تاۋەلسىز قازاق ەلى – اباي ەلى,
تاۋقىمەت تارتقان ازاپ تالاي ەلى.
ولمەيتىن پوەزيا, ولەڭدەرى,
جاراتقان اقىن جۇرەك سارايى ەدى.
ءتاڭىردىڭ ءوزى بەرگەن دارىنىمەن,
جۇرەكتىڭ وتتاي جانعان جالىنىمەن.
ۇلتىنا قايتالانباس اقىن بولدى,
قازاققا اباي بولدى بار ۇنىمەن.
ءومىردىڭ وزەن-داريا ارناسىمەن,
ۇلاعاتتى ۇرپاقتىڭ جالعاسىمەن,
تاۋەلسىز اباي ەلى ال بۇگىندە,
ءوزىنىڭ پرەزيدەنتى, ەلباسىمەن.
باس اقىن, عۇلاماسى, باس داناسى,
ەلىمنىڭ ەڭسە بەرگەن باس قالاسى.
قازاعىم دەپ تولعاعان ۇلى ابايدىڭ,
ارقادان بوي كوتەرگەن استاناسى.
انىق باسقان قادامدى ساناپ باسىپ,
تاريحىمىز جاڭا ءبىر پاراقتى اشىپ.
ءۇشىنشى ميلليون قالام ەڭسە بەردى,
استانام, الماتىممەن قاناتتاسىپ.
كۋاسى بوپ عاسىرلىق ءبىر دەمىنىڭ,
ارمانىنداي سوناۋ ءبىر كۇلتەگىننىڭ.
تۇركىستانىم اينالدى ورتالىققا,
استاناسى سەكىلدى تۇركى ەلىنىڭ.
بار الەم قازاق ءۇنىن تىڭداي قالدى,
تاۋلى شىڭدا بارىسىم كۇندە ايبارلى.
ۇلى اباي دومبىراسى ال بۇگىندە,
جىل سايىن تولعاناتىن كۇنگە اينالدى.
قازاق بولىپ ۇلى اباي ءسوز الدىڭ دا,
قاراپايىم جىرىڭمەن وزا الدىڭ دا.
قازاقتىڭ مەملەكەتى جەر جاھاننىڭ,
اقىل-وي, جۇرەگى مەن كوز الدىندا.
قازاق باستان جانىمەن ارايلى ەدى,
كۋا بولىپ تاڭىرقار تالاي ەلى.
تاۋەلسىز تۋى استىندا اقوردالى,
جاساي بەر قازاق ەلى – اباي ەلى!
ء شومىشباي ساريەۆ,
اقىن, قازاقستانعا ەڭبەگى سىڭگەن قايراتكەر
