الاڭدا ىشكى ىستەر دەپارتامەنتىنىڭ قىزمەتكەرلەرى 6 قوراپتا ساپ تۇزەدى. سالتاناتتى شاراعا قازاقستان رەسپۋبليكاسىنىڭ تۋى اكەلىنىپ مەملەكەتتىك ءانۇرانى ىرعاعىمەن اشىلدى. ودان كەيىن قر ىشكى ىستەر ءمينيسترى پوليتسيا گەنەرال-پولكوۆنيگى قالمۇحانبەت قاسىموۆتىڭ ارنايى قۇتتىقتاۋ جەدەلحاتى وقىلدى.
قىزىلوردا ءوىىد باستىعىنىڭ ورىنباسارى جاراس وسپانوۆ ءسوز الىپ, جينالعان قاۋىمدى مەرەكەمەن قۇتتىقتاپ, «كونستيتۋتسيا كۇنى» مەرەكەسىنىڭ پوليتسيا قىزمەتكەرلەرى ءۇشىن ەرەكشە ماڭىزدىلىعىن اتاپ ءوتتى.
بۇدان كەيىن, شارا بارىسىندا ىشكى ىستەر مينيسترلىگىنىڭ جانە وبلىستىق ىشكى ىستەر دەپارتامەنتى باستىعىنىڭ مەرەكەلىك ماراپاتتاۋ جايلى بۇيرىعى جەكە قۇرامعا تانىستىرىلىپ, قىزمەتتە كاسىبي بىلىكتىلىگىنىڭ ارقاسىندا جاقسى كورسەتكىشتەرگە قول جەتكىزگەن, قىزمەتتىك مىندەتىن قاجىرلى ءارى ادال ورىنداعان ىشكى ىستەر ورگاندارىنىڭ 16 قىزمەتكەرى ىشكى ىستەر ءمينيسترىنىڭ قۇزىرىمەن, 149 قىزمەتكەرى دەپارتامەنت باستىعىنىڭ قۇزىرىمەن ماراپاتتالدى.
اتاپ ايتقاندا, قر ءىىم «قۇرمەت گراموتاسىمەن» جپق-ءنىڭ جول-پاترۋلدىك باتالونىنىڭ كومانديرى پوليتسيا پولكوۆنيگى ادەنوۆ قايرات, «قۇقىق ءتارتىبىن قامتاماسىز ەتۋدە قوسقان ۇلەسى ءۇشىن» مەدالىمەن ەكسترەميزمگە قارسى ءىس-قيمىل باسقارماسىنىڭ باستىعى پوليتسيا پولكوۆنيگى قۋانىش ورازوۆ, «ىشكى ىستەر ورگاندارىنىڭ ۇزدىگى» توسبەلگىسىمەن جپق باتىعىنىڭ ورىنباسارى پوليتسيا مايورى وسپانوۆ ازامات ماراپاتتالدى.
سالتاناتتى جيىن سوڭى جاس قىزمەتكەرلەردىڭ انت قابىلداۋ راسىمىنە ۇلاستى. پوليتسيا قاتارىنا جاڭا قوسىلعان 20 جاس مامان قىزمەتتى ادال جانە ابىرويمەن اتقارۋعا, قازاقستان رەسپۋبليكاسى ازاماتتارىنىڭ قۇقىعى مەن بوستاندىقتارىن قورعاۋعا سالتاناتتى تۇردە انت بەردى.
اسكەري ومىرگە اياق باسقان جاس بۋىندى ايتۋلى كۇندەرىمەن ىشكى ىستەر ورگانى ارداگەرلەرىنىڭ اتىنان قىزىلوردا قىىب-نىڭ ارداگەرلەر كەڭەسىنىڭ توراعاسى الماعانبەتوۆ جاقسىلىق قۇتتىقتاپ, ازاماتتىق بورىشتارىن ابىرويمەن اتقارۋلارىنا تىلەكتەستىك ءبىلدىرىپ, ىستىق ىقىلاسىن جەتكىزدى.
مەرەكەلىك شارا جەكە قۇرامنىڭ سالتاناتتى شەرۋىمەن اياقتالدى.
