اۋماعى 10,3 مىڭ شارشى مەتردى قۇرايتىن ءۇش قاباتتى وقۋ عيماراتى بالالاردىڭ جاتتىعۋعا جانە بوس ۋاقىتىنا, سونداي-اق مادەني جانە سپورتتىق, بىلىمگە دەگەن قاجەتتىلىكتەرىن ەسكەرە وتىرىپ ازىرلەنگەن. مەكتەپ 29 سىنىپقا ارنالعان جانە ەكى اۋىسىممەن جۇمىس ىستەيدى: ءبىرىنشى قاباتتا 210 ورىندىق اسحانا بار, كىرەبەرىستە تۋرنيكەتتەر بار.
مەكتەپتە قاجەتتى جابدىقتارىمەن سپورت جانە اكت زالدارى, ينفورماتيكا, فيزيكا, حيميا جانە بيولوگيا كابينەتتەرى, اعىلشىن ءتىلى, مەديا-كىتاپحانا جانە 22 مىڭ كىتاپ قورى بار كىتاپحانا بار. ارنايى ءبىلىم بەرۋ قاجەتتىلىكتەرى بار بالالار ءۇشىن ليفت پەن ۇستايتىنى بار پاندۋستار قويىلعان. اباتتاندىرىلعان مەكتەپ اۋماعىندا دەمالۋ جانە سەرۋەندەۋ الاڭى, وقۋشىلارعا ارنالعان جاتتىعۋ ويىن جانە سپورت الاڭدارى, جۇگىرۋ جولدارى ورنالاسقان.
قالالىق ءسۇت زاۋىتى اۋدانىندا 600 ورىندىق تاعى ءبىر مەكتەپ اشىلدى. بۇل مەكتەپ وتاندىق عالىم-ارحەولوگ, تاريحشى الكەي مارعۇلاننىڭ ەسىمىمەن اتالادى.
سونىمەن بىرگە, وقۋشىلاردى جالپى ءبىلىم بەرۋ مەكەمەلەرىنە قاۋىپسىز تاسىمالداۋ ماسەلەسى جەرگىلىكتى بيلىك ورگاندارىنىڭ باسىمدىقتارىنىڭ ءبىرى بولىپ تابىلادى. وسىعان بايلانىستى «باقىتتى بالا» ايماقتىق جوباسىنىڭ اياسىندا 10 مەكتەپتىڭ ديرەكتورلارى جاڭا Iveco شاعىن اۆتوبۋستارىنىڭ كىلتتەرىن الدى. وتاندىق ءوندىرىستىڭ ىڭعايلى اۆتوكولىگى وبلىس ورتالىعىنىڭ شالعاي اۋداندارىنان بالالاردى تاسىمالداۋ ءۇشىن ارنالعان.
بيىلعى جىلى اقتوبە وبلىسىندا 15 جاڭا مەكتەپ اشىلادى, ونىڭ 9-ى 1 قىركۇيەككە دەيىن العاشقى وقۋشىلارىن قابىلدايدى.
