24 جەلتوقسان، 2011

قازاقستان رەسپۋبليكاسى ۇكىمەتىنىڭ قاۋلىسى №1366

142 رەت كورسەتىلدى

2011 جىلعى 22 قاراشا                                       استانا، ۇكىمەت ءۇيى

تەمەكى بۇيىمىنىڭ قورابىنا، تەمەكى بۇيىمىنىڭ قاپتاماسىنا شايىرلى زاتتاردىڭ، نيكوتيننىڭ قۇرامى تۋرالى، قۇرامىنىڭ دەڭگەيى تۋرالى جانە جۇيەلىك ۋلار، كانتسەروگەندىك جانە مۋتاگەندىك زاتتار تۋرالى مالىمەتتەردى ورنالاستىرۋ قاعيدالارىن جانە تەمەكى شەگۋدىڭ زيانى تۋرالى ەسكەرتۋدى بەكىتۋ تۋرالى

 «حالىق دەنساۋلىعى جانە دەنساۋلىق ساقتاۋ جۇيەسى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 159-بابىنىڭ 2-تارماعىنىڭ 8) تارماقشاسىنا جانە 13-تارماعىنىڭ 3) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:

1. قوسا بەرىلىپ وتىرعان:

1) تەمەكى بۇيىمىنىڭ قورابىنا، تەمەكى بۇيىمىنىڭ قاپتاماسىنا شايىرلى زاتتاردىڭ، نيكوتيننىڭ قۇرامى تۋرالى، قۇرامىنىڭ دەڭگەيى تۋرالى جانە جۇيەلىك ۋلار، كانتسەروگەندىك جانە مۋتاگەندىك زاتتار تۋرالى مالىمەتتەردى ورنالاستىرۋ قاعيدالارى (بۇدان ءارى – قاعيدالار);

2) تەمەكى بۇيىمىنىڭ قورابىنا، تەمەكى بۇيىمىنىڭ قاپتاماسىنا ورنالاستىرىلاتىن تەمەكى شەگۋدىڭ زيانى تۋرالى ەسكەرتۋ (بۇدان ءارى – ەسكەرتۋ) بەكىتىلسىن.

2. وسى قاۋلى قولدانىسقا ەنگىزىلگەن كۇنىنەن باستاپ ون سەگىز اي وتكەن سوڭ قولدانىسقا ەنگىزىلەتىن قاعيدالاردىڭ 4، 6-تارماقتارىن جانە ەسكەرتۋدىڭ 2، 5-تارماقتارىن قوسپاعاندا، وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قاعيدالاردىڭ 5-تارماعى وسى قاۋلى قولدانىسقا ەنگىزىلگەن كۇنىنەن باستاپ ون سەگىز اي وتكەن سوڭ كۇشىن جويادى.

قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.

قازاقستان رەسپۋبليكاسى ۇكىمەتىنىڭ 2011 جىلعى 22 قاراشاداعى  №1366 قاۋلىسىمەن بەكىتىلگەن

تەمەكى بۇيىمىنىن قورابىنا، تەمەكى بۇيىمىنىڭ قاپتاماسىنا شايىرلى زاتتاردىڭ، نيكوتيننىڭ قۇرامى تۋرالى، قۇرامىنىڭ دەڭگەيى تۋرالى جانە جۇيەلىك ۋلار، كانتسەروگەندىك جانە مۋتاگەندىك زاتتار تۋرالى مالىمەتتەردى ورنالاستىرۋ قاعيدالارى

1. جالپى ەرەجەلەر

1. وسى قاعيدالار تەمەكى بۇيىمىنىڭ قورابىنا، تەمەكى بۇيىمىنىڭ قاپتاماسىنا شايىرلى زاتتاردىڭ، نيكوتيننىڭ قۇرامى تۋرالى، قۇرامىنىڭ دەڭگەيى تۋرالى جانە جۇيەلىك ۋلار، كانتسەروگەندىك جانە مۋتاگەندىك زاتتار تۋرالى مالىمەتتەردى ورنالاستىرۋ ءتارتىبىن (بۇدان ءارى – قاعيدالار) ايقىندايدى.

2. وسى قاعيدالار تەمەكى مەن تەمەكى بۇيىمدارىن يمپورتتاۋ، ءوندىرۋ، كوتەرمە جانە بولشەك ساۋدادا ساتۋ بويىنشا قىزمەتتى جۇزەگە اسىراتىن جەكە جانە زاندى تۇلعالاردىڭ ورىنداۋى ءۇشىن مىندەتتى بولىپ تابىلادى.

