ال تالاپ بۇرىنعىداي وتە جوعارى, سىناقتارى سالماقتى. بۇعان كەشە ۇمىتكەرلەرمەن سۇحباتتاسۋ نىسانىنداعى قابىلداۋ سىناعىن وتكىزۋ بارىسىندا دا كۋا بولدىق. سۇحباتتاسۋ تۇرىندەگى قابىلداۋ سىناعى تسيفرلى تەحنولوگيالاردى قولدانا وتىرىپ جۇرگىزىلدى. وعان ەمتيحان كوميسسياسىنىڭ مۇشەسى رەتىندە اقپارات جانە كوممۋنيكاتسيالار ءمينيسترى داۋرەن اباەۆ قاتىستى.
اكادەمياعا تۇسۋگە ۇمىتكەرلەردەن بيىل 400-گە جۋىق وتىنىش قابىلدانعان ەكەن. ال ولارعا بولىنگەن گرانت سانى ماگيستراتۋرا ءۇشىن – 120, ال دوكتورانتۋرا ءۇشىن – 12. ىرىكتەۋ كەزەڭىندە ۇمىتكەرلەر ءۇش ساتى بويىنشا سىناقتان وتەدى.
بۇگىندە ۇمىتكەرلەرمەن سۇحباتتاسۋ نىسانىنداعى قابىلداۋ سىناعى ءوتىپ جاتىر. بۇل رەتتە ايرىقشا اتاپ وتەر جايت, وقۋعا ۇمىتكەرلەردى ىرىكتەۋ ۇدەرىسى رەتىندە سۇحباتتاسۋ سيتۋاتسيالىق تاپسىرمالاردى – كەيستەردى شەشۋمەن, تسيفرلى تەحنولوگيالاردى قولدانا وتىرىپ جۇرگىزىلۋدە. ال بۇل ىسكە اسىرىلىپ جاتقان «تسيفرلى اكادەميا» جوباسى شەڭبەرىندە قابىلداۋ ەمتيحاندارىن وتكىزۋدىڭ اكادەميادا اپروباتسيادان وتكەن جاڭا فورماتى.
باعدارلامالار بويىنشا ەمتيحان كوميسسياسىنىڭ قۇرامىندا پارلامەنت سەناتىنىڭ دەپۋتاتى, پرەزيدەنت اكىمشىلىگى, قاۋىپسىزدىك كەڭەسى, پرەمەر-مينيستر كەڭسەسى, «نۇر وتان» حدپ, ورتالىق جانە جەرگىلىكتى اتقارۋشى ورگانداردىڭ وكىلدەرى, اقپارات جانە كوممۋنيكاتسيالار ءمينيسترى, كوممەرتسيالىق قۇرىلىمدار, عىلىمي-زەرتتەۋ ينستيتۋتتار, نازارباەۆ ۋنيۆەرسيتەتى, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وكىلدەرى, اكادەميانىڭ شەتەلدىك ارىپتەس جوعارى وقۋ ورنى – سيراكۋز ۋنيۆەرسيتەتى ماكسۆەلل مەكتەبىنىڭ (نيۋ-يورك, اقش) پروفەسسورى, سونداي-اق شەت مەملەكەتتەردىڭ ەلشىلەرى مەن اكادەميانىڭ پروفەسسورلارى بار.
ءتۇسۋ سىناقتارىنىڭ ناتيجەسى بويىنشا ۇمىتكەرلەرگە اكادەمياعا وقۋعا قابىلداۋ تۋرالى حابارلاما جىبەرىلەتىن بولادى.
دينارا بىتىك,
«ەگەمەن قازاقستان»
