قازاقستان رەسپۋبليكاسى ۇكىمەتىنىڭ قاۋلىسى №1312

2011 جىلعى 9 قاراشا,   استانا, ۇكىمەت ءۇيى ەسىرتكى قۇرالدارى, پسيحوتروپتىق زاتتار جانە پرەكۋرسورلار اينالىمى سالاسىنداعى وبەكتىلەر مەن ءۇي-جايلاردى پايدالانۋ قاعيدالارىن بەكىتۋ تۋرالى «قازاقستان رەسپۋبليكاسىنىڭ ىشكى ىستەر ورگاندارى تۋرالى» قازاقستان رەسپۋبليكاسىنىڭ 1995 جىلعى 21 جەلتوقسانداعى زاڭىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان ەسىرتكى قۇرالدارى, پسيحوتروپتىق زاتتار جانە پرەكۋرسورلار اينالىمى سالاسىنداعى وبەكتىلەر مەن ءۇي-جايلاردى پايدالانۋ قاعيدالارى بەكىتىلسىن. 2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2011 جىلعى 9 قاراشاداعى №1312 قاۋلىسىمەن بەكىتىلگەن ەسىرتكى قۇرالدارى, پسيحوتروپتىق زاتتار مەن پرەكۋرسورلار اينالىمى سالاسىنداعى وبەكتىلەر مەن ءۇي-جايلاردى پايدالانۋ قاعيدالارى 1. وسى قاعيدالار «قازاقستان رەسپۋبليكاسىنىڭ ىشكى ىستەر ورگاندارى تۋرالى» 1995 جىلعى 21 جەلتوقسانداعى جانە «ەسىرتكى, پسيحوتروپتىق زاتتار, پرەكۋرسورلار جانە ولاردىڭ زاڭسىز اينالىمى مەن تەرىس پايدالانىلۋىنا قارسى ءىس-قيمىل شارالارى تۋرالى» 1998 جىلعى 10 شىلدەدەگى قازاقستان رەسپۋبليكاسىنىڭ زاڭدارىنا (بۇدان ءارى – زاڭ) سايكەس ازىرلەندى جانە زاڭعا سايكەس قازاقستان رەسپۋبليكاسىندا باقىلاۋعا جاتاتىن ەسىرتكى قۇرالدارى, پسيحوتروپتىق زاتتار مەن پرەكۋرسورلار ءتىزىمىنىڭ ەسىرتكى قۇرالدارىنىڭ, پسيحوتروپتىق زاتتار مەن پرەكۋرسورلاردىڭ (بۇدان ءارى – ەسىرتكى قۇرالدارى, پسيحوتروپتىق زاتتار مەن پرەكۋرسورلار) اينالىمى سالاسىنداعى وبەكتىلەر مەن ءۇي-جايلاردى پايدالانۋ ءتارتىبىن ايقىندايدى. 2. قازاقستان رەسپۋبليكاسىنىڭ اۋماعىندا ەسiرتكi قۇرالدارىنىڭ, پسيحوتروپتىق زاتتار مەن پرەكۋرسورلاردىڭ اينالىمى سالاسىنداعى قىزمەتتiڭ بارلىق تۇرلەرiن زاڭنىڭ 19 جانە 20-باپتارىندا كوزدەلگەن جاعدايلاردى قوسپاعاندا, ءتيىستى ليتسەنزيا العاننان كەيiن جەكە مەنشىك نىسانىنا قاراماستان زاڭدى تۇلعالار جۇزەگە اسىرادى. 3. ەسiرتكi قۇرالدارىنىڭ, پسيحوتروپتىق زاتتار مەن پرەكۋرسورلاردىڭ اينالىمى سالاسىنداعى وبەكتiلەر مەن ءۇي-جايلاردى پايدالانۋعا رۇقساتتى ەسiرتكi قۇرالدارىنىڭ, پسيحوتروپتىق زاتتار مەن پرە­كۋر­سورلاردىڭ زاڭسىز اينالىمىنا قارسى كۇرەستi جۇزەگە اسىراتىن ۋاكiلەتتi مەملەكەتتىك ورگان بەرەدi. وسى قاعيدالارعا قوسىمشاعا سايكەس تەحنيكالىق نىعايتىلۋ تالاپتارىنا, سانيتارلىق نورمالار مەن ەرەجەلەرگە, سونداي-اق ورتكە قارسى قاۋىپسىزدىك شارتتارىنا سايكەس بولعان جاعدايدا وبەكتىلەر مەن ءۇي-جايلاردى ەسiرتكi قۇرالدارىنىڭ, پسيحوتروپتىق زاتتار مەن پرەكۋرسورلاردىڭ اينالىمى سالاسىندا پايدالانۋعا جول بەرىلەدى. 4. ەسىرتكى قۇرالدارىنىڭ, پسيحوتروپتىق زاتتار مەن پرەكۋرسورلاردىڭ اينالىمى سالاسىنداعى وبەكتىلەر مەن ءۇي-جايلار ءۇش توپقا بولىنەدى: 1) ءبىرىنشى توپ – ەسىرتكى قۇرالدارىن, پسيحوتروپتىق زاتتاردى ءوندىرۋشى كاسىپورىندار, ءدارىحا­نا­لار, سىناق زەرتحانالارى, عىلىمي-زەرتتەۋ ينستيتۋتتارى, كوتەرمە ساۋدا كاسىپورىندارى, ەسىرتكى قۇرال­دا­رى, پسيحوتروپتىق زاتتار اينالىمى سالاسىندا قىزمەتتى جۇزەگە اسىراتىن دەنساۋلىق ساقتاۋ سۋبەكتىلەرى; 2) ەكىنشى توپ – قۇرامىندا ەسىرتكى بار وسىمدىكتەردى ءوسىرۋ مەن دايىنداۋ جونىندەگى وبەكتىلەر; 3) ءۇشىنشى توپ – پرەكۋرسورلاردى ءوندىرۋشى جانە/نەمەسە كوتەرمە ساۋدانى جۇزەگە اسىرۋشى, سونداي-اق ولاردى ءوزىنىڭ وندىرىستىك قىزمەتىندە پايدالاناتىن كاسىپورىندار. 5. ەسiرتكi قۇرالدارى, پسيحوتروپتىق زاتتار جانە پرەكۋرسورلار اينالىمى سالاسىنداعى وبەكتىلەر مەن ءۇي-جايلاردى جوسپارلاۋ: 1) قولدا بار ەسiرتكi قۇرالدارىن, پسيحوتروپتىق زاتتاردى جانە پرەكۋرسورلاردى, سونداي-اق ولاردان دايىندالعان ءونiمنىڭ ساقتالۋىن; 2) تەحنولوگيالىق بايلانىسقان ءۇي-جايلار اراسىنداعى قىسقا اراقاشىقتىعى بار ۇدەرىس­تىڭ اعىنىن; 3) تەحنولوگيالىق اعىندار جولىنىڭ كەسiلۋiن بولدىرماۋدى; 4) تازالىق دارەجەسi بiردەي ءۇي-جايلاردى بارىنشا توپتاستىرۋدى; 5) باستاپقى شيكiزاتتىڭ, جارتىلاي دايىن ونiمدەر مەن دايىن ونىمدەردىڭ الۋان تۇرلەرi مەن سەريالارىنىڭ ارالاسىپ كەتۋiن بولدىرماۋدى; 6) باستاپقى شيكiزاتتى, جارتىلاي ونiمدەر مەن دايىن ونىمدەردى قوزعاعان كەزدە لاستانۋدان قورعاۋدى قامتاماسىز ەتۋگە تيiس. 6. ەسىرتكى قۇرالدارىنىڭ, پسيحوتروپتىق زاتتاردىڭ, پرەكۋرسورلاردىڭ اينالىمى سالاسىنداعى وبەكتىلەر مەن ءۇي-جايلاردى عيماراتتىڭ جاپسارلاس كونسترۋكتسيالارىنىڭ بۇتىندىگىن بۇزۋعا نەمەسە قيراتۋعا, قاسبەتتىڭ ساقتالۋى مەن سىرتقى بولىگىنىڭ ناشارلاۋىنا, ورتكە قارسى نورمالاردىڭ بۇزىلۋىنا اكەپ سوعاتىن قايتا جابدىقتاۋعا جانە قايتا جوسپارلاۋعا جول بەرىلمەيدى. 7. ەسىرتكى قۇرالدارى, پسيحوتروپتىق زاتتار مەن پرەكۋرسورلار اينالىمى سالاسىنداعى وبەكتىلەر مەن ءۇي-جايلارعا رۇقسات ولارمەن تىكەلەي جۇمىس جاسايتىن ادامدارعا بەرىلەدى. باقىلاۋداعى زاتتارمەن جۇمىس iستەۋگە رۇقساتى بار ادامداردىڭ تiزiمi iشكi iستەر ورگاندارىمەن كەلiسiلگەننەن جانە ولاردىڭ ناشاقورلىقپەن, ۋىتقۇمارلىقپەن جانە سوزىلمالى ماسكۇنەمدiكپەن اۋرۋىنىڭ جوقتىعى تۋرالى دارiگەرلەردiڭ (پسيحياتر مەن ناركولوگتىڭ) قورىتىندىسىن العاننان كەيىن زاڭدى تۇلعا باسشىسىنىڭ بۇيرىعىمەن بەكىتىلەدى. 