ء«بىز فرانتسياداعى ارىپتەستەرىمىزگە ساۋال جولدادىق. جاۋاپ كەلدى, بىراق سالىق تولەۋشى ءوزى تۋرالى اقپاراتتى جاريالاۋعا رۇقسات بەرمەدى. سوندىقتان, ول تۋرالى تولىق اقپارات بەرە المايمىز. ول ءوز تابىسىن كورسەتتى, سالىقتارى تولەنگەن جانە ءوز اقشاسىنا جىلجىمايتىن م ۇلىك ساتىپ العان. پاتەر يەسى - ۇكىمەت قىزمەتكەرى ەمەس», - دەپ جاۋاپ بەردى ءمادي تاكيەۆ ۇكىمەت ۇيىندە وتكەن ءباسپاسوز ءماسليحاتىندا جۋرناليستەر سۇراعىنا.
سونداي-اق, كوميتەت وكىلى 65 ملن ەۋرو تۇراتىن پاتەردىڭ كومپانيا اتىنا تىركەلگەنىن اتاپ ءوتتى.
ء«بىز كومپانيانىڭ كىرىس كوزدەرىن تەكسەردىك. پاتەر ادامنىڭ ەمەس, كومپانيانىڭ اتىنا تىركەلگەن. سايكەسىنشە, كومپانيا كىرىستەرى مۇنداي پاتەردى ساتىپ الۋعا مۇمكىندىك بەرە الادى جانە بارلىق سالىقتارى تولەنگەن», - دەدى ءمادي تاكيەۆ.
ەسكە سالا كەتسەك, بۇعان دەيىن قارجى مينيسترلىگى 65 ملن ەۋروعا پاريجدە اۋماعى 1200 شارشى مەتر پاتەردى ساتىپ العان قازاقستاندىققا ىزدەۋ سالعان بولاتىن. ونىڭ ايتۋىنشا, قىمبات پاتەر يەسى مەملەكەتتىك قىزمەتپەن اينالىسپايدى.
