ايماقتار • 21 شىلدە، 2018

تاراز قالاسىنا دەنيس تەندى ەسكە الۋعا ارنالعان باننەر ورناتىلدى

263 رەتكورسەتىلدى

تاراز قالاسىنداعى "جەڭىس" ساياباعىندا قاراقشىلار قولىنان قازا تاپقان ايگىلى سپورتشى دەنيس تەندى ەسكە الۋعا ارنالعان باننەر ورناتىلدى. 

اتالعان شارانى جامبىل وبلىستىق ىشكى ساياسات، جامبىل وبلىستىق سپورت جانە دەنە شىنىقتىرۋ، سونداي-اق تاراز قالاسىنىڭ اكىمدىگى جۇزەگە اسىردى.

دەنيس تەندى ەسكە الۋعا ارنالعان شاراعا ءتورت جۇزگە تارتا قالا تۇرعىندارى جينالىپ، باننەر ۇستىنە گۇل شوقتارىن قويدى. سونىمەن قاتار، بۇل شاراعا ءزۇلفيا گابيدۋللينا، ساتتار بەيسەمباەۆ، دميتري ترۋبين جانە نۇرداۋلەت مومىنوۆ سىندى تانىمال سپورتشىلار دا قاتىستى.

بۇدان كەيىن تاراز قالاسىنداعى "تاراز-ارەنا" سپورت كەشەنىندە مانەرلەپ سىرعاناۋدان وليمپيادا كەزىندە ەل قورجىنىنا ولجا سالعان دەنيس تەن تۋرالى دەرەكتى فيلم كورسەتىلىپ، ونىڭ جەڭىستى ساتتەرى تاماشالاندى.

حاميت ەسامان،

«ەگەمەن قازاقستان»

جامبىل وبلىسى

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار