وعان گەرمانيا تاراپىنان گەسسەن جەر سوتىنىڭ پرەزيدەنتى ۆيلگەلم ۆولف, فرانكفۋرت قالاسىنىڭ باس پروكۋرورى البەرت شرايبەر, گەسسەن جەر سوتىنىڭ بۇرىنعى باس پروكۋرورى حانس-يوزەف بلۋمەنزاتت جانە فرانكفۋرت قالاسى پوليتسياسىنىڭ بۇرىنعى پرەزيدەنتى احيم تيل, ۆيسمار قالاسىنداعى ينستيتۋتتىڭ عىلىمي قىزمەتكەرى دميتري ولەينيك قاتىستى.
د.ولەينيك گەرمان پروتسەسىنىڭ نەگىزگى جاعدايى تۋرالى بايانداما جاسادى. ول سونداي-اق قىلمىستىق ىستەردى تەرگەۋدى ۇيىمداستىرۋ جونىندە, پوليتسيانىڭ ناقتىلى دەرەكتەردى جيناۋى, ولارعا پروكۋراتۋرانىڭ قۇقىقتىق باعا بەرىپ, بارلىق پروتسەستىك شەشىمدەر قابىلدايتىنى تۋرالى ايتىپ بەردى.
سونداي-اق, كەڭەس قاتىسۋشىلارىن تەرگەۋ امالدارىن جۇرگىزۋدىڭ ەرەكشەلىكتەرى, ولاردى سانكتسيالاۋ, بۇلتارتپاۋ شارالارىن تاڭداۋ, ۆەدومستۆو جانە سوت باقىلاۋى تۋرالى ماسەلەلەر قىزىقتىردى. تالقىلاۋ بارىسىندا ساراپشىلار گەرمانيا مەن قازاقستاننىڭ قىلمىستىق پروتسەسىن سالىستىرا كەلىپ, ەكى ەلدىڭ دە زاڭنامالارىنا ەنگىزىلۋى مۇمكىن جەكەلەگەن ينستيتۋتتارعا نازار اۋداردى.
سونىمەن قاتار گەرماندىق ارىپتەستەر قۇقىق قورعاۋ قىزمەتىن تسيفرلاندىرۋ سالاسىنداعى ناتيجەلەرمەن, ونىڭ ىشىندە تەرگەۋ جۇرگىزۋمەن جانە سوتتاردىڭ قىلمىستىق ىستەردى ەلەكتروندىق فورماتتا قاراۋىمەن تانىستىرىلدى.
