قازاقستان رەسپۋبليكاسى ۇكىمەتىنىڭ قاۋلىسى №1336

2011 جىلعى 14 قاراشا,     استانا قالاسى حالىققا قىزمەت كورسەتۋ ورتالىقتارىنىڭ اقپاراتتىق جۇيەسىنىڭ مەملەكەتتىك اقپاراتتىق جۇيەلەرمەن اقپارات الماسۋ قاعيدالارىن بەكىتۋ تۋرالى «اقپاراتتاندىرۋ تۋرالى» قازاقستان رەسپۋبليكاسىنىڭ 2007 جىلعى 11 قاڭتارداعى زاڭىنىڭ 5-بابىنىڭ 12-1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان حالىققا قىزمەت كورسەتۋ ورتالىقتارىنىڭ اقپاراتتىق جۇيەسىنىڭ مەملەكەتتىك اقپاراتتىق جۇيەلەرمەن اقپارات الماسۋ قاعيدالارى بەكىتىلسىن. 2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ  پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2011 جىلعى 14 قاراشاداعى №1336 قاۋلىسىمەن بەكىتىلگەن حالىققا قىزمەت كورسەتۋ ورتالىقتارى اقپاراتتىق جۇيەسىنىڭ مەملەكەتتىك اقپاراتتىق جۇيەلەرمەن اقپارات الماسۋ قاعيدالارى 1. جالپى ەرەجەلەر 1. وسى حالىققا قىزمەت كورسەتۋ ورتالىقتارى اقپاراتتىق جۇيەسىنىڭ مەملەكەتتىك اقپاراتتىق جۇيەلەرمەن اقپارات الماسۋ قاعيدالارى (بۇدان ءارى – قاعيدالار) «اقپاراتتاندىرۋ تۋرالى» قازاقستان رەسپۋبليكاسىنىڭ 2007 جىلعى 11 قاڭتارداعى زاڭىنىڭ 5-بابىنىڭ 12-1) تارماقشاسىنا سايكەس ازىرلەندى جانە حالىققا قىزمەت كورسەتۋ ورتالىقتارى (بۇدان ءارى – حقو) اقپاراتتىق جۇيەسىنىڭ حقو ارقىلى مەملەكەتتىك قىزمەتتەردى كورسەتۋگە تارتىلعان مەملەكەتتىك ورگانداردىڭ جانە/نەمەسە حقو ارقىلى مەملەكەتتىك قىزمەتتەر كورسەتۋگە قۇجاتتاردى قابىلدايتىن كەزدە پايدالانىلاتىن دەرەكتەردى يەلەنۋشى مەملەكەتتىك ورگانداردىڭ اقپاراتتىق جۇيەلەرىمەن اقپارات الماسۋ ءتارتىبىن ايقىندايدى. 2. وسى قاعيدالاردىڭ ەرەجەلەرىنە سايكەس قازاقستان رەسپۋبليكاسىنىڭ مەملەكەتتىك قۇپيالارىن قۇرايتىن مالىمەتتەر اقپاراتتىق الماسۋعا جاتپايدى. 3. اقپاراتتىق الماسۋ ۇردىسىندە پايدالانىلاتىن مالىمەتتەردىڭ قاعاز تاسىعىشتاعى قۇجاتتاردىڭ مالىمەتتەرىمەن ءمانى بىردەي بولادى. 4. اقپاراتتىق الماسۋ حقو ارقىلى مەملەكەتتىك قىزمەتتەردى كورسەتۋ كەزىندە قاعاز قۇجات اينالىمىن بولدىرماۋدى (ازايتۋدى) جانە مەملەكەتتىك ورگاندار مەن لاۋازىمدى تۇلعالارعا زاڭدىق ءمانى بار فاكتىلەردى راستايتىن قۇجاتتاردىڭ از سانىن ۇسىناتىن ازاماتتاردىڭ قۇقىقتارىن ىسكە اسىرۋدى قامتاماسىز ەتەدى. 