ەندى اقىلى اۆتوتۇراق قۇنىن Senim ءموبيلدى قوسىمشاسى كومەگىمەن تولەۋگە بولادى.
ول ءۇشىن:
1) ءSenim موبيلدى قوسىمشاسىن جۇكتەۋ;
2) تىركەلۋ جانە بالانستى تولتىرۋ;
3) «باپتاۋلار» قويىندىسىندا Senim Parking كىرۋ;
4) كولىگىڭىز تۋرالى بارلىق اقپاراتتى ەنگىزۋ
5) اقىلى اۆتوتۇراق قۇنىن ءبىر تەتىكپەن تولەۋ.
وسى جىلدىڭ 15 قاڭتارىنان باستاپ «نۇرجول» جەلەكجولىندا اقىلى كولىك تۇراقتارى جوباسى ىسكە قوسىلدى. 472 كولىككە ورىن ازىرلەنىپ, جول بەلگىلەرى سىزىلدى. سول سياقتى اقپارات الۋ تاقتالارى ورناتىلىپ, 12 پاركومات قويىلدى.
مامانداردىڭ ايتۋىنشا, تۇراق قۇنى تاڭعى ساعات 8.00-دەن كەشكى 20.00-گە دەيىن ساعاتىنا 100 تەڭگە. تولەم كولىكتى تۇراققا قويعان ساتتەن باستاپ العاشقى 30 مينۋت ىشىندە جۇرگىزىلۋى ءتيىس. ال دەمالىس جانە مەرەكە كۇندەرى تۇراقتى پايدالانۋ تەگىن. تۇراقتى پايدالانۋ ءتارتىبى مەن تولەم تاسىلدەرى جانە پاركوماتتار ورنالاسقان ورىندار تۋرالى www.2888.kz. سايتىنان دا تولىعىراق اقپارات الا الاسىز. سونداي-اق, 8-800-080-28-88 تەگىن نومىرىنە نەمەسە قالالىق 109 بىرىڭعاي بايلانىس ورتالىعىنا دا حابارلاسۋىڭىزعا بولادى.
سونىمەن قاتار, ۇوس ارداگەرلەرى, ءبىرىنشى جانە ەكىنشى توپتاعى مۇگەدەكتەر, «التىن قىران» جانە «حالىق قاھارمانى» وردەندەرىنىڭ يەگەرلەرى, «التىن القا» جانە «كۇمىس القا» يەگەرلەرى, سەمەي يادرولىق سىناق پوليگونىندا جۇرگىزىلگەن سىناقتاردان زارداپ شەككەندەر, اۋعانستانداعى جانە باسقا ەلدەردەگى اسكەري ءىس-قيمىلدان جاپا شەككەن مۇگەدەكتەر مەن ارداگەرلەر تۇراق ءۇشىن اقى تولەمەيدى.
