جيىندا قالا باسشىسى قالا اكىمى ورىنباسارىنىڭ, كولىك جانە جول-كولىك ينفراقۇرىلىمىن دامىتۋ باسقارماسىنىڭ, «استانا LRT» جشس مەن استانالىق اۆتوبۋس پاركتەرىنىڭ جۇمىسىن قاتاڭ سىنعا الدى.
«بارلىق ماسەلەلەردى وقۋ جىلى باستالعانشا شەشۋ كەرەك. ۆاليداتورلاردىڭ جۇمىس ىستەمەۋىنەن ادامدار اۆتوبۋس كۇتىپ تۇرماۋى كەرەك», - دەدى اسەت يسەكەشەۆ.
ەلوردا باسشىسى بارلىق ۆاليداتورلاردىڭ جۇمىسىن رەتتەۋدى تاپسىردى. ال ولار ىستەن شىققان جاعدايدا اۆتوبۋستى كۇتتىرىپ قويماي, بارلىق جولاۋشىلار تەگىن ءجۇرۋى ءتيىس ەكەنىن ايتتى.
«ۆاليداتورلار تۇراقتى جۇمىس ىستەمەسە, جولاۋشىلاردى تەگىن تاسىڭدار», دەدى اسەت يسەكەشەۆ.
قالا اكىمى اۆتوبۋس قوزعالىسىن باقىلاۋعا ارنالعان GPS مونيتورينگىنىڭ جۇمىس ىستەمەيتىنىن, مۇنىڭ جولاۋشىلارعا قولايسىزدىقتار تۋدىراتىنىن اتاپ ءوتتى. ەلەكتروندىق تابلودان ايىرماشىلىق 3-5 مينۋتتان اسپاۋى كەرەك.
سونداي-اق, اكىم «استانا LRT» جشس-گە تامىز ايىنىڭ سوڭىنا دەيىن جولاقىنى QR كود, سمارتفون جانە ينتەرنەت-بانكينگ ارقىلى تولەۋگە مۇمكىندىك بەرەتىن قوسىمشا مۇمكىندىكتەر ازىرلەۋدى تاپسىردى. ءوز كەزەگىندە اۆتوپارك وكىلدەرى ەلەكتروندى تولەمدى ەنگىزۋ ارقىلى قارجى اينالىمىنىڭ 30% ارتقانىن, بۇل قاراجاتقا قىزمەت كورسەتۋ ساپاسىن جاقسارتىپ, بىلىكتىلىگى جوعارى جۇرگىزۋشىلەردى كوبەيتەتىنىن اتاپ ءوتتى.
ەلەكتروندى تولەمنىڭ ارقاسىندا جۇرگىزۋشىلەردىڭ ەڭبەكاقىسى 300-400 مىڭ تەڭگەگە دەيىن ارتقان. سونداي-اق, اۆتوپارك باسشىلارى قوعامدىق كولىكتە بيلەتسىز جولاۋشىلاردىڭ سانى ارتقانىن, ماسەلەنى شەشۋ ءۇشىن كولىكتىك ينسپەكتسيا مەن جەرگىلىكتى پوليتسيا قىزمەتىنىڭ كومەككە كەلۋىن سۇرادى.
