تەرروريزمگە قارسى ءتيىمدى ۇسىنىس

ۆ. ۆورونكوۆ بۇۇ قاۋىپسىزدىك كەڭەسىنىڭ مۇشەلەرىنە بۇۇ باس حاتشىسى انتونيۋ گۋتەرريشتىڭ يليم/دايش تەرروريستىك ۇيى­مىنان حالىقارالىق بەيبىت­­شى­ل­ىككە جانە قاۋىپسىزدىككە قاۋىپ-قاتەرلەرى جانە بۇۇ-نىڭ مۇشە-مەم­لەكەت­تەرگە وسى قاۋىپ-قاتەرلەرىنە قارسى ارەكەتتەرگە كورسەتىپ جاتقان قولداۋلارى تۋرالى 7-ءشى بايانداماسىن ۇسىندى.

وتىرىس بارىسىندا قازاق­ستاننىڭ بۇۇ جانىنداعى تۇراق­تى وكىلى قايرات وماروۆ تەررو­ريزمگە قار­سى كۇرەس ءۇشىن حالىق­ارالىق, وڭىر­لىك جانە ۇلتتىق دەڭگەيدە كۇش-جىگەر­لەردى بىرىك­تىرۋگە شاقىرىپ, باسىم ماقسا­تى رەتىندە جاستار اراسىندا تەر­رو­ريزمدى جانە ەكسترە­­ميزمدى تاراتۋدىڭ الدىن الۋدى اتادى.

ق.وماروۆ, سونداي-اق قازاق­ستاننىڭ بىرقاتار ناقتى ۇسىنىس­تارىن اتاپ ءوتتى. ولاردىڭ ىشىندە مەملەكەت باسشىسى باستاما­شى­لىق ەتكەن اتالعان قاۋىپ-قاتەر­مەن كۇرەسۋ ءۇشىن بۇۇ-عا مۇشە مەملەكەتتەردىڭ كوپجاقتى سايا­سي مىندەتتەمەسى رەتىندەگى «تەررو­ريزمنەن ەركىن بەيبىت الەمگە قول جەتكىزۋ ءۇشىن ارەكەت كودەكسىن» قابىلداۋ ءىسى بار.

سونىمەن قاتار ەسىرتكىنىڭ زاڭسىز اينالىمى, تابيعي رەسۋرس­تار مەن مادەني ارتەفاكتىلەردى زاڭسىز ساتۋعا, سونداي-اق تەر­رو­ريزمدى قارجىلاندىرۋدىڭ نەگىزگى كوزدەرى بولىپ تابىلاتىن جاڭا تەحنولوگيالار مەن تولەم ادىستەرىن قاتاڭ باقىلاۋ مەن جولىن كەسۋگە ەرەكشە نازار اۋدارىلدى.

ايماقتىق جانە حالىقارالىق دەرەك قورلارى اراسىندا تەرروريستەرگە قاتىستى بيومەتريالىق اقپاراتتارمەن الماسۋدى كۇشەيتۋ قاجەتتىلىگى ايتىلدى. بۇل ءوز جا­عى­نان دەسترۋكتيۆتى توپتار مەن جەكە تۇلعالار تۋرالى ۋاقتىلى اق­پارات الۋعا, سونداي-اق ينتەرنەت جەلىسىندەگى تەرروريستىك يدەيا­لاردى تاراتۋىن الدىن الۋدىڭ ماڭىزدىلىعى باسا اتاپ ءوتىلدى.

قازاقستاننىڭ تۇراقتى وكىلى, سونداي-اق تەرروريستىك قاۋىپ-قاتەر دەڭگەيى جوعارى ەلدەردە تۇراقتى ەكونومي­كالىق دامۋىنا جانە تەرروريستىك ارەكەتىنە قاتىستىرۋعا بالاما رەتىندە ەڭ الدىمەن جاستاردى جۇمىس ورىندارمەن قامتاماسىز ەتۋ قاجەتتىلىگىنە نازار اۋداردى.