا پايدالانۋ شارتتارىن; 5) مەملەكەتتىك تابيعي-قورىق قورى وبەكتىلەرىن بارىنشا تولىق ساقتاۋدى ەسكەرە وتىرىپ, ءۇي-جايلاردى, عيماراتتاردى, كوممۋنيكاتسيالاردى, جولداردى ورنالاستىرۋ ورىندارى كورسەتىلىپ, تۋريزم وبەكتىسىن, سۋ شارۋاشىلىعى قۇرىلىسىن, مەملەكەتتىك شەكارا وبەكتىسىن سالۋ ءۇشىن سۇرالىپ وتىرعان جەر ۋچاسكەسىنىڭ نوبايىن (نوبايلىق جوبانى); 6) قورشاعان ورتاعا اسەرىن الدىن الا باعالاۋدى قامتيدى. 8. ۋاكىلەتتى ورگان بەكىتكەن, مەملەكەتتىك ەكولوگيالىق ساراپتامانىڭ وڭ قورىتىندىسىن العان تەحنيكالىق-ەكونوميكالىق نەگىزدەمە ەرەكشە قورعالاتىن تابيعي اۋماقتاردىڭ جەرىن بوسالقى جەرگە اۋىستىرۋ تۋرالى قازاقستان رەسپۋبليكاسىنىڭ ۇكىمەتى قاۋلىسىنىڭ جوباسىن ازىرلەۋگە نەگىز بولىپ تابىلادى.