كونكۋرستىڭ ماقساتى – ەلدىڭ تاۋەلسىزدىك جىلدارىنداعى جەتىستىكتەرىن كورسەتۋ, قازاقستان مەملەكەتتىلىگىنىڭ نەگىزى رەتىندە «نازارباەۆ مودەلىن», ەلباسىنىڭ يدەيالارى مەن باستامالارىن تانىمال ەتۋ.
كونكۋرس ءتورت نوميناتسيا بويىنشا وتكىزىلەدى:
1) «ۇزدىك تەلەديدار ماتەريالى»;
2) «ۇزدىك راديوماتەريال»;
3) «گازەتتەر مەن جۋرنالدارداعى ۇزدىك ماقالا»;
4) «عالامتور-باق-تاعى ۇزدىك جاريالانىم»;
5) «ەل جۇرەگى –استانا».
نوميناتسيالاردىڭ ارقايسىسى بويىنشا جەڭىمپازدارعا 1 ميلليون تەڭگە مولشەرىندە اقشالاي جۇلدە بەرىلەدى, ال ەكىنشى جانە ءۇشىنشى ورىندار ءۇشىن تيىسىنشە – 500 مىڭ جانە 200 مىڭ تەڭگەبەرىلەدى. ودان باسقا, بارلىق جۇلدەگەرلەرگە ديپلومدار مەن ومىراۋعا تاعاتىن بەلگىلەر تاپسىرىلادى.
كونكۋرسقا 50 جاسقا دەيىنگى جەكە جانە ۇجىمدىق اۆتورلار قاتىسا الادى. جەكە نەمەسە ۇجىمدىق اۆتور تەك ءبىر نوميناتسيا بويىنشا قاتىسۋعا قۇقىلى. سونىڭ ىشىندە ءبىر تاقىرىپپەن بىرىكتىرىلگەن ماتەريالدار تسيكلىن ۇسىنۋعا بولادى.
كونكۋرسقا 2018 جىلعى 1 ماۋسىم مەن 10 قازان ارالىعىندا رەسمي جاريالانعان (العاش جاريالانعان, ەفيرگە شىعارىلعان, عالامتوردا ورنالاستىرىلعان) بىرەگەي ماتەريالدار قابىلدانادى.
كونكۋرستىڭ قورىتىندىسىن قۇرامىنا بەلگىلى جۋرناليستەر, قازاقستاننىڭ كورنەكتى مەملەكەت جانە قوعام قايراتكەرلەرى ەنگەن كوميسسياسى شىعارادى.
جەڭىمپازداردى ماراپاتتاۋدىڭ سالتاناتتى ءراسىمى تاۋەلسىزدىك كۇنى قارساڭىندا وتكىزىلەدى.
كونكۋرسقا قاتىسۋعا وتىنىمدەر 2018 جىلعى 1 ماۋسىم مەن 10 قازان (قوسا العاندا) ارالىعىندا كەلۋ تارتىبىمەن نەمەسە پوشتا ارقىلى مىنا مەكەنجايدا: Z05S5X1, قازاقستان رەسپۋبليكاسى, استانا قالاسى, ءا. بوكەيحان كوشەسى, 1, 213 كاب., «قازاقستان تاۋەلسىزدىگى جانە ەلباسى» كونكۋرسىنا» دەگەن بەلگىمەن قابىلدانادى. بايلانىس تەل.: (7172) 69-30-54, 69-30-56, 69-30-57, 75-12-15).
كونكۋرستى وتكىزۋدىڭ شارتتارى مەن ۋاقىتى تۋرالى بارلىق اقپاراتپەن www.presidentlibrary.kz,www.fpp.kzسايتتارى ارقىلى تانىسۋعا بولادى.