5. وسى قاعيدالاردا مىناداي تەرميندەر مەن انىقتامالار قولدانىلادى: 1) اقپاراتتىق ءوزارا ءىس-قيمىل – «ەلەكتروندىق ۇكىمەت» اقپاراتتىق جۇيەلەرىنىڭ اراسىندا اقپاراتتىق الماسۋدى جانە دەرەكتەر بەرۋدى ۇيىمداستىرۋ ءۇشىن جەلىارالىق بايلانىستىرۋ ءۇردىسى; 2) قازاقستان رەسپۋبليكاسىنىڭ حالىققا قىزمەت كورسەتۋ ورتالىقتارىنىڭ اقپاراتتىق جۇيەسى (دەرەكتەردى تۇتىنۋشى) – حالىققا (جەكە جانە زاڭدى تۇلعالارعا), سونداي-اق ءتيىستى مينيسترلىكتەر مەن ۆەدومستۆولاردىڭ قازاقستان رەسپۋبليكاسىنىڭ حالىققا قىزمەت كورسەتۋ ورتالىقتارى ارقىلى قىزمەت ۇسىنۋ ءۇردىسىن اۆتوماتتاندىرۋعا ارنالعان اقپاراتتىق جۇيە; 3) مەملەكەتتىك اقپاراتتىق جۇيە (دەرەكتەردى جەتكىزۋشى) – بيۋدجەت قاراجاتى ەسەبىنەن قۇرىلاتىن جانە (نەمەسە) ساتىپ الىناتىن, سونداي-اق مەملەكەتتىك ورگانداردىڭ قازاقستان رەسپۋبليكاسىنىڭ زاڭدارىندا بەلگىلەنگەن وزگە دە تاسىلدەر ارقىلى العان اقپاراتتى ساقتاۋ, وڭدەۋ, ىزدەۋ, تاراتۋ, بەرۋ جانە ۇسىنۋعا ارنالعان اپپاراتتىق-باعدارلامالىق كەشەن; 4) حابارلاما – اقپاراتتى حقو اقپاراتتىق جۇيەسىنەن مەملەكەتتىك اقپاراتتىق جۇيەگە جانە ودان كەرى ۇسىنۋ نىسانى; 5) ەلەكتروندىق تسيفرلىق قولتاڭبا – ەلەكتروندىق تسيفرلىق قولتاڭبا قۇرالدارىمەن قۇرىلعان جانە ەلەكتروندىق قۇجاتتىڭ دۇرىستىعىن, ونىڭ تيىستىلىگى مەن مازمۇنىنىڭ وزگەرمەيتىندىگىن راستايتىن ەلەكتروندىق تسيفرلىق تاڭبالاردىڭ جيىنتىعى; 6) قر ۇكو (قازاقستان رەسپۋبليكاسىنىڭ ۇلتتىق كۋالاندىرۋشى ورتالىعى) – ەلەكتروندىق تسيفرلىق قولتاڭبانىڭ اشىق كىلتىنىڭ ەلەكتروندىق تسيفرلىق قولتاڭبانىڭ جابىق كىلتىنە سايكەستىگىن كۋالاندىراتىن, سونداي-اق تىركەۋ كۋالىگىنىڭ دۇرىستىعىن راستايتىن («ەلەكتروندىق ۇكىمەتكە» قاتىسۋ­شىلارعا, مەملەكەتتىك جانە مەملەكەتتىك ەمەس اقپاراتتىق جۇيەلەرگە قىزمەت كورسەتەتىن) زاڭدى تۇلعا. 2. حقو اقپاراتتىق جۇيەسىنىڭ مەملەكەتتىك اقپاراتتىق جۇيەلەرمەن اقپارات الماسۋ ءتارتىبى 6. ءوتىنىش بەرۋشى مەملەكەتتىك قىزمەتتى الۋ ماقساتىندا حقو-عا جۇگىنەدى. 7. ءوتىنىش بەرۋ ۇدەرىسىندە حقو وپەراتورى مەملەكەتتىك اقپاراتتىق جۇيەلەرگە سۇراۋ سالۋ ارقىلى ءوتىنىشتى الدىن الا تولتىرۋدى, سونداي-اق مەملەكەتتىك قىزمەتتەردىڭ ستاندارتتارىنا سايكەس قاجەتتى قۇجاتتاردىڭ ەلەكتروندىق كوشىرمەلەرىن ەلەكتروندىق وتىنىمگە سالۋدى جۇزەگە اسىرادى. 