ماسەلەنى قاراۋ قورىتىندىسىن شىعارا وتىرىپ, باقىتجان ساعىنتاەۆتىڭ ايتۋىنشا, مەملەكەت ءبىلىم الۋعا نيەتتى بارلىق ازاماتقا كەڭىنەن قولداۋ كورسەتىپ جاتىر. مەملەكەت باسشىسىنىڭ تاپسىرماسى بويىنشا «بارشاعا ارنالعان تەگىن كاسىپتىك-تەحنيكالىق ءبىلىم بەرۋ» جوباسى ىسكە اسىرىلۋدا, ونىڭ اياسىندا وتكەن جىلى مەملەكەتتىك تاپسىرىس 75 مىڭنان 100 مىڭ ورىنعا دەيىن ۇلعايتىلدى. سونىمەن قاتار, 14–24 جاس ارالىعىنداعى جاستاردى قامتۋ تومەن دەڭگەيدە — 17% قالىپ وتىر. كəسىبي باعدارلاۋ جəنە تاربيە جۇمىستارىنىڭ جەتكىلىكسىزدىگى جاستاردىڭ جۇمىسسىز جۇرۋىنە, ولاردىڭ əلەۋمەتتىك وقشاۋلانۋىنىڭ وسۋىنە اكەلەدى.
وسىعان بايلانىستى ءبىلىم جانە عىلىم مينيسترلىگىنە اكىمدەرمەن, «اتامەكەن» ۇكپ-مەن بىرلەسىپ, جۇمىسسىز جۇرگەن جاستاردى كاسىپتىك ءبىلىم بەرۋمەن, قىسقا مەرزىمدى وقىتۋمەن, بەيرەسمي جانە قوسىمشا ءبىلىم بەرۋمەن قامتۋ بويىنشا جۇيەلى شارالاردى قابىلداۋ تاپسىرىلدى.
ەكىنشىدەن, جوعارى وقۋ ورىندارىندا جانە كوللەدجدەردە الاتىن ماماندىقتار ەكونوميكا سالالارىنىڭ, اسىرەسە تسيفرلىق سالانىڭ قاجەتتىلىكتەرىنە ۇنەمى سايكەس كەلە بەرمەيدى. كادرلاردى دايارلاۋعا ارنالعان مەملەكەتتىك تاپسىرىس كاسىپتەرگە سۇرانىس نەگىزىندە قالىپتاسادى, بۇل وڭىرلەرگە جۇمىس ساپارلارى كەزىندە وتكەن كەزدەسۋلەردە دە راستالدى.
وسىعان وراي, ءبىلىم جانە عىلىم, ەڭبەك جانە حالىقتى الەۋمەتتىك قورعاۋ مينيسترلىكتەرىنە اكىمدەرمەن بىرلەسىپ, ەكونوميكانىڭ كادرلارعا دەگەن ناقتى قاجەتتىلىكتەرىن ەسكەرە وتىرىپ, ءبىلىم بەرۋ باعدارلامالارىن جەتىلدىرۋ بويىنشا بىرلەسكەن جۇمىستى جالعاستىرۋ تاپسىرىلدى.
ب. ساعىنتاەۆ حالىقپەن كەرى بايلانىستى رەتتەۋدى, وقۋشىلاردىڭ كوپشىلىگىنىڭ, مۇعالىمدەردىڭ جانە اتا-انالاردىڭ مۇددەلەرىن قوزعايتىن جاڭالىقتار بويىنشا ءتۇسىندىرۋ جۇمىستارىن ۋاقىتىلى جۇرگىزۋدى تاپسىردى. ءبىلىم جانە عىلىم مينيسترلىگىنە جۇرتشىلىقپەن, وڭىرلەرمەن كەرى بايلانىستى ارتتىرۋدىڭ, سونىڭ ىشىندە مەملەكەتتىك باعدارلامانىڭ كورسەتكىشتەرىن ورىنداۋعا مونيتورينگ جۇرگىزۋدىڭ ءتيىمدى قۇرالدارىن قۇرۋ تاپسىرىلدى.
باقىلاۋ جۇمىستارى پرەمەر-ءمينيستردىڭ ورىنباسارى ە. دوساەۆقا جۇكتەلدى.
