دوستىق ۇيىندەگى ارداگەرلەر كەڭەسىنىڭ توراعاسى كەڭەس رايىمبەكوۆ استانالىقتارعا اق باتاسىن بەردى. «قازاق ءتىلى» حالىقارالىق قوعامىنىڭ سولتۇستىك-شىعىس ءوڭىرى بويىنشا ۆيتسە-پرەزيدەنتى ورال شارىپباەۆ, قالالىق مادەنيەت جانە تىلدەردى دامىتۋ ءبولىمىنىڭ باسشىسى نازەركە اققوجينالارمەن بىرگە ءتۇرلى ەتنومادەني ورتالىقتار وكىلدەرى قوناقتارعا ەرەكشە ءىلتيپات كورسەتىپ, قازاقى قوناقجايلىقپەن شىعىس قازاقستان وبلىستىق نەۆزوروۆتار وتباسى اتىنداعى بەينەلەۋ ونەر مۋزەيىنىڭ زالىندا ۇيىمداستىرىلعان «اق تىلەكپەن, استانا» اتتى كورمەگە شاقىردى.
وسىنداي ايتۋلى كورمە بۇگىن ەلىمىزدىڭ بارلىق وبلىس ورتالىقتارىندا ءوتتى. سەمەي قالاسىندا ۇيىمداستىرىلعان كورمەدە قالا اكىمى ەرماك ءسالىموۆ استانالىقتاردى قارسى الىپ, ىزگى تىلەگىن جەتكىزدى.
– استانا ۇلى دالا ەلىنىڭ سارىارقاسىندا ورنالاسقان, ساۋلەت پەن مادەنيەتتىڭ ورتالىعى,-دەدى قالا اكىمى ەرماك بيداحمەت ۇلى,- «اق تىلەكپەن, استانا» شىعارماشىلىق جوباسى الەمدەگى ەڭ تابىستى جانە دامىپ كەلە جاتقان جاس قالالاردىڭ ءبىرى استانامىزدى ناسيحاتاۋعا ارنالىپ وتىر. جاس استانانىڭ ونەرىنىڭ قالاي دامىپ كەلە جاتقاندىعىن ءبىز وسى نەۆزوروۆتار وتباسى اتىنداعى بەينەلەۋ ونەرى مۋزەيىنەن تاماشالاۋ مۇمكىندىگىنە يە بولىپ وتىرمىز. استانا – زاماناۋي ساۋلەت ۇلگىسى عانا ەمەس, سونىمەن قاتار ۇنەمى جاڭا يدەيالار مەن ىزدەنۋ ۇستىندەگى جاڭاشىل قالا.
كورمەدە تاۋەلسىزدىك سارايىنىڭ قورىنان قازاقستاندىق سۋرەتشىلەردىڭ 100-گە جۋىق جۇمىستارى ۇسىنىلدى. اتاپ ايتقاندا, ا.اقاناەۆ, ە.ايتۋاروۆ, ر.كۇلباتىروۆ, ا.سماعۇلوۆا, م.بەكەەۆ, ە.سيدوركين, ك.كامەتوۆ, ە.وسپان ۇلى, ك.مۋللاشەۆ, M.بايبوسىنوۆ, ءو.تلەۋليەۆ, د.ماكين, د.نۇگەر جانە مۇسىنشىلەر توحتار ەرمەكوۆ پەن سەمبىعالي سماعۇلوۆتىڭ جۇمىستارى قامتىلىپتى.
– ءبىزدىڭ شارامىز مىنە, كورمەدەن باستالدى,-دەدى استانا قالاسى مادەنيەت جانە سپورت باسقارماسى باسشىسىنىڭ ورىنباسارى ناريما مۇحامەدالينا,-مۇندا تەك استانالىق قانا ەمەس, قازاقستاندىق سۋرەتشىلەردىڭ جۇمىستارى قامتىلعان. سەمەي قالاسىندا استانا قالاسىنىڭ اكادەميالىق قازاق مۋزىكالىق وركەسترى جەتەكشىلەرى ايتقالي جايىموۆتىڭ باسقارۋىندا ونەرلەرىن كورسەتۋى ءبىز ءۇشىن ۇلكەن ماقتانىش.
راۋشان نۇعمانبەكوۆا
سۋرەتتى تۇسىرگەن اۆتور
سەمەي
