سابىرلىلىق كەرەك

وتە ءبىر قولايسىز, وكىنىشى مول جاعدايلار بولعاندا سۇيە­گى­مىزگە داق كەلدى دەۋشى ەدى با­با­لارىمىز. كەشەگى جاڭا­وزەن­دە بولعان جاعداي ءدال وسىنداي اسەرگە قالدىرىپ وتىر. عاسىر­لار بويى اڭساعان تاۋەلسىز­دى­گىمىزدىڭ 20 جىلدىعىندا بۇلاي بولادى دەپ كىم ويلاعان؟ بۇكىل الەمگە پاش ەتكەن قازاق ەلىنىڭ بىرلىگى مەن تىنىشتىعىنا داق ءتۇسىپ وتىر. ۇيات جاعداي. بيلىك باسىنداعى شەنەۋنىكتەرگە وك­پەلەسەك تە, مىنا جيىرما جىل­دىق ۇلى مەرەكە كۇنى حالقىمىزدىڭ مەرەيلى شىرقىن بۇزبايىق دەگەن جاڭا­وزەن­دەگى باسبۇزارلاردىڭ ويى­نا كەلمەدى. وعان ولاردىڭ اقىلى جەتپەدى. وسى­نىڭ سالدارىنان قازاق قازاققا قول جۇم­سادى, وق اتتى, قان توگىلدى. زامان­عا, ەلگە, ارقاي­سى­مىز­عا وتە وكىنىشتى وقيعا. وسى قاندى وقيعانىڭ اران­دا­تۋ­شىلارى بار دەپ جاتىر. بولسا بولار, ولاردى ىزدەپ تابۋ كەرەك, اتىن اتاپ, ءتۇسىن تۇستەپ حالىققا جاريا ەتۋ كەرەك. ءتيىستى جا­زا­سىن دا بەرۋ قاجەت. دەگەنمەن, جاڭا­­وزەن­دىكتەر وسىن­داي اران­دا­تۋعا نەگە ءتۇسىپ قال­دى, سەبەبى نەدە؟ ول دا انىقتالۋى ءتيىس. اقپاراتقا سەنسەك, بەس جۇزدەي مۇناي­شى­لار جەتى اي بويى ەرەۋىلگە شىعىپ, الاڭ­دا ءجۇر. ءارتۇرلى كومپانيا, مينيسترلىك باس­شى­لارىمەن جۇرگىزىل­گەن كەلىسسو­ز­دەر مۇ­ناي­­شىلاردى قا­ناعات­تان­دىر­ما­دى. جاڭا­وزەن­­د­ىك­تەر­دىڭ اران­داتۋعا ءتۇسىپ قال­عان­­دار­ى­نىڭ ءبىر سەبەبى وسى دەر ەدىم. تاۋەلسىزدىكتىڭ العاشقى جىل­دارىندا مارتەبەلى ەلباسىعا: «قۇر­مەتتى نۇرەكە! سىزگە حالىق ەكى-اق مىندەت ارتادى. ءبىرىنشىسى – قازاق ەلىنىڭ جۇرەر جولىن انىقتاپ, سول با­عىتپەن ءجۇرۋدى باقىلاپ وتىرۋ. ەكىنشىسى – ەشكىم ەسىمىن بىلمەيتىن قا­زاق ەلىن الەمگە تانىستىرىپ, الەم ءور­كەنيەتىنە جەتەلەۋ. وسىنى ورىن­دا­ساڭىز حالقىمىز سىزگە ءدان ريزا. ال ەندى ءوز ەلىمىزدە قارا قازاندى قاينا­تىپ, ەلىنىڭ مۇڭ-مۇقتاجىن كوزبەن كورىپ, ونى تۇزەپ وتىراتىن ۇكىمەت ەمەس پە. ونىڭ باسشىسى قاجىگەلدين كابينەتىنەن شىقپاي­دى, ەلدىڭ جان ايقايىمەن شارۋاسى جوق», دەگەن پىكىر ايتىپ ەدىم. قۇدايعا شۇكىر, پرەزيدەنت ءوز ءمىن­دەتىن اتقارىپ-اق كەلە جاتىر. ال ۇكىمەتكە جو­عا­رىدا ايتقان پىكىرىمدى قايتالاپ, ەلدەگى, ءاربىر وڭىرلەردەگى تۇر­مىس, ءال-اۋقات, كوڭىل-كۇي ماسە­لە­لەرى­نە ەرەكشە كوڭىل ءبولىپ وتىرۋ كەرەك دەر ەدىم. ەلىنە جانى اشي­تىن, ءتا­جى­ريبەسى مول ءبىر ازامات ۇكىمەت باس­شى­سى­نىڭ ورىنبا­سا­رى رەتىندە الەۋ­­مەت­تىك سالاعا جەتەكشى ەتكەنى دە دۇرىس سياقتى. جاڭاوزەندىك اعايىندار! سىزدەردى سابىرلىلىققا شاقىرا­مىن. جال­عىز ەمەسسىزدەر, ەل بولىپ مۇ­ناي­شى­لار تالابىنىڭ دۇرىس شەشىلۋىنە بۇگىنگى كۇنى كوزىن تىگىپ وتىر. ۇكىمەت تە ءتيىستى شارالار ويلاس­تىرۋدا. ەلباسى تىكەلەي با­قى­لاۋىنا العان شارۋانىڭ قاي-قاي­سىسى دا شەشىلەتىنىن حالقىمىز جاق­سى بىلەدى. سىزدەر دە وسىلاي بو­لارىنا سەنىڭىزدەر. كەنجەعالي ساعاديەۆ, اكادەميك.