قوشتاسۋ راسىمىنە قاتىسقانداردىڭ سانىندا ەسەپ جوق. ولار گۇل شوقتارى مەن مارقۇمنىڭ پورترەتىن كوتەرىپ تاڭعى ساعات 7:00-دەن باستاپ بالۋان شولاق اتىنداعى ستاديونعا جينالدى.
وليمپيادا جۇلدەگەرى دەنيس تەندى اقتىق ساپارعا شىعارىپ سالۋ ءرəسىمى ساعات 10.00-دە باستالدى. رەسم شاراعا مينيسترلەر مەن سپورتتاعى ساڭلاقتار جانە قالا جۇرتشىلىعى قاتىستى. ونىڭ ىشىندە قازاقستاندىق كəسىپقوي بوكسشى گەننادي گولوۆكين, قانات يسلام دا بار.
مادەنيەت جانە سپورت ءمينيسترى ارىستانبەك مۇحامەدي ۇلى مەملەكەت باسشىسىنىڭ جەدەلحاتىن وقىپ بەردى.
قوشتاسۋ سəتىندە مəرتەبەلى قوناقتاردىڭ سوزىنەن كەيىن دەنيستىڭ تابىتىن ءوزى جازعان əنمەن الىپ شىقتى. جينالعاندار سپورتشىنى ەرەكشە قۇرمەتپەن اقتىق ساپارعا اتتاندىردى.
مارقۇم قالا ىرگەسىندەگى دوستىق اۋىلىنا اجەسىنىڭ جانىنا جەرلەندى.
