«قوردىڭ حالىققا مەديتسينالىق قىزمەت كورسەتۋدەگى ستراتەگيالىق ساتىپ الۋشى بولىپ قالىپتاسۋ كەزەڭى ءساتتى اياقتالدى. حالىققا كورسەتىلەتىن قىزمەتتەردىڭ كولەمىن جانە ساپاسىن باقىلاۋ, ءمامس ءۇشىن تۇسىمدەردى جيناۋ مەن باسقارۋ پروتسەسى جاسالدى, قور قىزمەتىن رەتتەيتىن قۇجاتتاردىڭ نەگىزگى بازاسى قۇرىلدى. قوردا كاسىبي توپ قۇرىلدى, ول ءمامس پاكەتى شەڭبەرىندە مەديتسينالىق قىزمەت كورسەتۋ پروتسەسىن باستاعانشا بارلىق راسىمدەردى جاقسارتۋ جۇمىستارىن جالعاستىرادى», - دەپ ءوز جۇمىسىن تۇيىندەدى ەلەنا باحمۋتوۆا.
ەلەنا باحمۋتوۆا قازاقستان قارجىگەرلەر قاۋىمداستىعى مۇشەلەرىنىڭ جالپى جينالىسىنىڭ شەشىمىمەن وسى ۇيىم كەڭەسىنىڭ توراعاسى بولىپ سايلاندى. قازاقستان قارجىگەرلەر قاۋىمداستىعىنىڭ جاڭا كەڭەسىن قاۋىمداستىقتىڭ جوعارى ۋاكىلەتتى ورگانى 2018 جىلدىڭ 24 تامىزىندا وتكەن جينالىستا قابىلدادى.
سونىمەن بىرگە, قر دەنساۋلىق ساقتاۋ ءمينيسترىنىڭ بۇيرىعىمەن قور باسشىسىنىڭ مىندەتىن اتقارۋشى بولىپ الەۋمەتتىك مەديتسينالىق ساقتاندىرۋ قورى توراعاسىنىڭ ورىنباسارى بوتاگوز جاقسىلىقوۆا تاعايىندالدى. بۇيرىق الەۋمەتتىك مەديتسينالىق ساقتاندىرۋ قورىنىڭ جالعىز اكتسيونەرىنىڭ شەشىمى بولىپ تابىلادى جانە 2018 جىلدىڭ 24 تامىزىندا قول قويىلعان ساتتەن باستاپ كۇشىنە ەندى.
