مۇنداي قۇرىلعىلار ەلىمىزدە ەش جەردە قۇراستىرىلمايدى. ونىڭ اۆتورى رۋسلان سماعۇلوۆ بىرەگەي اسپاپتى وزگە ەلدەر ءۇشىن دە قۇراستىرماق.
«بىردە كورشىم بانكالاردى اشىپ بەرۋىمدى ءوتىنىپ, كومەك سۇراپ كەلدى. وسىدان كەيىن ءبىر قولى جوق ءۇي شارۋاسىنداعى ايەلگە جاردەمدەسۋدىڭ جولىن ىزدەستىرىپ, ءبىر ايدىڭ ىشىندە وسى قۇرىلعىنى جاساپ شىعاردىم», دەيدى رۋسلان.
جاس كاسىپكەر قازىر تەندەرلەرگە قاتىسىپ, ونىمدەرىن پەتروپاۆل, كوكشەتاۋ, استانا قالالارىنا وتكىزىپ ءجۇر. ەندى ءوندىرىستى كەڭەيتۋدى جوسپارلاپ وتىر. تۇيمە, كىلت, تاعى باسقا كۇندەلىكتى تۇتىناتىن زاتتاردى ۇستاپ تۇراتىن كومەكشى قۇرالدارعا سۇرانىس كوپ.
«ۇزدىك الەۋمەتتىك جوبا» وڭىرلىك بايقاۋىندا جاس كاسىپكەردىڭ ونەرتاپقىش جاڭالىعى جاقسى قىرىنان باعالانىپ, 700 مىڭ تەڭگە سىياقى الىپتى.
بۇگىندە وبلىستا مۇمكىندىگى شەكتەۋلى 27300 ادام بار. ونىڭ 2 مىڭى – بالالار. 7 مىڭعا جۋىق جان رۋسلان جاسايتىن قۇرىلعىنى قاجەت ەتەدى. قىتاي مەن رەسەيدە ولاردىڭ باعاسى قىمبات.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى
