1. كاسپي تەڭىزىنىڭ قۇقىقتىق مارتەبەسى.
2. كاسپيدەگى ىنتىماقتاستىق ماسەلەلەرى:
• ەكونوميكا جانە ترانسپورت;
• ەكولوگيا جانە بيورەسۋرستاردى قورعاۋ;
• قاۋىپسىزدىك.
3. ايماقتىق جانە جاھاندىق حالىقارالىق تاقىرىپتار.
قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ شاقىرۋى بويىنشا سامميتكە ازەربايجان رەسپۋبليكاسىنىڭ پرەزيدەنتى يلحام اليەۆ, يران يسلام رەسپۋبليكاسىنىڭ پرەزيدەنتى حاسان رۋحاني, رەسەي فەدەراتسياسىنىڭ پرەزيدەنتى ۆلاديمير پۋتين جانە تۇرىكمەنستان رەسپۋبليكاسىنىڭ پرەزيدەنتى گۋربانگۋلى بەردىمۇحامەدوۆ كەلەدى.
ءسامميتتىڭ قورىتىندىسى بويىنشا 2017 جىلعى 4-5 جەلتوقساندا ماسكەۋدە وتكەن كاسپي ماڭى مەملەكەتتەرىنىڭ سىرتقى ىستەر مينيسترلەرىنىڭ كەزدەسۋى اياسىندا جوباسى ماقۇلدانعان نەگىزگى قورىتىندى قۇجات - كاسپي تەڭىزىنىڭ قۇقىقتىق مارتەبەسى تۋرالى كونۆەنتسياعا قول قويۋ جوسپارلانۋدا.
سونىمەن قاتار, كاسپي ماڭى مەملەكەتتەرىنىڭ ۇكىمەتتەرى اراسىنداعى سامميت بارىسىندا ترانسپورت, ساۋدا-ەكونوميكا جانە كاسپي تەڭىزىندە جانجالداردى بولدىرماۋ سالاسىنداعى ىنتىماقتاستىق تۋرالى ءۇش كەلىسىم سياقتى بىرقاتار حالىقارالىق قۇجاتتارعا سونداي-اق 2010 جىلعى 18 قاراشاداعى كاسپي تەڭىزىندەگى قاۋىپسىزدىك سالاسىنداعى كەلىسىمگە ۇيىمداسقان قىلمىسقا, تەرروريزمگە قارسى كۇرەس جانە كاسپي ماڭى مەملەكەتتەرىنىڭ شەكارالىق ورگاندارىنىڭ ءوزارا ارەكەتتەستىگىنە قاتىستى ءۇش حاتتامالارعا قول قويۋ جوسپارلانۋدا.
كەزدەسۋ اياقتالعاننان كەيىن بەسىنشى كاسپي ءسامميتىنىڭ كومميۋنيكەسىن تاراتۋ جوسپارلانۋدا.
سونىمەن قاتار, 11 تامىزدا ءسامميتتىڭ قارساڭىندا كاسپي ماڭى مەملەكەتتەرىنىڭ سىرتقى ىستەر مينيسترلەرىنىڭ كەزدەسۋى وتەدى.
