شەبەرلىك ساباقتارى بارىسىندا تابىستى كاسىپكەرگە باسشىلىققا الۋعا قاجەتتى قۇرالدار, ستارتاپتىڭ تابىستى دامۋى ءۇشىن يندۋستريا 4.0 تەحنولوگياسىن قالاي قولدانۋ كەرەكتىگى, ول ءۇشىن ماركەتينگتىڭ قانداي ستراتەگيالارى جانە ساتىلىمدارى ءتيىمدى ەكەنى, 500 Startups اكسەلەراتورىنا قالاي كىرۋگە بولاتىنى جانە سيليكون القابىندا ينۆەستيتسيالاردى قالاي تارتۋعا بولاتىنى تۋرالى ايتىپ بەردى. سپيكەرلەردىڭ ءبىرى – الەمنىڭ 60 ەلىندە 500-دەن استام كومپانيانى ينۆەستيتسيالاعان 500 Startups اكسلەراتورىنىڭ سەرىكتەسى مارۆين لياو. ونىڭ ايتۋىنشا, تابىستى ستارتاپ-جوباسىنىڭ دامۋىنداعى نەگىزگى ءسات – تۇتىنۋشىمەن كەرى بايلانىس. ء«سىز الەۋەتتى كليەنتىڭىزبەن ۇنەمى سويلەسىپ, ونىمەن كەرى بايلانىس ىزدەڭىز. ناتيجەسىندە ءسىز بيزنەسىڭىزدىڭ قانداي كەزەڭدە ەكەنىن, كەمشىلىكتەرىڭىزدى ۋاقىتىندا جويۋ ءۇشىن جوباداعى كەدەرگىلەردى بىلە الاسىز», – دەپ اتاپ ءوتتى سپيكەر. Yahoo-دىڭ بۇرىنعى كوممەرتسيالىق ديرەكتورى بيزنەسمەن ءوز سالاسىنداعى بەتالىستار مەن ترەندتەردى ۇنەمى باقىلاپ وتىرۋ قاجەتتىلىگىن اتاپ ءوتتى. مۇنداي ءتاسىل كليەنتتەر ءۇشىن دۇرىس ءونىم تاڭداۋعا, ونى ۋاقىتىندا جاقسارتۋعا كومەكتەسەدى جانە ءسىزدىڭ جوباڭىزدىڭ قىزمەتىن قالاي دۇرىس پايدالانۋ كەرەكتىگى تۋرالى ناقتى تۇسىنىك بەرەدى.
«Health IT-دا» ەڭ ىقپالدى ايەلدەر رەيتينگىسىنىڭ وندىعىنا كىرەتىن تاتيانا كانزاۆەلليدىڭ پىكىرى بويىنشا, ستارتاپ جوباسىن جاساۋ كەزىندە اۆتور سەرىكتەستەردىڭ نە ءۇشىن قاجەت ەكەنىن انىق ءبىلۋ كەرەك. «مەن ءوز كليەنتتەرىمە سەرىكتەس ىزدەگەن كەزدە, سىزدە كەمىندە ءۇش سلايد بولۋى كەرەك دەيمىن. بىرىنشىدە, سەرىكتەسپەن ىنتىماقتاستىقتىڭ سىزگە اكەلەتىن پايداسى تۋرالى اقپارات. ەكىنشىدە – سەرىكتەستەرىڭىزگە قانداي پايدا اكەلەتىنىڭىز, ولارعا نە ءۇشىن قاجەت ەكەندىگىن كورسەتىلەدى. ءۇشىنشى سلايد – ءسىزدىڭ سەرىكتەسىڭىزبەن ىنتىماقتاستىعىڭىز ورتاق كليەنتتەرگە نە بەرەتىنى تۋرالى اقپار. ەگەر ءسىزدىڭ كومپانياڭىزدا وسى ءۇش سۇراققا جاۋاپ بولسا, وندا ىنتىماقتاستىق تۋرالى ماسەلە تۋىندامايدى. ويتكەنى تابىستى بيزنەس ءدال وسىلاي جۇمىس ىستەيدى», دەپ ەسەپتەيدى 500 Startups اكسەلەراتورىنىڭ تالىمگەرى, كرەمني القابىنىڭ ينۆەستورى, «Open Health Network» IT-ستارتابىنىڭ نەگىزىن قالاۋشى. سونداي-اق شەبەرلىك سىنىپتارىندا ستارتاپ-يدەيالارمەن تاجىريبە جۇرگىزۋ ماڭىزدىلىعى تۋرالى ايتىلدى.
ۆەنەرا تۇگەلباي,
«ەگەمەن قازاقستان»
