– بۇگىنگى باسقوسۋدا تىنىشتىقبەك ابدىكاكىم ۇلىنىڭ شىعارماشىلىعىن تالقىلادىق. تىنىشتىقبەك اقىن قازىرگى قازاق پوەزياسىنداعى قۇبىلىس قوي. ولەڭدەرى وتە ويلى, تەرەڭ. وكىنىشتىسى, اقىننىڭ اتىن ەستىگەنىمەن, شىعارماشىلىعىنان حابارى از جاستار دا بار ەكەن. بۇگىنگى كەزدەسۋدە ولار وزدەرىنە ءبىر سىرلى الەمنىڭ قاقپاسىن اشقانداي بولىپ وتىردى. سوندىقتان وسىنداي رۋحاني باسقوسۋدىڭ ءجيى ءوتۋىن قالايمىز, – دەپ ءوز ويىن ءبىلدىردى جاس اقىن, جازۋشىلار وداعىنىڭ مۇشەسى جانگەلدى نەمەرەباي.
قازاقستان جازۋشىلار وداعى الماتى وبلىستىق فيليالىنىڭ باسشىسى, اقىن ەرلان ءجۇنىستىڭ ۇيىمداستىرۋىمەن وتكەن شىعارماشىلىق باسقوسۋ ەندى تۇراقتى جالعاسپاق.
– العاشقى پىكىرتالاسقا تىنىشتىقبەك ابدىكاكىم ۇلىنىڭ «القوڭىر دۇنيە» كىتابى نەگىز بولدى. الداعى كۇندەرى اقۇشتاپ باقتىگەرەەۆا, مارحابات بايعۇت, وتەگەن ورالباەۆ, عالىم جايلىباي سەكىلدى قالامگەرلەردىڭ شىعارماشىلىعىنا قاتىستى تالقىلاۋلار وتكىزۋدى دە جوسپارلاپ وتىرمىز, – دەيدى قازاقستان جازۋشىلار وداعى الماتى وبلىستىق فيليالىنىڭ باسشىسى.
قالماحانبەت مۇقامەتقالي,
«ەگەمەن قازاقستان»
الماتى وبلىسى
