Skytrax الەمدەگى اۋە كومپانيالارى مەن اۋەجايلارى كورسەتەتىن قىزمەتتەردىڭ ساپاسىن زەردەلەيدى. Skytrax زەرتتەۋى – جولاۋشىلاردىڭ پىكىرلەرىنە نەگىزدەلگەن جانە الەم بويىنشا مويىندالعان قىزمەت كورسەتۋ ساپاسىن باعالاۋ. بيىل وعان جەر-جاھانداعى 19 ميلليوننان استام ادام قاتىسقان. اۋە كومپانيالارىنىڭ قىزمەت كورسەتۋ ساپاسى مىناداي تالاپتار بويىنشا باعالانعان: جولاۋشىلاردى تىركەۋ, ولاردى بورتقا وتىرعىزۋ, سالون تازالىعى مەن ىڭعايلىلىعى, تاعامدار مەن سۋسىندار ساپاسى, بورتتاعى ويىن-ساۋىق جۇيەسى, بورتتىق قىزمەت كورسەتۋ دەڭگەيى. زەرتتەۋ ء200 ىرى حالىقارالىق جانە شاعىن جەرگىلىكتى اۋە تاسىمالداۋشىلارىن قامتىعان.
ء«بىز ءۇشىن وسى ماراپاتتى الۋ ۇلكەن قۇرمەت. ءبىزدىڭ جۇمىسىمىزعا مۇنداي باعا بەرۋ وتە ماڭىزدى, بۇل جولاۋشىلارىمىزدىڭ دەربەس تاڭداۋىنا نەگىزدەلەدى. وسىنداي ماراپاتقا لايىق دەپ تانىعانى ءۇشىن شىن جۇرەكتەن العىسىمىزدى بىلدىرەمىز. سونداي-اق, اۋەكومپانيا قىزمەتكەرلەرىنە العىس ايتقىم كەلەدى. ولار ءاردايىم جوعارى ساپالى قىزمەت كورسەتۋ ءۇشىن كۇندەلىكتى جۇمىستارىندا بارىن سالادى. قىزمەت كورسەتۋدىڭ ودان دا جوعارعى ستاندارتتارىنا جەتۋ ءۇشىن جەتىلدىرۋ جۇمىستارىن جالعاستىرامىز», دەدى «ەير استانا» اۋەكومپانياسىنىڭ پرەزيدەنتى پيتەر فوستەر.
ەستەرىڭىزگە سالايىق, بيىل «ەير استانا» اۋەكومپانياسى IPO-عا شىعۋ جوسپارلانىپ وتىر, بۇل ەلدەگى اكتسيونەرلىك كاپيتالدىڭ ىشكى نارىعىن دامىتۋعا جول اشادى.
