الماتىدا جەر ۋچاسكەسىنە قاتىستى زاڭسىز ارەكەتتەر انىقتالدى

وڭىرلىك كوممۋنيكاتسيالار قىزمەتىنىڭ الاڭىندا وتكەن بريفينگتە ە.سەيتەنوۆ ءى جارتىجىلدىقتا  جوسپاردان تىس جۇرگىزىلگەن 547 تەكسەرىس اياسىندا 515 جەر زاڭناماسىنان بۇزۋشىلىق انىقتالىپ, جالپى سوماسى 23 364 490 تەڭگەگە ايىپپۇل تۇرىندەگى اكىمشىلىك شارالار قولدانىلعانىن مالىمدەدى. ونىڭ ىشىندە: 58 – مەملەكەت مەنشىگىندەگى جەردى ءوز ەركىمەن باسىپ العاندارعا قر «اكىمشىلىك قۇقىق بۇزۋشىلىق تۋرالى» كودەكسىنىڭ (بۇدان ءارى – اقبتك) 136 بابى بويىنشا 15 812 820 تەڭگە; 13 – جەر ۋچاسكەسىن نىسانالى ماقساتىن بۇزا پايدالانعانى ءۇشىن 480 970 تەڭگە; 6 – اۋىل شارۋاشىلىعى ماقساتىنداعى جەردى پايدالانباعانى ءۇشىن 7 070 700 تەڭگەگە ايىپپۇل سالىنعان.

ال 279-ى نىساندار قۇرىلىسى ءۇشىن بەرىلگەن جەر ۋچاسكەلەرىن پايدالانباعان, ولارعا ارنايى نۇسقاۋلار بەرىلگەن. اتالعان زاڭ بۇزۋشىلىققا اكىمشىلىك ايىپپۇل كوزدەلمەگەن.

سونىمەن قاتار, الماتى قالاسىنىڭ سوتتارىنا جەكە جانە زاڭدى تۇلعالارعا تيەسىلى نىساندار قۇرىلىسىنا بەرىلىپ, پايدالانباي جاتقان 78 جەر ۋچاسكەسىن ماجبۇرلەپ الىپ قويۋ تۋرالى تالاپ ارىزدار بەرىلگەن. ءى جارتىجىلدىقتا 631 جەكە تۇلعالاردان,  زاڭدى تۇلعالاردان 223,  745 مەملەكەتتىك ورگانداردان,  جالپى سانى 1599 ءوتىنىش كەلىپ تۇسكەن.

ەلۆيرا سەرىكقىزى,

«ەگەمەن قازاقستان»

الماتى