2. تەمەكى بۇيىمىنىڭ قورابىنا، تەمەكى بۇيىمىنىڭ قاپتاماسىنا شايىرلى زاتتاردىڭ، نيكوتيننىڭ قۇرامى تۋرالى، قۇرامىنىڭ دەڭگەيى تۋرالى جانە جۇيەلىك ۋلار، كانتسەروگەندىك جانە مۋتاگەندىك زاتتار تۋرالى مالىمەتتەردى ورنالاستىرۋ ءتارتىبى

3. شايىرلى زاتتار مەن نيكوتين قۇرامىنىڭ دەڭگەيى تۋرالى مالىمەتتەر تەمەكى بۇيىمىنىڭ قورابىنا، تەمەكى بۇيىمدارىنىڭ قاپتاماسىنا جازىلادى جانە تەمەكى بۇيىمى قورابىنىڭ، قاپتاماسىنىڭ ءبىر جاق ءبۇيىر بەتىنىڭ كەمىندە 4%-ىن ء(تورت پايىزىن) الادى.

4. كەمىندە ءۇش زياندى قوسىلىستىڭ قۇرامى تۋرالى مالىمەتتەر:

1) جۇيەلىك ۋلار: كۇشالا، سىناپ، اتسەتون، كوگەرتكىش قىشقىل، امموني، فەنول;

2) كانتسەروگەندىك زاتتار: پولوني-210، بەنزول، فورمالدەگيد، بەنزپيرەن، كادمي، اكرولەين;

3) مۋتاگەندىك زاتتار: اتسەتالدەگيد، تولۋول، قورعاسىن، اكريلونيتريل، كومىرتەگى مونووكسيدى، 3-امينوبيفەنيل تۋرالى اقپاراتتى قامتيدى.

5. كەمىندە ءۇش زياندى قوسىلىس – جۇيەلىك ۋلاردىڭ، كانتسەروگەندىك جانە مۋتاگەندىك زاتتاردىڭ قۇرامى تۋرالى مالىمەتتەر تەمەكى بۇيىمدارىنىڭ

قورابىنا جانە قاپتاماسىنا: «تەمەكى بۇيىمدارىنىڭ تۇتىنىندە: فورمالدەگيد، بەنزول جانە كومىرتەگى مونووكسيدى بار» دەگەن جازبا تۇرىندە جازىلادى جانە تەمەكى بۇيىمى قورابىنىڭ، تەمەكى بۇيىمى قاپتاماسىنىڭ كولەمى بويىنشا ءاربىر ۇلكەن جاعىنا ورنالاسادى.

6. وسى قاعيدالاردىڭ 4-تارماعىندا سانامالانعان ون سەگىز ءتۇردىڭ كەمىندە ءۇش زياندى قوسىلىسى – جۇيەلىك ۋلاردىڭ، كانتسەروگەندىك جانە مۋتاگەندىك زاتتاردىڭ قۇرامى تۋرالى مالىمەتتەر:

1) سولدان وڭعا قاراي تەمەكى بۇيىمى قورابىنىڭ، تەمەكى بۇيىمى قاپتاماسىنىڭ سول جاق شەتىنە پاراللەل ورنالاستىرىلادى;

2) سول جاق ءبۇيىرىنىڭ ورتاڭعى بەتى كولەمىنىڭ كەمىندە 17%-ىن (ون جەتى پايىزىن) الادى;

3) كۇنتىزبەلىك جىل ىشىندە قازاقستان رەسپۋبليكاسىنىڭ اۋماعىندا وندىرىلگەن، سونداي-اق قازاقستان رەسپۋبليكاسىنىڭ اۋماعىنا اكەلىنگەن تەمەكى بۇيىمى قوراپتارىنىڭ، تەمەكى بۇيىمى قاپتامالارىنىڭ شامامەن تەڭ مولشەرىنە ورنالاستىرىلادى.

7. مالىمەتتەر جازىلعان ءماتىن مىناداي تالاپتارعا سايكەس كەلۋى ءتيىس:

1) مەملەكەتتىك جانە ورىس تىلدەرىندە باسىلادى;

2) قارىپتىڭ اتاۋى – Helvetica kz;

3) سول جاق شەتتەن بوس جەر – كەمىندە 2 مم;

4) ءتۇسى – قوراپتىڭ نەگىزگى اياسىنىڭ تۇسىنە قاراما-قارسى;

5) باسقا باسپا اقپاراتىمەن نەمەسە اكتسيزدىك ماركامەن بۇركەلمەۋى ءتيىس;

6) جىرتىلاتىن جەرىندە ورنالاسپاۋى ءتيىس.

قازاقستان رەسپۋبليكاسى ۇكىمەتىنىڭ 2011 جىلعى 22 قاراشاداعى  №1366 قاۋلىسىمەن بەكىتىلگەن

تەمەكى بۇيىمىنىڭ قورابىنا، تەمەكى بۇيىمىنىڭ قاپتاماسىنا

ورنالاستىرىلاتىن تەمەكى شەگۋدىڭ زيانى تۋرالى ەسكەرتۋ

1. تەمەكى بۇيىمىنىڭ قورابىندا، تەمەكى بۇيىمدارىنىڭ قاپتاماسىندا ورنالاستىرىلاتىن تەمەكى شەگۋدىڭ زيانى تۋرالى ەسكەرتۋ (بۇدان ءارى – ەسكەرتۋ) تەمەكى تۇتىنۋدىڭ جانە تەمەكى ءتۇتىنىن جۇتۋدىڭ ادام ورگانيزمى ءۇشىن قاتتى زيان كەلتىرەتىن سالدارى تۋرالى اقپاراتتى بىلدىرەدى.