8. ەسىرتكى قۇرالدارى, پسيحوتروپتىق زاتتار مەن پرەكۋرسورلار اينالىمى سالاسىنداعى ءۇي-جايلار جۇمىس كۇنi اياقتالعاننان كەيiن مورلەنەدى نەمەسە پلومبالانادى. كiلتتەر, ءمور نەمەسە پلومبير زاڭدى تۇلعا باسشىسىنىڭ بۇيرىعىمەن تاعايىندالاتىن جاۋاپتى ادامدا ساقتالادى. 9. زاڭدى تۇلعانىڭ باسشىسى وسى قاعيدالاردىڭ ساقتالۋىنا دەربەس جاۋاپتى بولادى. ەسىرتكى قۇرالدارى, پسيحوتروپتىق زاتتار مەن پرەكۋرسورلار اينالىمى سالاسىنداعى وبەكتىلەر مەن ءۇي-جايلاردى پايدالانۋ قاعيدالارىنا قوسىمشا ەسىرتكى قۇرالدارى, پسيحوتروپتىق زاتتار مەن پرەكۋرسورلار اينالىمى سالاسىنداعى وبەكتىلەر مەن ءۇي-جايلاردىڭ تەحنيكالىق نىعايتىلۋىنا قويىلاتىن تالاپتار 1. ءبىرىنشى توپ وبەكتىلەرىنە قويىلاتىن تەحنيكالىق  نىعايتۋ تالاپتارى 1. كەمىندە 500 مم قالىڭدىقتا كىرپىشتەن نەمەسە تاستان قالانعان, كەمىندە 200 مم قالىڭدىقتا بەتون قابىرعا بلوكتارىنان نەمەسە قالىڭدىعى 90 مم ەكى قابات بەتون تاستاردان نەمەسە 180 مم قالىڭدىقتا تەمىربەتون پانەلدەرىنەن سالىنعان ىرگەلى سىرتقى قابىرعالار, جابىندار, قالقالار. 2. ىرگەلى سىرتقى قابىرعالارعا ۇقساس جاسالعان نەمەسە ارقايسىسىنىڭ ارالارىنا ديامەترى 10 مم كەم ەمەس جانە تور كوزدەرىنىڭ كولەمى 150ح150 مم كەم ەمەس ارماتۋرادان نەمەسە مەتالل تورمەن ارماتۋرالانعان 120 مم كەم ەمەس قالىڭدىقتا كىرپىش قالانعان مەتالل تورلار سالىنعان 80 مم قالىڭدىقتا قوسارلانعان گيپسوبەتون پانەلدەرىنەن جاسالعان ىشكى قابىرعالار (قالقالار). 3. جوعارىدا كورسەتىلگەن تالاپتارعا ساي كەلمەيتىن جاۋاپ بەرمەيتىن سىرتقى قابىرعالار, جابىندار, ەدەندەر جانە قالقالار ىشكى جاعىنان بارلىق اۋدان بويىنشا ديامەترى كەمىندە 10 مم ارماتۋرالى مەتالل تورلارمەن جانە مولشەرى 150ح150 مم-دەن اسپايتىن ۇيالارمەن نىعايتىلىپ, سودان سوڭ سىلاقپەن سىلانۋعا ءتيىس. تورلار قابىرعاعا بەرىك جاسالعان تەرەڭدىگى 80 مم ديامەترى 12 مم بولات انكەرلەرمەن (بەتون تەگىس بەتتەرگە 4 ديۋبەلمەن اتقىلانىپ, 100ح50ح6 مم بولات جولاقشالار سالىناتىن دەتالدارعا) 500ح500 مم اسپايتىنداي ارالىقتا دانەكەرلەنەدى. 4. كىرەتىن ەسىكتەر اقاۋسىز, ەسىك قورابىنا دالمە-ءدال كىرىپ تۇرعان, تۇتاس, قالىڭدىعى كەمىندە 40 مم بولۋى, ءبىر-بىرىنەن كەمىندە 300 مم ارالىقتا ورناتىلعان ويىقتى, وزدىگىنەن جابىلىپ قالمايتىن ەكى قۇلپى بولۋى ءتيىس. 5. اۋلاعا, تۇيىق كوشەگە شىعاتىن ەسىكتەر, قوسالقى ەسىكتەر ەكى جاعىنان قالىڭدىعى كەمىندە 0,6 مم قاڭىلتىر بولاتپەن ادىپتەلىپ, توسەمنىڭ ىشكى بەتكەيىنە نەمەسە بۇيىرىنە قاتتى جابىلاتىنداي ءيىلىپ كەلگەن بولۋى ءتيىس. قاڭىلتىرلار توسەمنىڭ پەريمەترى مەن دياگونالدارى بويىنشا ديامەترى 3 مم, ۇزىندىعى 40 مم جانە 50 مم-دەن اسپايتىن ارالىقتا شەگەلەرمەن بەكىتىلەدى. 