سونىمەن بىرگە باعالاردىڭ نارىقتىق كونيۋنكتۋراسى جانە ەكونوميكا ءوسۋىنىڭ وڭ قارقىندارى تەڭگەگە قولداۋ كورسەتتى جانە قالعان فاكتورلاردىڭ السىرەۋشى اسەرىن جۇمسارتتى, بۇل تەڭگە باعامىنىڭ اقش دوللارىنا قاتىستى سالىستىرمالى تۇردە العاندا شامالى السىرەۋىندە كورىندى. ەركىن وزگەرمەلى ايىرباستاۋ باعامىنىڭ قولدانىستاعى ساياساتى ەكونوميكادا تەڭگەرىمسىزدىكتەردىڭ جيناقتالۋىن بولدىرماۋعا مۇمكىندىك بەرەدى, وتاندىق وندىرۋشىلەردىڭ باسەكەگە قابىلەتتىلىگىن قامتاماسىز ەتەدى, سونداي-اق ەكونوميكانى دوللارسىزداندىرۋعا ىقپال ەتەدى. شەتەلدىك ينۆەستورلاردىڭ پورتفەلدىك ينۆەستيتسيالارى قازاقستاننىڭ ۆاليۋتا نارىعىنا اسەر ەتۋ فاكتورى رەتىندە جەكە ەسكەرۋدى تالاپ ەتەدى. قازىرگى ۋاقىتتا قر باعالى قاعازدار نارىعىندا ۇلتتىق بانكتىڭ نوتتارىن ۇستاۋشى بەيرەزيدەنتتەر كولەمىنىڭ جانە ايىرباستاۋ باعامىنىڭ كەرى تاۋەلدىلىگى بايقالادى.
ناۋرىزدا بايقالعان ۇستاۋشى بەيرەزيدەنتتەردىڭ ەڭ كوپ كولەمى - 453,9 ملرد. تەڭگە (بالاماسى 1,43 ملرد. اقش دوللارى) 2018 جىلى ۇلتتىق ۆاليۋتانىڭ نىعايۋ شىڭىنا (ناۋرىزدىڭ سوڭىنداعى جاعداي بويىنشا 1 اقش دوللارى ءۇشىن 318,31 تەڭگە) سايكەس كەلەدى. مامىردان باستاپ ۇستاۋشى بەيرەزيدەنتتەردىڭ ۇلەسى دامۋشى نارىقتاردان پورتفەلدىك ينۆەستيتسيالار اعىنىنىڭ جالپى ءۇردىسى جانە فرج مونەتارلىق ساياساتىن قاتاڭداتۋ بويىنشا كەيىنگى كۇتۋلەر اياسىندا تومەندەي باستادى. 2018 جىلعى 30 شىلدەدەگى جاعداي بويىنشا ۇستاۋشى بەيرەزيدەنتتەردىڭ كولەمى 158,5 ملرد. تەڭگە (بالاماسى 0,45 ملرد. اقش دوللارى) بولدى, سوڭعى 4 ايدا بەيرەزيدەنتتەر 900 ملن, اقش دوللارىنا جۋىق سوماعا باعالى قاعازدار نارىعىنان شىقتى (شىعۋ ساتىندەگى تەڭگە باعامىنىڭ ماندەرىن ەسكەرە وتىرىپ), بۇل ۆاليۋتا نارىعىنا اسەر ەتپەي قويعان جوق. رەزيدەنتتەردىڭ ەكسپورتتىق كىرىستەرىنىڭ وسۋىمەن بايلانىستى ساۋدا بالانسىنداعى ەداۋىر وڭ جاعدايعا قاراماستان, قازاقستاننىڭ تولەم بالانسىنىڭ اعىمداعى شوتى شەتەلدىك ينۆەستورلاردىڭ كىرىستەردى شىعارۋىنان تەرىس بولىپ قالۋدا. 2017 جىلى بەيرەزيدەنتتەرگە كىرىستەر تولەمدەرى 19 ملرد. اقش دوللارىنا جۋىق بولدى.
اقش مونەتارلىق ساياساتىنا كەلەتىن بولساق, فرج سارسەنبىدەگى وتىرىسىندا نەگىزگى پايىزدىق مولشەرلەمەلەردى وزگەرىسسىز قالدىردى. اشىق نارىقتار جونىندەگى كوميتەت ىلەسپە تۇسىنىكتەمەلەرىندە ەكونوميكالىق بەلسەندىلىكتىڭ ۇدەمەلى ءوسۋ قارقىندارى, جۇمىسسىزدىقتىڭ تومەن دەڭگەيدە ساقتالۋى جانە ءۇي شارۋاشىلىقتارى مەن بيزنەستىڭ نەگىزگى كاپيتالعا ۇدەمەلى شىعىستارى (ينۆەستيتسيالار) تۋرالى بەلگى بەردى. فرج ەكونوميكا مەن ينفلياتسيانىڭ قالىپتى ءوسۋ قارقىندارىن ساقتاۋ ءۇشىن ءوزىنىڭ ينديكاتيۆتىك مولشەرلەمەسىن ودان ءارى بىرتىندەپ ارتتىرۋدى قايتالاپ كورسەتتى, سول ارقىلى وسى جىلعى ءۇشىنشى رەت قىركۇيەكتەگى قاتاڭداتۋعا نەگىز دايىندادى. نارىق كۇتۋلەرىنە سايكەس, قىركۇيەكتە مولشەرلەمەنىڭ ءوسۋ ىقتيمالدىلىعى 92%, ال ا.ج. جەلتوقساندا قايتادان ءوسۋ ىقتيمالدىلىعى 73% بولدى. فرج مولشەرلەمەلەرىنىڭ ءوسۋى اياسىندا كوپتەگەن ينۆەستورلار بارىنشا تاۋەكەلدى اكتيۆتەردەن, اتاپ ايتقاندا دامۋشى نارىقتاردان باسىمدىقتارىن اقش قازىناشىلىق وبليگاتسيالارىنا وزگەرتۋدە. قازاقستاننىڭ الەمدىك قارجى نارىعىمەن ىقپالداستىعى ءبىزدىڭ جەرگىلىكتى نارىقتاعى جاعدايعا اۋقىمدى ۇردىستەردىڭ اسەرىن بولجايدى.
