مايرا شامسۋتدينوۆا (1861-1927) – حالىق ءانشىسى, كومپوزيتور. قازاقتار بۇرىن كەرەكۋ دەپ اتاعان قازىرگى پاۆلودار قالاسىندا دۇنيەگە كەلگەن. مايرانىڭ «كەرەكۋ ۇلكەن قالا, ۇزىن كوشە» دەپ كەلەتىن ءانى دە بار. كەرەكۋدىڭ وتكەنىن تۇسىنە الماي جۇرگەندەر مايرا جايلى وقىپ بىلسە كوزدەرى جەتەر ەدى. جاي ءانشى ەمەس, قوعامدىق وي-سانا كوزقاراسى بيىك قايراتكەر ءانشى بولعانىن وسىدان-اق كورۋگە بولار.
جاسىنان گارمون ارتىپ, ءان سالعان. كەرەكۋ, قوياندى, باياناۋىل, سەمەيدە جارمەڭكە, توي-دۋمانداردا ءان سالىپ, داۋىسى بۇكىل قازاققا تانىلدى. تاتارشا, ورىسشا دا ءان ايتتى. مۋزىكانت ا.زاتاەۆيچپەن كەزدەسىپ, ءوزىنىڭ ورىنداۋىنداعى جەكە اندەرىن, حالىق اندەرىن جازدىرعان.
مايرانىڭ «احاۋ, سەمەي,» «گاۋھار تاس», «ەرتىس», «ساۋلەم-اي», «ماقپال» سياقتى كوپتەگەن حالىق اندەرى ماڭگى حالىق ەسىندە, ءوزى جازعان «مايرا», «قىزىل گۇل», «وكشەسى ەتىگىمنىڭ اينالا جەز», «باقشا» اندەرىنىڭ دە اۆتورى. جەرگىلىكتى جۋرناليست اعامىز, مارقۇم ايتجان بادەلحانوۆ ءانشى جايلى كىتاپ جازىپ كەتتى.
ءانشىنىڭ ءمۇسىنىن جاساعان ءمۇسىنشى ازات بايارلين. جوباعا تاپسىرىس بەرۋشى – پاۆلوداردىڭ قۇرمەتتى ازاماتى قۋات ەسىمحانوۆ. مەتسەناتتىڭ قاراجاتىنان مايراعا كوپتەن كۇتكەن ەسكەرتكىش تە ورناتىلدى.
فاريدا بىقاي
«ەگەمەن قازاقستان»
پاۆلودار
سۋرەتتى تسۇىرگەن: ۆالەري بۋگاەۆ