6. وبەكتىلەر ءۇي-جايلارىنىڭ ەسىك ويىعىن (ەسىك قورابىن) جيەكتەۋدى بولات پىشىممەن ورىنداعان ءجون. بولات قاداقتاردىڭ ء(ىرى شەگەلەردىڭ) كومەگىمەن بەكىتىلگەن ديامەترى كەمىندە 10 مم, ۇزىندىعى كەمىندە 120 مم بولاتىن 30ح40ح5 مم بولات بۇرىشپەن كۇشەيتىلگەن اعاش قوراپتاردى پايدالانۋعا رۇقسات ەتىلەدى. 7. ءۇي-جايلاردىڭ تەرەزە ويىقتارى ىشكى جاعىنان نەمەسە جاقتاۋلارى اراسىنان تىگىنەن جانە كولدەنەڭىنەن 150 مم-دەن اسپايتىنداي ديامەترى كەمىندە 16 مم بولات تاياقشالاردان جاسالعان تورلارمەن جابدىقتالادى. تور تاياقشالارىنىڭ ۇشتارى كەمىندە 80 مم تەرەڭدىككە كىرىپ تۇرادى جانە وعان بەتون قۇيىلادى. 8. بەرىكتىگى جاعىنان جوعارىدا كورسەتىلگەن تورلاردان كەم تۇسپەيتىن دەكوراتيۆتى تورلاردى نەمەسە جاليۋزدەردى قولدانۋعا جول بەرىلەدى. 9. ەسىرتكى قۇرالدارىن, پسيحوتروپتىق زاتتار مەن پرەكۋرسورلاردى ساقتاۋعا ارنالعان ىشكى ءۇي-جايلار باسقا ۇيىمداردىڭ ءۇي-جايلارىمەن, تەحنيكالىق ءۇي-جايلارمەن, دالىزدەرمەن جانە ت.ب. شەكتەسپەۋى ءتيىس. 10. ءۇي-جايلارعا وتۋگە بولاتىن شاتىر ليۋكتەرىنە, جەلدەتكىش شاحتالارىنا, ءورت باسپالداق­تارىنا, توبەلەرگە, كۇنقاعارلارعا شىعاتىن دالىزدەر مەن ءۇي-جايلاردىڭ تەرەزە ويىقتارى قاباتىنا قاراماستان ىشكى جاعىنان اشىلاتىن مەتالل تورلارمەن جابدىقتالۋى ءتيىس. 11. قازاقستان رەسپۋبليكاسىندا باقىلاۋعا جاتاتىن ەسىرتكى قۇرالدارى, پسيحوتروپتىق زاتتار مەن پرەكۋرسورلار ءتىزىمىنىڭ (بۇدان ءارى – ءتىزىم) ءى, ءىى, ءىىى كەستەلەرىندەگى ەسىرتكى قۇرالدارى, پسيحوتروپتىق زاتتار ساقتالاتىن ءۇي-جايلار كۇزەت قىزمەتىن جۇزەگە اسىرۋشى سۋبەكت پۋلتتەرىنە قوسىلعان كۇزەت, ءورت جانە دابىل بەلگىلەرىمەن جابدىقتالادى. 12. كۇزەت دابىلىنىڭ ءبىرىنشى شەبىمەن عيماراتتار, ءۇي-جايلار پەريمەترلەرىنىڭ قۇرىلىس كونسترۋكتسيالارى – سىرت جاعىنان ىشكە ەنۋگە بولاتىن تەرەزە جانە ەسىك ويىقتارى, جەلدەتكىش ارنالارى, جىلۋ جولدارى مەن ءۇي-جايدىڭ باسقا دا ەلەمەنتتەرى قورعالادى. 13. ەسىكتەر «اشۋعا» جانە «بۇزىپ كىرۋگە» قارسى جابدىقتالادى. تەرەزەلەر «اشۋ» جانە «بۇزۋ» دابىلىمەن قورعالادى. كۇردەلى ەمەس قابىرعالار, توبەلەر, قالقالار, كوممۋنيكاتسيالار ەنگىزىلگەن جەرلەر «سىندىرۋعا» قارسى جابدىقتالادى. ىرگەلى قابىرعالار, جەلدەتكىش قوراپتار – «بۇزۋعا» جانە «سوققىمەن اسەر ەتۋگە» قارسى جابدىقتالادى. 