2018 جىلى وڭىردە 3892 پاتەرلىك 44 كوپ قاباتتى تۇرعىن ءۇيدىڭ قۇرىلىسى باستالدى, 34 ءۇي وسى جىلى پايدالانۋعا بەرىلەدى. وبلىس ورتالىعىندا 39 تۇرعىن ءۇيدىڭ قۇرىلىسى جۇرگىزىلۋدە, قالعاندارى – اۋدانداردا.
بۇل قازاقستاننىڭ تاۋەلسىزدىك جىلدارىنداعى تۇرعىن ءۇي قۇرىلىسى بويىنشا ەڭ جوعارعى كورسەتكىش ەكەنىن اتاپ ءوتۋ قاجەت.
اتىراۋ قالاسىنىڭ اكىمى اليمۇحاممەد قۇتتۇمۇرات ۇلى «بەرەكە» ىقشام اۋدانىنداعى تۇرعىن ءۇي قۇرىلىسىن تەكسەرىپ شىعىپ, قاراماعىنداعىلارعا بىرقاتار ناقتى تاپسىرمالار بەردى.
مۇنداي كوپ تۇرعىن ءۇيدىڭ قۇرىلىسى جەكە قۇرىلىس سالۋشىلار تاراپىنان قىزىعۋشىلىقتىڭ جوعارى بولۋىنىڭ ناتيجەسىندە مۇمكىن بولدى. وبلىس باسشىلىعىمەن ءوڭىردىڭ ينۆەستيتسيالىق احۋالىن جاقسارتۋ بويىنشا بىرقاتار جۇمىستار اتقارىلدى, بۇل ءوز كەزەگىندە اتىراۋدا قۇرىلىس سالاسىندا سەرپىلىس تۋدىردى, - دەپ اتاپ ءوتتى اليمۇحاممەد قۇتتۇمۇرات ۇلى. – ءبىزدىڭ مىندەتىمىز ءوز قاراجاتىن تۇرعىن ءۇي قۇرىلىسىنا ينۆەستيتسيالاعىسى كەلەتىندەر ءۇشىن مەيىلىنشە قولايلى جاعدايلار جاساۋ. بۇل ءوز كەزەگىندە يپوتەكالىق تۇرعىن ءۇي نارىعىندا باعانىڭ تومەندەۋىنە وڭ اسەرىن تيگىزەدى.
