ەلىمىزدىڭ قورعانىس جانە اەروعارىش ونەركاسىبى مينيسترلىگى اەروعارىش كوميتەتىنىڭ «عارىش-ەكولوگيا» عزو» رمك باس ديرەكتورى جايلاۋباي جۇباتوۆ الماتىدا جۋرناليستەرمەن كەزدەسۋى بارىسىندا وسى تۇرعىداعى مالىمەتتەردى ورتاعا سالدى. بەلگىلى مامان قازاقستاندىق عارىش مەكەمەسىنىڭ حيميالىق-ساراپتامالىق زەرتحانانىڭ قىزمەتى مەن ونىڭ نەگىزگى كەڭسەسىنىڭ قىزمەتى تۋرالى دا ايتىپ بەردى.
كاسىپورىننىڭ مىندەتى – وقتاي ۇشقان زىمىران تاسىعىشتىڭ كەنەت اپاتتى جاعدايعا دۋشار بولىپ قۇلاعان ساتىندە اۋماقتاعى ەكولوگيالىق زاردابىنا مونيتورينگ جاساپ, ونىڭ قورشاعان ورتاعا, ادامدارعا قانشالىقتى قاۋىپتى نەمەسە قاۋىپسىز ەكەنىن ايعاقتاۋ. بۇل ەكولوگيالىق جانە الەۋمەتتىك-گيگيەنالىق ساراپتامالاردىڭ بارلىعى اتالمىش كاسىپورىننىڭ گەواقپاراتتىق بازاسىندا مۇقيات ساقتالادى. مۇندا قازىردىڭ وزىندە 200 مىڭعا جۋىق اقپاراتتار جيىنتىعى بار.
قازاقستاندىق «عارىش-ەكولوگيا» رەسپۋبليكالىق مەملەكەتتىك كاسىپورنىنىڭ عىلىمي قولدانبالى جوباسىنىڭ جۇزەگە اسۋى ارقاسىندا بىرقاتار ادىستەمەلىك باعدارلامالار دۇنيەگە كەلدى. زىمىران وتىنىنىڭ كومپونەنتتەرىن زەرتتەيتىن, ترانسفورماتسيالانعان گەپتيل مەن ت-1 زىمىران كەروسينىنىڭ گيگيەنالىق ءونىم نورمالارىن تەكسەرەتىن, توپىراقتى دەتوكتسيكاتسيالاۋدىڭ (زالالسىزداندىرۋدىڭ) تەحنولوگيالىق رەگلامەنتتتەرىن قاداعالايتىن ناقتى جۇمىستار اتقارىلادى.
ماسكەۋ تۇبىندە ءوتىپ جاتقان «ارميا-2018» حالىقارالىق اسكەري-تەحنيكالىق فورۋمى اياسىندا قازاقستان مەن رەسەي تاراپتارى بايقوڭىر اۋماعىندا قازاقستاندىق «بايتەرەك» زىمىرانى كەشەنىن سالۋ تۋرالى كەزەكتى كەلىسىمگە قول قويدى.
تالعات ءسۇيىنباي,
«ەگەمەن قازاقستان»
الماتى
