وتىرىسقا شۆەيتساريا ەكونوميكا, ءبىلىم جانە زەرتتەۋلەر بويىنشا فەدەرالدىق دەپارتامەنتىنىڭ (مينيسترلىك) باسشىسى ي.شنايدەر-اممانن,شۆەيتساريانىڭ قازاقستانداعى جانە تاجىكستانداعى ەلشىسى ۋ. شميد, قازاقستانداعى ىشكى ساۋدا پالاتاسى باسقارماسىنىڭ توراعاسى ا. ەرەنوۆ, سونداي-اق مەملەكەتتىك ورگاندار مەن ەكى ەلدىڭ بيزنەس قاۋىمداستىعى وكىلدەرى قاتىستى.
ىسكەرلىك كەڭەستىڭ قازاقستاندىق تاراپتاعى تەڭتوراعاسى ق. الپىسباەۆ بۇل باسقوسۋدىڭ قازاقستان مەن شۆەيتساريا بيزنەس قاۋىمداستىعىنىڭ ءوزارا ءتيىمدى ارىپتەستىك ماقساتىندا بەلسەندى ديالوگ جۇرگىزۋى ءۇشىن ماڭىزدى ەكەنىن اتاپ ءوتتى.
«شۆەيتساريا – قازاقستان مەن ەو-نىڭ ستراتەگيالىق ەكونوميكالىق ارىپتەسى جانە تاۋار اينالىمى كولەمى بويىنشا ەۋروپالىق ەلدەر اراسىندا ءتورتىنشى ورىندى يەمدەنەدى», – دەگەن ق. الپىسباەۆ, 2005 جىلدان 2017 جىلعا دەيىنگى ارالىقتا شۆەيتساريادان قازاقستانعا تىكەلەي قۇيىلعان جالپى ينۆەستيتسيا كولەمى 20,6 ملرد اقش دوللارىن قۇراعانىن ايتىپ ءوتتى. ال وسى ارالىقتا قازاقستاننان شۆەيتسارياعا تىكەلەي ينۆەستيتسيا كولەمى – 823 ملن اقش دوللارى.
ق. الپىسباەۆ قازاقستاندا ەكونوميكانىڭ «شيكىزاتتىق ەمەس» سەكتورى قارقىندى دامىپ جاتقانىن, تسيفرلاندىرۋ بويىنشا مەملەكەتتىك باعدارلامالار ءساتتى جۇزەگە اسىرىلىپ, ينۆەستورلار ءۇشىن ينفراقۇرىلىمدىق جانە ينستيتۋتسيونالدىق جاعىمدى احۋال قالىپتاسىپ وتىرعانىن اتاپ ءوتتى.
سوڭعى 10 جىلدىقتا قازاقستاننىڭ كولىك-لوگيستيكالىق جۇيەسىن دامىتۋعا 30 ملرد دوللارداي قارجى جۇمسالعان. 2000 كم ارتىق جاڭا تەمىرجول تەلىمدەرى سالىنىپ, جىلجىمالى قۇرام جاڭعىرتىلعان, ترانسشەكارالىق كولىكتىك-لوگيستيكالىق توراپتاردىڭ وتكىزۋ قابىلەتى ارتتىرىلىپ, قازاقستاندىق كولىك دالىزدەرىنىڭ بويىندا كولىكتىك-لوگيستيكالىق ورتالىقتار مەن تەرمينالداردىڭ زاماناۋي جەلىسىن قالىپتاستىرۋ بويىنشا جۇمىستار جۇرگىزىلدى.
قابىلدانعان شارالار قازاقستاننىڭ پوزيتسياسىن حالىقارالىق رەيتينگتەردە, ياعني دۇنيەجۇزىلىك بانك بيزنەسىن جۇرگىزۋ جەڭىلدىگى يندەكسىندە جاقسارتتى, وندا قازاقستان الەمنىڭ 190 ەلىنىڭ اراسىندا 36-شى ورىندى يەلەنسە, لوگيستيكا تيىمدىلىگى يندەكسىندە 77-ءشى ورىنعا تۇراقتاپ وتىر, بۇل تمد ەلدەرى اراسىنداعى ۇزدىك كورسەتكىشتىڭ ءبىرى بولىپ تابىلادى.
قازاقستان-شۆەيتساريا ىسكەرلىك كەڭەسىنىڭ 4-ءشى وتىرىسىنا قاتىسۋ بارىسىندا شۆەيتساريالىق دەلەگاتسيا كاسپي تەڭىزىندەگى پورتتىق ينفراقۇرىلىمدى ارالاپ, اقتاۋ جانە قۇرىق سياقتى ەكى قازاقستاندىق پورتتاردىڭ زاماناۋي لوگيستيكالىق قۋاتتىلىعىمەن تانىستى. «قازاقستان مەن شۆەيتساريا اراسىنداعى ىسكەرلىك كەڭەستىڭ ۋاقىتتىلىعى مەن تالاپ ەتىلۋى ەكى ەلدىڭ بيزنەس قاۋىمداستىقتارى اراسىندا قىزىعۋشىلىقتىڭ ءوسىپ وتىرعانىن ايقىندايدى», – دەي كەلە ق.الپىسباەۆ, ەكونوميكالىق ءوزارا ارەكەتتەسۋ سياقتى كەڭەيتىلگەن ماسەلە بويىنشا بايلانىستى دامىتۋ ءۇشىن تالقىلاۋلاردىڭ قاجەتتىلىگىنە سەنىم ءبىلدىردى.