8. مەملەكەتتىك قىزمەت الۋعا جانە ءوتىنىش بەرۋشى ۇسىناتىن قۇجاتتاردى جانە كورسەتىلگەن دەرەكتەردى تيىسىنشە تەكسەرۋگە كەلىسىمدى ءوتىنىش بەرۋشى جازباشا نە ەلەكتروندىق تسيفرلىق قولتاڭبانى پايدالانۋ ارقىلى راستايدى. 9. ەلەكتروندىق ءوتىنىمدى قالىپتاستىرۋ ۇدەرىسى اياقتالعاننان كەيىن حقو وپەراتورى حقو اقپاراتتىق جۇيەسى ارقىلى حابارلامانى قالىپتاستىرادى, «ەلەكتروندىق ۇكىمەت» ءشليۋزى ارقىلى سۇراۋ سالۋمەن ەلەكتروندىق بايلانىس ارناسى بويىنشا اتالعان مەملەكەتتىك ورگاننىڭ مەملەكەتتىك قىزمەتتى كورسەتۋ ۇدەرىسىن اۆتوماتتاندىرۋدى قامتاماسىز ەتەتىن مەملەكەتتىك اقپاراتتىق جۇيەسىنە حابارلاما بەرەدى. «سۇراۋ سالۋ» تۇرىندەگى حابارلاما مەملەكەتتىك اقپاراتتىق جۇيە ءۇشىن قالىپتاستىرىلادى جانە مەملەكەتتىك ورگانداردىڭ قىزمەت ۇسىنۋى مەن مەملەكەتتىك اقپاراتتىق جۇيەدەن شىعىس دەرەكتەرىن الۋ ءۇشىن قاجەت باستاپقى دەرەكتەردى بەرۋگە ارنالعان. مەملەكەتتىك اقپاراتتىق جۇيە سۇراۋ سالۋدى قابىلدايدى جانە وڭدەيدى, سۇراۋ سالۋدى وڭدەۋ ناتيجەسىمەن «جاۋاپ» حابارلاماسىن قالىپتاستىرادى جانە حقو اقپاراتتىق جۇيەسىنە بەرەدى. حابارلامالاردى جونەلتۋ جانە الۋ فاكتىلەرى اقپاراتتىق جۇيەلەردە تىركەلەدى. ەلەكتروندىق بايلانىس بولماعان نەمەسە حابارلامالاردى جونەلتۋگە كەدەرگى كەلتىرەتىن باسقا دا جاعدايلار تۋىنداعان كەزدە جەتكىزىلمەگەن حابارلامالار كەزەكتە جيناقتالادى. بۇل وقيعا تۋرالى اقپارات قاتەنىڭ ءتيىستى كودىمەن اقپاراتتىق جۇيەلەردە جازىلادى. اۆاريالىق جاعداي جويىلعاننان كەيىن جەتكىزىلمەگەن حابارلامالاردىڭ كەزەكپەن جونەلتىلۋى قايتا جاڭارتىلادى. 10. قاجەت بولعان جاعدايدا مەملەكەتتىك ورگان اتالعان مەملەكەتتىك ورگان يەلەنۋشىسى بولىپ تابىلاتىن مەملەكەتتىك اقپاراتتىق جۇيەدەن حقو وپەراتورلارى بەرگەن سۇراۋ سالۋدىڭ ماقساتىن تەكسەرۋگە باستاماشىلىق جاسايدى. 