14. ءوندىرۋشى كاسىپورىنداردىڭ وندىرىستىك عيماراتتارىنا ىرگەلەس اۋماقتارداعى قورشاۋلار: 1) ءبىرىنشى توپ وبەكتىلەرىنىڭ پەريمەترى بويىنشا ادامدار مەن كولىكتەردىڭ باقىلاۋ-وتكىزۋ پۋنكتتەرىن اينالىپ ءوتىپ, ءبىر وبەكتىدەن ەكىنشى وبەكتىگە وتۋىنە كەدەرگى جاساۋى كەرەك; 2) باقىلاۋدىڭ جانە كۇزەتۋدىڭ تەحنيكالىق قۇرالدارىن پايدالانۋعا كەدەرگى جاسامايتىنداي, بۇرىلىسسىز, ءتۇزۋ سىزىقتىڭ بويىمەن جۇرگىزىلۋى ءتيىس; 3) وتكىزۋ رەجيمى بار وبەكتى اۋماعىنىڭ سىرتقى قورشاۋىنىڭ بيىكتىگى كەمىندە 2,5 مەتر بولۋى كەرەك; 4) كۇزەتتى كۇشەيتۋ ءۇشىن سىرتقى قورشاۋدىڭ جوعارعى بولىگىنە 3-4 قاتار تىكەن سىمدار ورناتىلادى; 5) سىرتقى قورشاۋدا وتەتىن قۋىستار, قيراعان تۇستار مەن باسقا دا بۇزىلۋلار, جابىلمايتىن ەسىكتەر, قاقپالار, قاقپاشالار جانە ت.ب. بولماۋى ءتيىس. 15. ءوندىرۋشى كاسىپورىندار, سىناق زەرتحانالارى, عىلىمي-زەرتتەۋ ينستيتۋتتارى عيماراتتارىنا, كوتەرمە ساۋدا كاسىپورىندارى – ادامدار مەن رۇقسات ەتىلگەن كولىك تۇرلەرىن وتكىزۋگە ارنالعان باقىلاۋ-وتكىزۋ پۋنكتتەرىمەن (بۇدان ءارى – ءبوپ) جاراقتالۋى قاجەت. 16. ءبوپ مىندەتتى تۇردە جۇمىسشىلار مەن قىزمەتكەرلەردىڭ جەكە زاتتارى ساقتالاتىن بولمەمەن, تەكسەرۋ بولمەسىمەن, كۇزەت قىزمەتكەرلەرىن, كۇزەتتىڭ تەحنيكالىق قۇرالدارىن (كونتسەنتراتتار, پۋلتتەر, كۇزەتتىك تەلەديداردىڭ بەينەباقىلاۋ قۇرىلعىلارى جانە ت.ب.) وتكىزۋدى (وتەتىن جەردى) اشاتىن تەتىكتەردى جانە كۇزەتتىك جارىقتى باسقاراتىن قۇرىلعىلاردى, سونداي-اق وتكىزۋ رەجيمىن رەتتەيتىن (اۆتوماتتاندىرىلعان نەمەسە قولمەن باسقارىلاتىن مەحانيكالىق قۇرىلعىلاردى, تۋرنيكتەردى, قاقپاشالاردى جانە ت.ب.), سونداي-اق قاجەت بولعان جاعدايدا تەكسەرۋدىڭ قولمەن جۇرگىزىلەتىن ستاتسيونارلىق قۇرالدارى ورنالاستىرىلاتىن ءۇي-جايمەن جابدىقتالۋى كەرەك. 17. كولىك قۇرالدارىنا ارنالعان ءبوپ ەلەكتر جىلجىتقىشى مەن قاشىقتىقتان باسقارعىشى, اپاتتىق توقتاتۋ جانە قولمەن اشۋ قۇرىلعىسى بار جىلجىمالى نەمەسە ايقارا اشىلاتىن تيپتىك قاقپالارمەن جابدىقتالادى. قاقپالاردىڭ وزدىگىنەن اشىلۋىن (قوزعالۋىن) بولدىرماۋ ءۇشىن شەكتەۋىشتەرمەن نەمەسە توقتاتقىشپەن جابدىقتالادى. قاقپالاردى باسقارۋ ءپۋلتى ءبوپ-تە نەمەسە ونىڭ سىرتقى قابىرعاسىندا ورنالاسۋى قاجەت. سوڭعى جاعدايدا پۋلتكە بوگدە ادامدارعا رۇقسات بەرىلمەۋى كەرەك. 18. ءتىزىمنىڭ ءى كەستەسى مەن ءىى كەستەسىندەگى ەسىرتكى قۇرالدارى, پسيحوتروپتىق زاتتار ءبىرىنشى توپتاعى وبەكتىلەردە ساقتاۋعا ارنالعان ارنايى ءۇي-جايلاردا (بۇدان ءارى – قويمالاردا) ساقتالادى. 19. قويما كۇردەلى عيماراتتىڭ ىشىندە ورنالاسۋى ءتيىس. قويمالاردىڭ قابىرعالارى قالىڭدىعى كەمىندە 380 مم كىرپىشتەن قالانادى. بەرىكتىگى كىرپىشكە تەڭ نەمەسە ودان دا جوعارى تەمىربەتون قابىرعالاردى قولدانۋعا بولادى. كۇردەلى ىشكى قابىرعالار, سونداي-اق قابىرعانى جاسىرىن قيراتۋ مۇمكىندىگى بولمايتىن جاعدايدا عيمارات جەرتولەلەرىنىڭ, ءۇشىنشى جانە ودان جوعارى قاباتتارىنىڭ سىرتقى قابىرعالارى ءبىر مەزگىلدە قويمانىڭ دا قابىرعالارى بولا الادى. قويمالاردىڭ قابىرعالارى وسى ۇيىم ءۇي-جايلارىنىڭ قابىرعالارىمەن جاپسارلاس بولا الادى. 