بياتلونشى قىزدىڭ ەرلىگى

كەشە قازاقستان رەسپۋبليكا­سى­نىڭ پرەمەر-ءمينيسترى كارىم ءماسىموۆ بياتلوننان قازاقستان قۇراماسىنىڭ مۇشەسى ەلەنا حرۋستال¿ۆانى ۆانكۋۆەردەگى قىسقى وليمپيالىق ويىنداردا كۇمىس مەدالدى جەڭىپ الۋىمەن قۇتتىق­تادى. ۇكىمەت باسشىسىنىڭ ءباسپاسوز قىزمەتى. ون ەكى جىل كۇتتىرگەن كۇمىس مەدال! ەرەن ەرلىگىڭە ەلىڭ ريزا, ەلەنا! جەڭىستى جولىڭ جەرلەستەرىمىزگە جۇعىستى بولسىن! بياتلونشى  قىزدىڭ ەرلىگى كەشە قازاقستان رەسپۋبليكا­سى­نىڭ پرەمەر-ءمينيسترى كارىم ءماسىموۆ بياتلوننان قازاقستان قۇراماسىنىڭ مۇشەسى ەلەنا حرۋستال¿ۆانى ۆانكۋۆەردەگى قىسقى وليمپيالىق ويىنداردا كۇمىس مەدالدى جەڭىپ الۋىمەن قۇتتىق­تادى. وليمپيالىق قالاشىققا جىبەرىلگەن قۇتتىقتاۋ جەدەلحاتىن­دا بىلاي دەلىنگەن: “قۇرمەتتى ەلەنا ۆلاديميروۆنا! رەسپۋبليكا ۇكىمەتىنىڭ, ميل­ليون­داعان قازاقستاندىق جانكۇيەر­لەردىڭ جانە ەلىمىزدەگى سپورتتىق قو­عامنىڭ اتىنان ءسىزدى وليمپيا­دا­نىڭ كۇمىس مەدالىمەن شىن جۇرە­كتەن قۇتتىقتايمىن! ءسىز جەڭىپ العان جۇلدە ءبىزدىڭ ءبا­رىمىز ءۇشىن قىمبات. بۇل – قازاق­ستاندىقتاردىڭ قىسقى وليمپيا­دا­دا ون ەكى جىلدىق ۇزىلىستەن سوڭ قول جەتكىزگەن وليمپيادالىق مەدالى. ءسىزدىڭ سپورتتىق ەرلىگىڭىز وتاندىق سپورتتىڭ داڭقتى جىلناماسىنىڭ تاعى ءبىر جارقىن پاراعىنا اينا­لادى. ەلەنا ۆلاديميروۆنا, ءسىزدىڭ جەڭىسىڭىز قۇراما كومانداداعى سەرىكتەرىڭىز ءۇشىن لايىقتى ۇلگى بولارىنا ءۇمىتىم زور. سىزگە ساتتىلىك پەن جاڭا جەڭىستەر تىلەيمىن!” ون ەكى جىل كۇتتىرگەن كۇمىس مەدال! ءابدىراحمان قىدىربەك. ءححى قىسقى ۆانكۋۆەر وليمپياداسى باستالماس بۇرىن-اق الدىڭعى قوس وليمپيادادا, ياعني, 2002 جىلعى سولت-لەيك سيتي مەن 2006 جىلعى تۋريندە مەدال سىڭ­عىرىن ەستىمەگەن ەلىمىز قۇراماسى ءۇشىن بۇل سىننان دا قورجىنىمىز بوس قايتار ما ەكەن دەگەن قاۋىپ جەرگىلىكتى جانكۇيەرلەردى ەكى ۇداي كۇيگە تۇسىرگەن-ءدى. بۇل تۇرعىدا ماماندار الدىن الا تون پىشۋدەن قاشقاقتاپ جۇلدە الۋ جونىندە جارىتىمدى ەشنارسە ايتا الماعان. مۇنىڭ دا ءوز سەبەبى بار. نەگە دەسە­ڭىز, قىسقى وليمپيادادان مە­دال كۇتۋگە دەگەن ءۇمىت ازايعانىنا دا 12 جىل بولىپتى. سول ازايعان ءۇمىتتىڭ وتىن مازداتىپ, ەل قۇراماسىنا 12 جىل بويى سارعايا كۇتكەن قۋانىش كەلدى. كۇشپەن كەلگەن كۇمىس جۇلدە يەگەرى – بياتلونشى ەلەنا حرۋس­تالەۆا! 29 جاستاعى الماتىلىق ارۋ وسىعان دەيىن دە ۇزدىك ناتيجە­لەرمەن ەل مەرەيىن اسىرىپ كەلگەن ەدى. اتاپ ايتقاندا ول ازيانىڭ 2 دۇركىن چەمپيونى اتانعان-تىن. ايەلدەر اراسىنداعى 15 شاقىرىمدىق جەكەلەي سىندا كۇمىسپەن كۇپتەلگەن ەلەنانىڭ بۇل جەتىستىگى ارتىنداعى ءۇمىتىن ۇكىلەپ وتىرعان بۇكىل قازاق ەلىنىڭ جەتىستىگى دەسەك تە بولعانداي. نامىسىنا قامشى باسقان الەمنىڭ مەنمىن دەگەن ساڭلاقتارىنىڭ اراسىندا سىنعا تۇسكەن سىرباز قىزدىڭ ۇزدىك ۇشتىكتەن قول بۇلعاۋى اق وليمپيا­دانى تەلەديداردان تەلمىرە قاراپ وتىرعان سپورتسۇيەر قاۋىمدى ەرەكشە سەرپىلتىپ تاستادى. بەيسەنبى كۇنى وتكەن جارىستىڭ چەمپيوندىق اتاعىنا نورۆەگيالىق تۋرا بەرگەر يە بولسا, قولا جۇلدە بەلارۋس سپورتشىسى داريا دومراچەۆاعا بۇيىر­دى. 4 جەردەگى نىسانا كوزدەۋ شەبى ارقىلى ۋيستلەر­دەگى بياتلون تراسسا­سىن­دا وتكەن 15 شاقى­رىمدىق اتال­مىش جارىستا ەلەنا ءبىر دە ءبىر قاتەلىك ءجى­بە­رمەدى. ءارتۇرلى قا­شىقتىقتا قويىل­عان 20 نىسا­نا­­نىڭ بارىنە ءدال تيگىز­دى. ءسويتىپ, كۇ­مىس ءجۇل­د­ە­­گەر ال­تىن­نان القا تاققان جەڭىم­پازدان نەبارى 20,7 سەكوند كەيىن كەلدى. قاي جاعىنان الىپ قاراساڭىز دا وسى ايتۋلى سىندا ەلەنا قىز ەرلەدى! ۆانكۋۆەردە قازاقستان قۇرا­ما كومانداسىنا العاشقى مەدالدى الىپ بەردى. اقىلدىلىقتى دا, جىل­دامدىقتى دا, قىراعىلىقتى دا, كەرە­مەت كۇش-جىگەرمەن, رۋحتى دا تالاپ ەتەتىن وسىناۋ ءدۇبىرلى دودادا جۇلدەگەر اتانعان جەرلەسىمىزگە قانداي ماقتاۋ ايتساق تا جاراسا­تىن­داي. ەرەن ەرلىگىڭە ەلىڭ ريزا, ەلەنا! جەڭىستى جولىڭ جەرلەستەرىمىزگە جۇعىستى بولسىن!