توقسان بەس جىلدىق تاريحى بار Leroy Merlin ساۋدا كومپانياسى دۇنيەجۇزى بويىنشا قۇرىلىسقا ارنالعان كەرەك-جاراق ساتۋمەن تانىمال بولعان كونە ساۋدا جەلىسىنىڭ قاتارىندا. قازىر «Leroy ءMerlinنىڭ» دۇكەندەرى جەر شارىنىڭ تۇكىر-تۇكپىرىندە اشىلعان. بارلىعى 325 ساۋدا جەلىسىن قۇرايتىن الىپ جۇيەگە تۇركيا, گرەكيا, برازيليا, يتاليا, پولشا, پورتۋگاليا, يسپانيا, قىتاي, رەسەي, ۋكراينا سياقتى 12 مەملەكەتتەتىڭ تۇتىنۋشىلارى قوسىلعان. قاراساۋ اۋدانىندا اشىلعان شىت جاڭا ساۋدا ءۇيى ەلىمىزدەگى عانا ەمەس, ورتا ازياداعى العاشقىقىلار ساناتىندا ەكەن. بۇگىندە ساۋدا يمپەرياسىنىڭ الەمدەگى قىزمەتكەرلەرىنىڭ سانى 88 500 ادامدى قۇرايتىن بولسا, قازاقستانداعى گيپەرماركەتتە تاعى 370 ادام جۇمىسپەن قامتىلىپ وتىر. بىلتىر ساۋدا برەندىنىڭ اينالىمداعى قارجىسى 18,2 ملرد ەۋرونى قۇراپتى.
الماتى وبلىسىنىڭ اۋماعىندا اشىلعان ساۋدا ءۇيىنىڭ اشىلۋ سالتاناتىنا فرانتسيانىڭ قازاقستانداعى ەلشىسى فيليپپ مارتيني, الماتى وبلىسىنىڭ əكىمى اماندىق باتالوۆ جəنە بيزنەس وكىلدەرى قاتىستى. جيىندا ءسوز العان وبلىس باسشىسى ا. باتالوۆ əلەمدىك دەڭگەيدەگى ۇلكەن جەلىنىڭ الماتى وبلىسىنان اشىلۋى جەتىسۋلىقتار ءۇشىن قۋانىش ەكەنىن ايتتى.
- وبلىس اۋماعىندا اشىلعان ءىرى گيپەرماركەت جوباسى ارقىلى وڭىرگە 6 ملرد. تەڭگە ينۆەستيتسيا تارتىلىپ وتىر. مۇندا 370 جاڭا جۇمىس ورنى قۇرىلدى. كوپتەگەن جاستار جۇمىسقا ورنالاستى. بيىلدان باستاپ ەلباسىنىڭ باستاماسىمەن «7.20.25» باعدارلاماسىنىڭ نەگىزىندە تۇرعىن ءۇي سالۋ قارقىندى جۇرگىزىلەتىن بولادى. سول ۇيلەردى تۇرعىزۋدا, əرلەۋدە پايدالانىلاتىن ماتەريالداردىڭ بالىعى وسى سورەلەردەن تابىلاتىنىنا سەنىمدىمىن. كومپانيا جەتەكشىلەرى قازىردىڭ وزىندە قىرقتان استام وتاندىق تاۋار وندىرۋشىمەن كەلىسىمشارت جاساسىپ ۇلگەرىپتى. سوعان سəيكەس تاۋار باعاسى دا قولجەتىمدى بولىپ, زاۋىتتاردان تىكەلەي وسى ساۋدا سورەسى ارقىلى تۇتىنۋشىعا جەتكىزىلۋى قۇپتارلىق ءىس. ءبىز ءوز تاراپىمىزدان بيزنەستى دامىتۋعا بارىنشا قولداۋ كورسەتە بەرەمىز جəنە تəۋەلسىز جاس مەملەكەتىمىزدىڭ ەكونوميكاسىن بىرگە كوتەرەمىز, - دەدى ايماق باسشىسى ءوز سوزىندە.
ال فرانتسيانىڭ قازاقستانداعى ەلشىسى فيليپپ مارتيني بيىل قازاقستان مەن فرانتسيا اراسىنداعى بايلانىستىڭ ورناعانىنا 10 جىل تولعانىن اتاپ ءوتىپ, ەكى جاقتى ءتيىمدى ارىپتەستىكتىڭ جەمىسى ناتيجەلى ەكەنىن ايتتى. «سونىڭ ءبىر كورىنىسى الەمگە تانىمال فرانتسۋز ساۋدا برەندىنىڭ قازاقستان نارىعىنا قادام باسۋى» دەيدى ەلشى.
الماتى ماڭىنان اشىلعان «Leroy Merlin» گيپەرماركەتتەر جەلىسىنىڭ دۇكەنى قازاقستاندا وندىرىلگەن تاۋاردى اينالىمعا شىعارۋعا ۇلەس قوساتىن بولادى. بۇل تۇتىنۋشىلار ءۇشىن قولجەتىمدى باعا ساياساتىن ۇستانۋعا مۇمكىندىك بەرەدى. الداعى كۇندەرى «Leroy Merlin» برەندىمەن تاعى دا 3 دۇكەن اشىلماقشى.
قالماحانبەت مۇقامەتقالي,
«ەگەمەن قازاقستان»
الماتى وبلىسى