20. قويمالاردىڭ ءىش جاعىنان قالىڭدىعى كەمىندە 200 مم قورشاۋ قابىرعالارعا جاناساتىن بەتون قاپتاما ورنالاستىرىلادى. 21. قويمانىڭ استىنداعى ىرگەتاس قالىڭدىعى كەمىندە 600 مم تۇتاس بەتوننان نەمەسە تاس قالاۋدان جاسالادى. ىرگەتاس پەن تەمىربەتون قاپتاما اراسىنان گيدرووقشاۋلاعىش كوزدەلۋى ءتيىس. تەحنيكالىق جەرتولەلەر نەمەسە قانداي دا ءبىر ءۇي-جايلار قۇرىلعىلارىن قويما ەتۋگە جول بەرىلمەيدى. 22. قالىڭدىعى 200 مم ىشكى ءبىرتۇتاس تەمىربەتون قاپتاما, سىرتقى بولگىش پليتا (جابۋ) قويمالاردىڭ بولگىش كونسترۋكتسيالارى بولىپ تابىلادى. بۇل ورايدا توبەنىڭ تەمىربەتون قاپتاماسىنا عيمارات بولگىشتەرىنىڭ (جابۋلارىنىڭ) سالماعى تۇسپەۋى ءتيىس. 23. ءبىر قاباتتى عيماراتتار ءۇشىن, سونداي-اق قويما عيماراتتىڭ سوڭعى قاباتىندا ورنالاسقاندا, قويمانىڭ جوعارى قاپتاماسى ءبولۋ (جابۋ) پليتاسىنان 250 مم الشاق توسەلىپ, قويمانىڭ الدىڭعى بولىگى جاعىنان قاداعالاۋ ءۇشىن اشىق بولۋى ءتيىس. 24. تەمىربەتون بولگىشى بار عيماراتتاردا, بولگىش قابىرعالارى بويىنشا سول ۇيىمعا قاراستى استىڭعى جانە ۇستىڭگى ءۇي-جايلارمەن جاناسپالى قويمالاردى قوسىمشا قورشاۋ كونسترۋكتسيالارىمەن جابدىقتالمايدى بولادى. 25. قويمانىڭ الدىڭعى بولىكتەن وتەتىن ءبىر عانا كىرەتىن ەسىگى بولۋى كەرەك. قويماعا تەرەزە جاساۋعا جول بەرىلمەيدى. 26. قويما ەسىكتەرى ەكى جاعىنان 0,6 مم كەم ەمەس قاڭىلتىرمەن قاپتالادى. ەسىك ويىعىندا قويمانىڭ ىشىنە قاراي اشىلاتىن قوسىمشا مەتالل تورلى ەسىك ورناتىلادى. تورلى مەتالل ەسىكتەر ديامەترى كەمىندە 16 مم بولات تاياقشالار, 150ح150 مم اسپايتىن توركوزدەر قۇرايتىنداي ەتىلىپ دايىندالادى جانە ءاربىر تۇيىسكەن تۇستارى دانەكەرلەنەدى. 27. قويمالار مىندەتتى تۇردە ءاربىر شەبى ورتالىقتاندىرىلعان باقىلاۋ ءپۋلتىنىڭ جەكە نومىرلەرىنە قوسىلا وتىرىپ, كوپشەپتى كۇزەت بەلگىسى جۇيەلەرىمەن جابدىقتالۋى ءتيىس. 28. ءتىزىمنىڭ ءى جانە ءىى كەستەلەرىندەگى ەسىرتكى قۇرالدارى, پسيحوتروپتىق زاتتارمەن وپەراتسيالار جۇرگىزەتىن پەرسونالدىڭ جۇمىس ورىندارى ىشكى ىستەر ورگاندارىنىڭ كەزەكشى بولىمدەرىنە دابىل بەلگىلەرىن بەرۋگە ارنالعان دابىل بەلگىلەرىمەن جابدىقتالادى. 29. ستاتسيونارلىق كومەك كورسەتەتىن دەنساۋلىق ۇيىمدارىنىڭ بولىمشەلەرىندە ەسىرتكى قۇرالدارىن, پسيحوتروپتىق زاتتار مەن پرەكۋرسورلاردى ساقتاۋ اعا (باس) مەديتسينالىق بيكەنىڭ كابينەتىندە جۇزەگە اسىرىلادى. 2. ەكىنشى توپ وبەكتىلەرىنە قويىلاتىن تەحنيكالىق نىعايتۋ تالاپتارى 30. ەكىنشى توپ وبەكتىلەرى مەن ءۇي-جايلاردى تىكەن سىمدارمەن قورشاپ كۇزەت ورىندارى مەن ۇتقىر پاترۋلدەر قويۋ قاجەت. 31. كۇزەت ورنىنىڭ ورتالىعى باقىلاۋ جۇرگىزۋگە جانە قۇقىق بۇزۋشىلىقتاردىڭ الدىن الۋ, جولىن كەسۋ شارالارىن جىلدام قابىلداۋعا نەعۇرلىم قولايلى جەرگە ورناتىلادى. كۇزەت ورنىنىڭ ورتالىعىنان شەكارالاردىڭ قاشىقتىعى 300 مەتردەن اسپاۋى كەرەك. 32. پاترۋلگە قىزمەت وتكەرۋى ءۇشىن پاترۋل جاساۋ باعىتى بەلگىلەنىپ, پاترۋل جۇرەتىن نەگىزگى باعىتتىڭ شەكاراسىنا كورۋگە جانە ەستۋگە بولاتىن شەكتەگى اۋماقتار كىرگىزىلەدى. پاترۋلدەۋ باعىتىنىڭ ەنى وسى ۋچاسكەدەگى جەدەل جاعدايىن ەسكەرە وتىرىپ, ناقتى جاعدايلارعا بايلانىستى سول ۋچاسكەدە بەلگىلەنەدى. 33. پاترۋل باعىتىنىڭ قاشىقتىعى اۆتوكولىكتەگى پاترۋلگە – 6 كم, موتوتسيكلدەگى پاترۋلگە – 3 كم, ۆەلوسيپەد پەن اتتى پاترۋلگە – 2 كم, جاياۋ پاترۋلگە – 1 كم اسپاۋى كەرەك. پاترۋلدەرگە ارنالعان باعىت قاشىقتىعى جەدەل جاعدايعا بايلانىستى, بىراق بەلگىلەنگەن نورمانىڭ 25 پايىزىنان اسىرىلماي ۇزارتىلۋى نەمەسە قىسقارتىلۋى مۇمكىن. 34. قۇرامىندا ەسىرتكىلەر بار وسىمدىكتەر وسىرىلەتىن جانە جينالاتىن وبەكتىلەر ادامدار مەن رۇقسات ەتىلگەن كولىك تۇرلەرىن وتكىزۋگە ارنالعان ءبوپ-پەن جابدىقتالۋى قاجەت. 35. ءبوپ سانى بارىنشا از بولۋى جانە ادامدار مەن كولىكتەردى وتكىزۋدىڭ قاجەتتى قابىلەتتىلىگىن قامتاماسىز ەتۋى ءتيىس. 36. ءبوپ مىندەتتى تۇردە تەكسەرۋ بولمەسىمەن, كۇزەت قىزمەتكەرلەرىن, كۇزەتتىڭ تەحنيكالىق قۇرالدارىن (كونتسەنتراتتار, پۋلتتەر, كۇزەتتىك تەلەۆيزيانىڭ بەينە باقىلاۋ قۇرىلعىلارى جانە ت.ب.), وتكىزۋدى (وتەتىن جەردى) اشاتىن تەتىكتەردى جانە كۇزەتتىك جارىقتى باسقاراتىن قۇرىلعىلاردى, سونداي-اق وتكىزۋ رەجيمىن رەتتەيتىن (اۆتوماتتاندىرىلعان نەمەسە قولمەن باسقارىلاتىن مەحانيكالىق قۇرىلعىلاردى, تۋرنيكتەردى, قاقپاشالاردى جانە ت.ب.), سونداي-اق قاجەت بولعان جاعدايدا تەكسەرۋدىڭ قولمەن جۇرگىزىلەتىن ستاتسيونارلىق قۇرالدارى ورنالاستىرىلاتىن ءۇي-جايمەن جابدىقتالۋى ءتيىس. 37. كولىك قۇرالدارىنا ارنالعان ءبوپ وزدىگىنەن اشىلۋىن (قوزعالۋىن) بولعىزبايتىن شەكتەگىشتەرمەن نەمەسە قىسقىشتارمەن جابدىقتالاتىن جىلجىمالى نەمەسە ايقارا اشىلاتىن تيپتىك قاقپالارمەن جابدىقتالادى. اۆتوكولىكتەردى تەكسەرۋگە ارنالعان تەكسەرۋ الاڭدارى نەمەسە ەستاكادالار جابدىقتالادى. 38. قۇرامىندا ەسىرتكى بار وسىمدىكتەردىڭ تەحنولوگيالىق ۇدەرىستەرى (كەپتىرۋ) مەن ساقتالۋى كۇزەت قىزمەتىنىڭ كۇزەت سۋبەكتىلەرىنە جاتاتىن اۋماقتاردا نەمەسە ۋچاسكەلەردە جۇزەگە اسىرىلۋى ءتيىس. 