11. وپەراتور حقو ارقىلى كورسەتىلۋگە جاتاتىن مەملەكەتتىك قىزمەتتەردى ۇسىنۋ شەڭبەرىندە: 1) مەملەكەتتىك قىزمەتتى كورسەتۋگە ءوتىنىشتى اۆتوماتتى رەجيمدە تولتىرۋعا مۇمكىندىك بەرەتىن; 2) حقو-عا مەملەكەتتىك قىزمەتتى الۋ ءۇشىن جۇگىنگەن كەزدە ازاماتتار ۇسىناتىن قۇجاتتاردىڭ قاعاز كوشىرمەلەرىن بولدىرماۋعا مۇمكىندىك بەرەتىن مەملەكەتتىك اقپاراتتىق جۇيەدەن الادى; 3) حقو وپەراتورلارىنىڭ مەملەكەتتىك اقپاراتتىق جۇيەگە جاسايتىن بارلىق سۇراۋ سالۋلارىنا وپەراتوردىڭ ەلەكتروندىق تسيفرلىق قولتاڭباسىمەن قول قويىلادى جانە اقپاراتتىق جۇيەدە تىركەلەدى, سونداي-اق «ەلەكتروندىق ۇكىمەت» پورتالىنداعى ءوتىنىش بەرۋشىنىڭ جەكە كابينەتىندە كورىنەدى. 12. اقپاراتتىق الماسۋ ۇدەرىسىندە بارلىق ۋاقىتشا پارامەترلەردى تىركەۋ جەرگىلىكتى ۋاقىت بويىنشا جۇرگىزىلەدى. اقپاراتتىق الماسۋدىڭ ۋاقىتشا سيپاتتامالارى مەملەكەتتىك قىزمەت كورسەتۋدىڭ ءاربىر كەزەڭىنە بولىنگەن ۋاقىتتان اسپاۋى ءتيىس. 13. مەملەكەتتىك ورگاننىڭ مەملەكەتتىك قىزمەتتەردى ۇسىنۋ مەرزىمى مەملەكەتتىك قىزمەتتەردى كورسەتۋ ستاندارتتارىندا ايقىندالادى. 14. حقو ارقىلى كورسەتىلەتىن اقىلى مەملەكەتتىك قىزمەتتەرگە ەلەكتروندىق فورماتتاعى تولەم تۋرالى تۇبىرتەك قوسا جۇرەدى جانە مەملەكەتتىك قىزمەت كورسەتۋ وتىنىمىنە قوسا بەرىلەدى. 15. حقو اقپاراتتىق جۇيەسىن وندىرىستىك پايدالانۋعا قوسقانعا دەيىن مىناداي راسىمدەردى ورىنداۋ مىندەتتى: 1) تەستىلىك ستەندتە اقپاراتتىق الماسۋدىڭ الدىن الا سىناعىن وتكىزۋ; 2) حقو اقپاراتتىق جۇيەسىنىڭ مەملەكەتتىك اقپاراتتىق جۇيەلەرمەن اقپاراتتىق الماسۋىن تاجىريبەلىك پايدالانۋىن وتكىزۋ; 3) تاجىريبەلىك پايدالانۋ ناتيجەلەرىنە تالداۋ جۇرگىزۋ, قاجەت بولعان جاعدايدا – باعدارلامالىق قامتاماسىز ەتۋدىڭ پىسىقتالۋىن قامتاماسىز ەتۋ; 4) وندىرىستىك پايدالانۋدا قوسىلاتىن سەرۆيسكە اقپاراتتىق سۇراۋ سالۋلاردىڭ قارقىندىلىعىن باعالاۋ, جۇكتەمەلىك تەستىلەۋ. 16. اقپاراتتىق الماسۋ كەزىندە اقپاراتتى قورعاۋ مەملەكەتتىك ورگانداردىڭ بىرىڭعاي قورعالعان كولىكتىك ورتاسىن, اقپاراتتى كەپىلدى جەتكىزۋدىڭ باعدارلامالىق قۇرالىن پايدالانۋ ەسەبىنەن دە, سونداي-اق اقپاراتتىق قاۋىپسىزدىك بويىنشا ۇىمداستىرۋشىلىق ءىس-شارالارىن وتكىزۋ ەسەبىنەن دە قامتاماسىز ەتىلۋى ءتيىس. 17. قابىلداۋعا/بەرۋگە جاتاتىن مالىمەتتەر ەلەكتروندىق تسيفرلىق قولتاڭبامەن راستالادى. الماسۋ كەزىندە دەرەكتەردىڭ قورعالۋىن ۇيىمداستىرۋ ءۇشىن قر ۇكو بەرگەن تىركەۋ كۋالىكتەرى پايدالا­نىلادى.