ايماق باسشىسى ەلباسى 2011 جىلى قازاقستان حالقىنا ارناعان جولداۋىندا 2020 جىلى اۋىلدىق ەلدى مەكەندەردىڭ 80 پايىزىن ورتالىقتاندىرىلعان اۋىز سۋ جۇيەسىنە قوسۋ جونىندە تاپسىرما بەرگەنىن اتاپ ءوتتى. سوعان سايكەس 2011-2020 جىلدارعا ارنالعان "اق بۇلاق" باعدارلاماسى قابىلدانىپ, بۇدان كەيىن بىرقاتار سالالىق باعدارلامالار ىقشامدالىپ, 2020 جىلعا دەيىنگى وڭىرلەردى دامىتۋ باعدارلاماسىنا بىرىكتىرىلدى. 2015 جىلى قابىلدانعان "نۇرلى جول" باعدارلاماسى ارقىلى ەسكىرگەن اۋىز سۋ جۇيەسىن جاڭعىرتۋ جۇمىستارى اسا قارقىندى جۇرگىزىلدى.
«اتالعان باعدارلامالار اياسىندا قىزىلوردا وبلىسىندا ماقساتتى ءارى جۇيەلى جۇمىستار اتقارىلۋدا. اتاپ ايتساق, 2011-2017 جىلدار ارالىعىندا بيۋدجەتتەن 40 ملرد.تەڭگەدەن استام قارجى تارتىلدى. سونىڭ ناتيجەسىندە 2,5 مىڭ شاقىرىمعا جۋىق اۋىلىشىلىك جانە سەرۆيستىك جۇيەلەر جاڭارتىلدى, 8,5 مىڭنان استام سۋ ولشەگىش قۇرالدارى ورناتىلدى. بۇگىنگى كۇنى وبلىستاعى 265 اۋىلدىق ەلدى مەكەننىڭ 199-ى نەمەسە 76,5 پايىزى ورتالىقتاندىرىلعان اۋىز سۋ جۇيەسىنە قوسىلعان. حالىق سانىنا شاققاندا, 97 پايىزدى قۇرايدى», - دەدى وبلىس اكىمى.
اۋىل شارۋاشىلىعى مينيسترلىگى سۋ رەسۋرستارى كوميتەتىنىڭ توراعاسى يسلام ابىشەۆتىڭ ايتۋىنشا, قازىرگى تاڭدا رەسپۋبليكا بويىنشا ورتالىقتاندىرىلعان اۋىز سۋمەن قامتۋ كورسەتكىشى 57,4 پايىزدى قۇرايدى. سونىمەن قاتار, شەشىمىن ءالى تاپپاعان تاعى دا بىرقاتار پروبلەمالىق ماسەلە بار. ماسەلەن, اۋىلدىق ەلدى مەكەندەردى سۋمەن قامتۋ جانە سۋدى بۇرۋ جونىندەگى بىرىڭعاي وپەراتوردى قۇرۋ ماسەلەسى وزەكتى ماسەلەلەرىنىڭ ءبىرى بولىپ تابىلادى.
«بارىمىزگە بەلگىلى, قازاقستان رەسپۋبليكاسى پرەمەر-ءمينيسترى ب.ا. ساعىنتاەۆتىڭ 2017 جىلعى 22 قاراشاداعى №11-3/07-623 حاتتاما قاۋلىسىمەن اۋىل شارۋاشىلىعى مينيسترلىگىنە سۋمەن جابدىقتاۋ جانە سۋدى بۇرۋ جۇيەلەرى فۋنكتسيالارىن بەرۋ ماسەلەلەرىن جانە «قازسۋشار» رمك ۇسىناتىن بىرىڭعاي وپەراتوردى قۇرۋ تۋرالى ماسەلەنى قارجىلاندىرۋ كوزدەرىن انىقتاۋ تاپسىرىلدى», - دەدى اۋىل شارۋاشىلىعى مينيسترلىگى سۋ رەسۋرستارى كوميتەتىنىڭ توراعاسى يسلام ابىشەۆ.
سونداي-اق, كوميتەت توراعاسى ورتالىق دەڭگەيدە بىرىڭعاي وپەراتوردى قۇرۋ ماسەلەسى وڭ شەشىمىن تاپسا, جەرگىلىكتى جەردە بۇل ماسەلەنى كەيبىر ايماقتار عانا قولداعانىن ايتتى.
اتاپ وتكەن ءجون, قىزىلوردا وبلىسىندا رەسپۋبليكادا العاشقىلاردىڭ ءبىرى بولىپ 2017 ج. 1 ماۋسىمىنان باستاپ فيليال نەگىزىندە سۋمەن قامتۋ جانە سۋدى بۇرۋ جونىندەگى بىرىڭعاي وپەراتورى قۇرىلدى. اتاپ ايتقاندا, جەرگىلىكتى سۋمەن قامتۋ جۇيەلەرى كوممۋنالدىق مەنشىكتەن رەسپۋبليكالىق مەنشىككە, ياعني «قازسۋشار» رمك «ارال» ودسپ فيليالىنىڭ تەڭگەرىمىنە بەرىلدى.
سەمينار-كەڭەس بارىسىندا قىزىلوردا وبلىسىنىڭ تاجىريبەسى تۋرالى وبلىس اكىمىنىڭ ورىنباسارى سەرىك سۇلەيمەنوۆ بايانداپ بەردى.
«وبلىستا سۋمەن قامتۋ جونىندەگى بىرىڭعاي وپەراتوردى قۇرۋ تاريحى 2012 جىلى باستالدى. اتاپ ايتقاندا, رەسپۋبليكادا العاشقىلاردىڭ ءبىرى بولىپ 2017 ج. 1 ماۋسىمىنان باستاپ فيليال نەگىزىندە سۋمەن قامتۋ جانە سۋدى بۇرۋ جونىندەگى بىرىڭعاي وپەراتورى جۇمىسىن باستادى. بىرىڭعاي وپەراتوردى قۇرۋ سۋدى سوڭعى تۇتىنۋشىعا جىبەرۋ بويىنشا قىزمەتتەردى ءتيىمدى, ساپالى ءارى جۇيەلى وتكىزۋگە ءارى قۇرىلعىلاردى پايدالانۋ جانە جوندەۋ جۇمىستارىن ءوز كۇشىمەن جۇزەگە اسىرۋعا مۇمكىندىك بەرەدى», - دەدى سەرىك سۇلەيمەنوۆ.