39. وندىرىستىك ءۇي-جايلار, ەسىرتكى قۇرالدارىن, پسيحوتروپتىق زاتتار مەن پرەكۋرسورلاردى, سونداي-اق ولاردى وڭدەۋدەن الىنعان ونىمدەردى ساقتاۋعا ارنالعان ءۇي-جايلار جۇمىس اياقتالعاننان كەيىن ق ۇلىپتالۋى جانە مورلەنۋى كەرەك. 40. ءتىزىمنىڭ ءىى جانە ءىىى كەستەسىندە كوزدەلگەن ەسىرتكى قۇرالدارى, پسيحوتروپتىق زاتتار, ولاردى وڭدەۋ ارقىلى الىنعان ونىمدەر مورلەنگەن سەيفتەردە ساقتالادى. 41. ءتىزىمنىڭ ءىى, ءىىى, ءىV كەستەسىندە كوزدەلگەن ەسىرتكى قۇرالدارى, پسيحوتروپتىق زاتتار مەن پرەكۋرسورلاردى جانە ولاردى وڭدەۋ ارقىلى الىنعان ونىمدەردى كۇزەت قىزمەتىنىڭ كۇزەت سۋبەكتىلەرى مىندەتتى كۇزەتۋگە ءتيىس. 42. وبەكتىلەر كۇزەت, ءورت جانە دابىل سيگناليزاتسياسىمەن جابدىقتالۋعا ءتيىس. 3. ءۇشىنشى توپ وبەكتىلەرىنە قويىلاتىن تەحنيكالىق نىعايتۋ تالاپتارى 43. ءۇشىنشى توپ وبەكتىلەرى مەن ءۇي-جايلارىندا ءتىزىمنىڭ ءىV كەستەسىندەگى پرەكۋرسورلاردى كاسىپورىن اۋماعىنداعى تەحنولوگيالىق قۇرال-جابدىقتاردىڭ ءبىر بولىگى بولىپ تابىلاتىن ىدىستاردا, پلومبالانعان كونتەينەرلەردە, تسيستەرنالاردا, وعان تيەسىلى تەمىر جول تۇيىقتارىنداعى جانە كۇزەتىلەتىن وندىرىستىك ءۇي-جايلارعا جاقىن ورنالاسقان تەمىر جول ۆاگوندارىندا تەحنيكالىق نىعايتۋدىڭ قوسىمشا ەلەمەنتتەرىن ۇيىمداستىرۋسىز ساقتاۋعا جول بەرىلەدى. وبەكتىلەرگە ىرگەلەس اۋماقتاردى قورشاۋ مىناداي تالاپتارعا سايكەس بولۋى ءتيىس: 1) ادامدار مەن كولىكتەردىڭ باقىلاۋ-وتكىزۋ پۋنكتتەرىن اينالىپ ءوتىپ, ءبىر وبەكتىدەن ەكىنشى وبەكتىگە وتۋىنە كەدەرگى جاساۋى كەرەك; 2) قورشاۋ باقىلاۋعا نەمەسە كۇزەتۋدىڭ تەحنيكالىق قۇرالدارىن پايدالانۋعا كەدەرگى جاسامايتىنداي, ءتۇزۋ سىزىقتىڭ بويىمەن ارتىق بۇرىلىستارسىز جۇرگىزىلۋى ءتيىس; 3) سىرتقى قورشاۋدا وتەتىن قۋىستار, قيراعان تۇستار مەن باسقا دا بۇزىلۋلار, جابىلمايتىن ەسىكتەر, قاقپالار, قاقپاشالار جانە ت.ب. بولماۋى ءتيىس. 44. وبەكتىلەر ادامدار مەن كولىكتى وتكىزۋ ءۇشىن ءبوپ-پەن جاراقتالۋى قاجەت. 45. كولىك قۇرالدارىنا ارنالعان ءبوپ ەلەكتر جىلجىتقىشى مەن قاشىقتىقتان باسقارعىشى, اپاتتىق توقتاتۋ جانە قولمەن اشۋ قۇرىلعىسى بار جىلجىمالى نەمەسە ايقارا اشىلاتىن تيپتىك قاق­پالارمەن جابدىقتالادى. قاقپالاردىڭ وزدىگىنەن اشىلۋىن (قوزعالۋىن) بولدىرماۋ ءۇشىن شەكتەۋىشتەرمەن نەمەسە توقتاتقىشتارمەن جابدىقتالادى. قاقپالاردى باسقارۋ ءپۋلتى ءبوپ-تە نەمەسە ونىڭ سىرتقى قابىرعاسىندا ورنالاسۋى قاجەت. سوڭعى جاعدايدا پۋلتكە بوگدە ادامدارعا رۇقسات بەرىلمەۋى كەرەك. 46. كۇزەتىلەتىن اۋماقتىڭ ىشكى جانە سىرتقى جارىعى بولۋى ءتيىس. 47. وبەكتىلەر كۇزەت سيگناليزاتسياسىمەن جابدىقتالۋى ءتيىس.