وندا وبلىس اكىمىنىڭ ورىنباسارى عاۋەز نۇرمۇحامبەتوۆتىڭ باسقارۋىمەن اۋىل شارۋاشىلىعى كەڭەسى ءوتتى. الدىمەن ديقاندار شارۋاشىلىقتىڭ تەحنيكاسىن ارالاپ كوردى. ديقانداردىڭ مۇندا باس قوسۋى تەگىن ەمەس ەدى. ويتكەنى ول ەگىن شارۋاشىلىعىن تسيفرلاندىرۋ ءۇشىن تاڭدالىپ الىنعان رەسپۋبليكاداعى 9 قاناتقاقتى شارۋاشىلىقتىڭ ءبىرى بولاتىن. تسيفرلاندىرۋ باعدارلاماسى بويىنشا تەحنيكا ساپالى بولۋى ءتيىس. شارۋاشىلىق جەتەكشىسى يۋري مالىشكو سوڭعى جىلدارعى جەتىستىكتەر مەن وزگەرىستەر تۋرالى ايتىپ بەردى. شارۋاشىلىقتىڭ 7 مىڭ گەكتار ەگىس القابى بار. قازىر ەگىن شىعىمى جاقسى. ەگىن القابىنىڭ 30 پايىزى مايلى جانە بۇرشاق تۇقىمداس داقىلعا اۋىستىرىلدى.
«نارىقتى زەرتتەپ وتىرۋىمىز كەرەك. بيداي القابىن ازايتىپ كەلەمىز. مايلى, بۇرشاق داقىلداردىڭ ءوتىمى جوعارى. زىعىردىڭ سابانىنا دەيىن وڭدەپ,ساتۋدى ۇيرەندىك. ءتۇرلى جۇمىستارعا پايدالانىلاتىن كەندىردىڭ تونناسىن 160 مىڭ تەڭگەدەن ساتامىز, ونىڭ وزىندىك قۇنى 60 مىڭ تەڭگەدەن اسپايدى» دەيدى يۋري ميحايلوۆيچ.
«القاپ كۇنىنە» استانا قالاسىنداعى اگروتەحنيكالىق ۋنيۆەرسيتەتىنىڭ عالىمدارى دا قاتىستى. ولار ەگىن شارۋاشىلىعىنداعى تسيفرلاندىرۋ بويىنشا تاڭدالعان قاناتقاقتى شارۋاشىلىقتارمەن جۇمىس ىستەيدى.
ء«بىز تسيفرلاندىرۋ تەحنولوگياسىن ەنگىزگەن شارۋاشىلىقتاردىڭ تابىسى ارقىلى ونىڭ تيىمدىلىگىن انىقتايمىز.گەربيتسيد, تىڭايتقىش, تەحنيكا قولدانۋدىڭ بارلىعىن دا ەسكى جولمەن ەمەس, تسيفرلاندىرۋ تەحنولوگياسى ارقىلى جۇرگىزگەندە ناتيجە ءتىپتى باسقا بولادى.مۇنى الداعى ۋاقىتتا كەڭەيتەمىز, ياعني تسيفرلاندىرۋ تەحنولوگياسىن ەگىن شارۋاشىلىعىنا ەنگىزەتىن شارۋاشىلىقتار قاتارى كوبەيە بەرەدى» دەيدى س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ پرورەكتورى قايرات ايتۋعانوۆ.
ءنازيرا جارىمبەت
«ەگەمەن قازاقستان»
قوستاناي
