بۇل جولى دا ءبىز مىنگەن اۆتوبۋستىڭ جۇرگىزۋشىسى ىڭىرانا كوتەرىلىپ كەلە جاتقان كۇيى ء«مارۋسا بۇلاققا» كەلدىك دەدى. كولىك قارا اعاشتىڭ جانىنداعى بۇرىلعان جولعا توقتادى.بىرگە كەلە جاتقان نۇرسۇلتان, ايگەرىم, اينۇر ەسىمدى بالالار ىدىستارىن الىپ, بۇلاق باسىنا قاراي ەنتەلەي جۇگىردى.قارااعاشتىڭ تۇبىندەگى ۇستەل باسىندا كوجە ساتىپ, ءبىر قىز وتىر ەكەن.بيداي كوجەسىن,قىمىرانىن ساتىپ, كولەڭكەدە داستارقانىن جايىپ ساۋداسىن جاساپ وتىرعان جايى بار.بيداي كوجە ۇسىنعان باعيلا قىزدى اڭگىمەگە تارتتىق.
- وسى جەردە قىمىز ساتاتىن ءبىر بالا وتىرۋشى ەدى؟-دەدىك.
- ە, ول نۇركەن عوي... كورشىمىز.
- قىمىزدىڭ اقشاسىن نە ىستەيسىڭ؟-دەسەك, ول ويلانىپ تۇرىپ:
- كوپ بولسىن دا, سوسىن ۇيلەنەمىن, -دەيتىن.
- قازىر اششىسايدا جۇمىس ىستەيدى.
ءۇزىن جولداعى اسۋ القىنىنداعى بۇلاقتىڭ نەگە مارۋسيا ەكەنىن سۇراپ, كەزىندە كەنتاۋداعى اۆتوكومبيناتتا ۇزاق جىل ديرەكتورى بولعان, اقىن اعامىز راحىم بالابيەۆكە تەلەفون شالىپ حابارلاستىق. ول كىسى سۇراپىل ساعىس جىلدارى رەسەي جاقتان كەلگەن قىزعا بايلانىستى اڭگىمەنىڭ بارىن ەستىگەنىن ايتادى.
تەبەرىك بۇلاق تاس ۇڭگىر,
قۇلاما جارتاس, جاسىل قىر.
اسقارى ارقار, تەكەلى –
اجىمبەت اتا مەكەنى...
بۇلاق باسىندا بۇل جولى بارعانىمىزدا رەتتەپ جونگە كەلتىرىپ قويىپتى. مي قايناتار شىلىڭگىر شىلدەدە قاراتاۋدىڭ تەرىسكەي اساتىن اسۋىنداعى بۇلاق باسىندا تاقتا قويىپتى. سوزاققا قاراي بەت العان تۇستا تەبەرىك بۇلاق باسىنا وسىلاي تاس قايعانىنا ريزاشىلىق بىلدىردىك. تۋعان جەر توسىندەگى جۇرگىنشىلەردىن ىستىق كۇندە سۋ ىشەتىن ورىنعا ولەڭ جولدارىن ارناعانى كوڭىل قۋانتتى. وسىعان قۋانعانداي, اسۋدىڭ القىمىنداعى شىمىرلاپ قايناعان بۇلاق بىلدىر-بىلدىر بىردەڭە ايتاتىنداي. شىركىن دەرسىز.
اسۋ القىمىنداعى القىنعان بۇلاق...
ساپارباي پارمانقۇل,
«ەگەمەن قازاقستان»
اششىساي اسۋى,
تۇركىستان وبلىسى
