- 169/5 مەكەمەسى جانىندا كەشكى مەكتەپ ەسەبىنەن اشىلعان پوليتەحنيكالىق كوللەدجدىڭ فيليالى بار. 2017-18 جىلدارى باعدارلاماعا سايكەس 37 سوتتالعان وقۋدى ءبىتىرىپ, ديپلوم الدى. قازىرگى تاڭدا 2018-19 جىلدارى تاعى قوسىمشا تىگىنشى ماماندىعىن وقىتۋعا بايلانىستى جوسپارعا ەنگىزىلدى,-دەدى قاجد باسشىسىنىڭ ورىنباسارى ءجۇنىس ابدىقايىروۆ.
تۇزەتۋ مەكەمەسىندەگى توعىز تسەحتا جۇمىس ءجۇرىپ جاتىر. ءبىر تسەحتا تازا بىلعارىدان اياق-كيىمدەر تىگىلىپ جاتسا, ەكىنشىسىندە كۇنىگە 10 مىڭ دانا كىرپىش دايىندالىپ, 50 شارشى مەتر تاس توسەنىشتەر ازىرلەنەدى. ونىڭ سىرتىندا دويبى, شاحمات سياقتى كادەسىيلار دا جۇرتشىلىق سۇرانىسىنا يە. بۇيىمدار زەرتحانا سىناعىنان وتەتىندىكتەن ساپاسى كوڭىلگە قونىمدى. تەمىر توردان كەيىن دە ءومىر بار. جازاسىن وتەۋشىلەر وسىلايشا جاڭا كاسىپكە بەيىمدەلىپ جاتىر.
