تمككبك-ءنىڭ جاڭا پاكەتى حالىقتى ەڭ تومەنگى دەڭگەيدەگى مەديتسينالىق قىزمەت بازاسىمەن قامتاماسىز ەتپەك. بۇل قىزمەتتەر ءتىزىمى اۋقىمدى جانە ناقتى بولادى. ونىڭ قاتارىندا پروفيلاكتيكالىق ەكپە جانە دارىگەرلىك تەكسەرۋ, توق ىشەك قاتەرلى ىسىگى, ءسۇت بەزى قاتەرلى ىسىگى, جاتىر مويىنشىعى قاتەرلى ىسىگى بويىنشا سونىمەن قاتار قان اينالىم جۇيەسى اۋرۋلارى جانە گلاۋكوما قارالادى. 1 جاسقا دەيىنگى بالالاردى پاتروناتتىق قامقورلىققا الۋ, جۇكتى ايەلدەردىڭ جاعدايىن باقىلاۋ, شۇعىل مەديتسينالىق كومەك, ناۋقاستىڭ وتكىر نەمەسە شيەلەنىستى سوزىلمالى اۋرۋلار جاعدايىندا ءوتىنىش جاساۋىندا العاشقى مەديتسينالىق-سانيتارلىق كومەك كورسەتۋ مامانىنىڭ قابىلداۋى قاراستىرىلۋدا. ءدال وسى جاڭا پاكەتكە ناۋقاسقا سالاماتتى ءومىر سالتى ماسەلەلەرى بويىنشا كەڭەس بەرۋ, 50 زەرتحانالىق دياگنوستيكا قىزمەتى جانە قۇرال-سايماندىق دياگنوستيكالىق زەرتتەۋ (ەكگ, تاۋلىك بويى قان قىسىمىن باقىلاۋ, سپيروگرافيا جانە ت.ب.) ەنەدى.
تمككبك-ءنىڭ جاڭا ۇلگىسىندە ناۋقاستى ديسپانسەرلىك تىركەۋدىڭ ورنىنا سوزىلمالى اۋرۋمەن اۋىراتىن ناۋقاستى ديناميكالىق باقىلاۋ ەنگىزىلەتىن بولادى.
– ەگەر ناۋقاستا 25 اۋرۋ ەمەس, 25 اۋرۋ توبىنان, ياعني توپتارىنا جانە الەۋمەتتىك ماڭىزى بار اۋرۋلاردىڭ 4 توبىنان تۇراتىن ديناميكالىق باقىلاۋ تىزىمىنە جاتاتىن اۋرۋ بەلگىلەنسە, مۇنداي جاعدايدا كونسۋلتاتيۆتى-دياگنوستيكالىق قىزمەت, جوسپارلى ستاتسيونارلىق قىزمەت, جوسپارلى ستاتسيونار-الماستىرۋشى قىزمەت تەگىن كورسەتىلەتىن بولادى, – دەيدى «مىندەتتى الەۋمەتتىك مەديتسينالىق ساقتاندىرۋ قورى» كەاق استانا قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
ول سونىمەن قاتار ەمدەۋ سحەماسى بويىنشا ەكىنشى رەت مەديتسينالىق تەكسەرۋ, بارلىق قاجەتتى باقىلاۋعا ارنالعان زەرتحانالىق زەرتتەۋلەر جانە تمككبك شەڭبەرىندە ءدارى-دارمەكپەن قامتاماسىز ەتۋ تەگىن قاراستىرىلاتىن بولاتىنىن اتاپ ءوتتى.
تەگىن مەديتسينالىق كومەك كولەمىنىڭ جاڭا پاكەتى بارلىق ازاماتقا جەدەل مەديتسينالىق كومەك, سانيتارلىق اۆياتسيا, العاشقى مەديتسينالىق-سانيتارلىق كومەك جەدەل ستاتسيونار-الماستىرۋشى كومەك, جەدەل ستاتسيونارلى كومەك, ءپاللياتيۆتى كومەك كورسەتۋدى كوزدەيدى.
تاعى ءبىر ايتا كەتەرلىگى, مىندەتتى الەۋمەتتىك ساقتاندىرۋعا 2018 جىلدىڭ 1-30 ماۋسىمى ارالىعىندا 8,7 ملرد تەڭگەدەن استام قارجى اۋدارىلعان. جالپى العاندا, جۇمىس بەرۋشىلەر مەن جەكە كاسىپكەرلەردىڭ مىندەتتى الەۋمەتتىك ساقتاندىرۋعا 2017 جىلدىڭ 1 شىلدەسى مەن 2018 جىلدىڭ 30 ماۋسىمى ارالىعىنداعى اۋدارىمدارى مەن تولەمدەرىنىڭ جالپى سوماسى 80,6 ملرد تەڭگەدەن اسا قارجىنى قۇراعان. وڭىرلەر بويىنشا استانا قالاسىنىڭ جۇمىس بەرۋشىلەر مەن جەكە كاسىپكەرلەرى 10 ملرد تەڭگەگە جۋىق اۋدارىم جاساعان.