2. تەمەكى تۇتىنۋدىڭ جانە تەمەكى ءتۇتىنىن جۇتۋدىڭ ادام ورگانيزمى ءۇشىن قاتتى زيان كەلتىرەتىن سالدارىن بەينەلەۋ تۇرىندەگى تولىق ءتۇرلى-ءتۇستى سۋرەت جانە ونىمەن بىرگە جازىلاتىن جازبا:

1) وسى ەسكەرتۋگە قوسىمشاعا سايكەس ەسكيزدەرگە ساي كەلۋى;

2) تەمەكى بۇيىمى قورابىنىڭ كولەمى بويىنشا ءاربىر ۇلكەن جاعىنىڭ ۇستىڭگى بولىگىندە ورنالاسۋى;

3) تەمەكى بۇيىمى قاپتاماسىنىڭ كولەمى بويىنشا ءاربىر ۇلكەن جاعىندا ورنالاسۋى;

4) كۇنتىزبەلىك جىلدىڭ ىشىندە قازاقستان رەسپۋبليكاسىنىڭ اۋماعىندا وندىرىلگەن، سونداي-اق قازاقستان رەسپۋبليكاسىنىڭ اۋماعىنا اكەلىنگەن تەمەكى بۇيىمى قوراپتارىنىڭ، تەمەكى بۇيىمى قاپتامالارىنىڭ شامامەن تەڭ مولشەرىنە ورنالاستىرىلادى جانە جوعارى دەڭگەيدە (CMYK كەمىندە 300 dpi) باسىلۋى ءتيىس.

3. ەسكەرتۋ مىناداي تالاپتارعا سايكەس كەلۋى ءتيىس:

1) تەمەكى بۇيىمى قورابىنىڭ، تەمەكى بۇيىمدارى قاپتاماسىنىڭ كولەمى بويىنشا ءاربىر ۇلكەن جاعىنىڭ كەمىندە 40%-ىن (قىرىق پايىزىن) الۋى;

2) ءمولدىر وراۋىش پلەنكاعا نەمەسە قانداي دا ءبىر باسقا سىرتقى وراۋىش ماتەريالعا باسىلماۋى ءتيىس.

4. ەسكەرتۋدىڭ جازبالارى، ىلەسپە تولىق ءتۇرلى-ءتۇستى سۋرەتتەر ەكى تىلدە (بەت جاعىندا – مەملەكەتتىك تىلدە، كەلەسى بەتىندە – ورىس تىلىندە) باسىلادى جانە مىناداي ماتىندەردى قامتيدى:

1) «تەمەكى شەگۋ ينفاركت پەن ينسۋلتقا شالدىقتىرادى»;

2) «تەمەكى شەگۋ – وكپەنىڭ قاتەرلى ىسىگىنە شالدىقتىرادى»;

3) «تەمەكى شەگۋ – وكپە ەمفيزەماسىنا شالدىقتىرادى»;

4) «تەمەكى شەگۋ – تامىر اۋرۋلارىنا شالدىقتىرادى»;

5) «تەمەكى شەگۋ – ءتىستىڭ ءتۇسۋى مەن پارودونتوزعا شالدىقتىرادى»;

6) «تەمەكى شەگۋ – باياۋ ءارى ازاپتى ولىمگە سەبەپشى بولۋى مۇمكىن»;

7) «تەمەكى شەگۋ – يمپوتەنتسياعا شالدىقتىرادى»;

8) «تەمەكى شەگۋ – تەرىنى ەرتە قارتايتادى»;

9) «تەمەكى شەگۋ – بەدەۋلىككە جانە تۇسىك تاستاۋعا سەبەپ بولادى»;

10) «تەمەكى شەگۋ – ەسىرتكىگە تاۋەلدى ەتەدى»;

11) «جۇكتىلىك كەزىندە تەمەكى شەگۋ ءسىزدىڭ سابيىڭىزگە زيان كەلتىرەدى»;

12) «بالالاردى تەمەكى تۇتىنىنەن قورعاڭىزدار».

5. جازبالاردىڭ ماتىندەرى مىناداي تالاپتارعا سايكەس بولۋى ءتيىس:

1) قارىپتىڭ اتاۋى – تىلىنە سايكەس Arial kz جانە اگىاى;

2) باعىتى – سولدان وڭعا قاراي، تەمەكى بۇيىمدارى قورابىنىڭ جانە قاپتاماسىنىڭ تومەنگى شەتىنە پاراللەل;

3) ءتۇسى – اق، سپەكتر №255.255.255.

تەمەكى شەگۋدىڭ زيانى تۋرالى ەسكەرتۋگە قوسىمشا

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار