اداسپا, قازاق بالاسى

تاۋەلسىزدىكتىڭ 20 جىلدىق مەرەي­تو­يىن ەلىمىز ۇلكەن سەرپىلىسپەن, جوعارى قارقىنمەن قارسى الدى. بيىكتەرگە جەتەلەپ, ابىرويىمىزدى اسپانداتقان «20 جۇلدىزدى كۇن» اكتسياسى اياسىندا ءتار­بيە­لىك ماڭىزى زور قىزىقتى ءىس-شارالار ءوتتى. قازاق ەلىنىڭ بەدەلىن كوتەرىپ, اي­بى­نىن اسىرعان ۇلكەن شارا 16 جەل­توقسان كۇنى استانادا مارەسىنە جەتتى. ەلباسى ن.نازارباەۆ «ماڭگىلىك ەل» جاسامپاز­دىق قاقپا­سىن اشتى. «سالتانات قاقپا­سى­نىڭ» اشىلۋ مەرەكەسىنە جيىلعان ۇلكەن-كىشى «قازاق ەلىنىڭ تاۋەلسىزدىگى ماڭگىلىك بولسىن», – دەپ تاراستى. ەركىن ەلدىڭ ەرىكتى ۇل-قىزى ۇلتتىق مەرەكەنى شالقىعان شا­بىت­پەن, مەرەيلى قۋانىشپەن مەرەكەلەپ جاتقان قازاق ەلىنە كۇتپەگەن جەردەن كوڭىلگە كىربىڭ تۇسىرگەن توسىن وقيعا كەلدى. تەلەديداردان جاڭاوزەن وقيعاسىن كورگەندە ەسىمە «قىز جىبەك» فيلمىندەگى تۋ سىرتىنان ساداقتىڭ وعى ءتيىپ ءولىپ بارا جاتقان تولەگەننىڭ: «قا­زاعىم-اۋ, ومىردەن الاتىن ەنشىڭ وسى ما ەدى؟», – دەگەن ءبىر اۋىز ءسوزى ءتۇستى. راسىندا ءوزىنىڭ ۇلتتىق مەرەكەسىندە ەلى­ڭە تاس لاق­تىراتىنداي نە كۇيگە ءتۇستىڭ؟ ۇلتتىق ساناڭ مەن نا­مى­سىڭ قايدا؟ وزگە ەمەس «ءبىرىڭدى قازاق, ءبىرىڭ قىرعاننان» قاي ءتو­بە­گە شىقتىڭ؟ ءدۇيىم الەمگە ماسقارا بولعاننان باسقا نە ۇتتىڭ؟ مەملەكەتتىڭ مۇدەسى جەكە باستىڭ مۇدەسىنەن اركەزدە بيىك تۇرۋى كەرەك ەمەس پە؟ ءبىراز ورىن العان الەۋمەتتىك قيىن­دىقتى كوتەرە الماي ۇلتتىق مەرەكەڭدە كوپكە توپىراق شاشىپ, ايرانداي ۇيىپ تۇرعان ەل بىرلىگىن بۇزعاننان ەر اتانبايسىڭ. تاۋەل­سىزدىككە جەتۋ جولىندا قازاق بالاسى نەبىر قيىندىقتاردى, ناۋبەتتەردى باسى­نان وتكەردى. كۇندەي كۇركىرەپ وتكەن كەشەگى ەكىنشى دۇنيەجۇزىلىك سوعىستا ەر-ازاماتىن مايدانعا اتتان­دىر­عان تىلداعى اتا­لارى­مىز مەن انالارىمىز تۇرمىستىڭ تاۋقى­مەتىن كوتەرە ءبىلدى عوي. قازىرگى بەيبىت زاماندا ەلدىڭ شىرقىن بۇزعانىمىز جاراماس. باسقالار ەكى سانىن شاپالاقتاپ, الا­قان­دارىن ىسقىلاپ, وڭەش­تە­رى جەتكەنشە ايعايلاپ قۋانىشتان ءماز بولىپ, جاڭاوزەن وقي­عا­سىن جابىلا جازىپ, كۇندىز-ءتۇنى حابارلاپ بەرىپ جاتىر. ولارعا كەرەگى دە وسى, قازاق ەلىنىڭ تۇراقسىزدىعى. ەل ىشىنە ىرتكى سالىپ, حالىقتىڭ تىنىشتىعىن العاندار قازاققا جانى اشى­عاندار ەمەس. الەۋمەتتىك ماسەلە مەن ەل قاۋىپسىزدىگىنە قاتەر ءتون­دىرەتىن سودىرلاردىڭ ارا-جىگىن ءبىلۋىمىز كەرەك. ولاردىڭ ارباۋىنا كونىپ, ايداعانىنا جۇرمەي, قارسى تۇرا بىلەيىك. سىن ساعاتتا ەل بىرلىگى كەرەك. كوك تۋىمىز جەلبىرەپ, ەل مارتەبەسى قاشاندا بيىك بولسىن. سوندىقتان ويلانايىق, اعايىن! اڭساپ جەتكەن تاۋەل­سىزدىگىمىزدىڭ ىرگەسىن ءوزىمىز شايقاماي, بىرگە بولايىق. ەگەمەندىكتى كوزىمىزدىڭ قاراشىعىنداي ساقتاپ, قورعان بولا بىلەيىك! بۇل ءار قازاقتىڭ قاسيەتتى پارىزى. ەربول ىرگەباي, الكەي مارعۇلان اتىنداعى № 40 ورتا  مەكتەپتىڭ ديرەكتورى. استانا.