جىلىوي اۋدانىندا ۇزاق جىلدان بەرى جازعى ماۋسىمدا كوپ قاباتتى تۇرعىن ۇيلەردى اۋىز سۋمەن قامتۋ وزەكتى پروبلەما بولىپ كەلگەن ەدى.
اۋدان اكىمدىگى مەن «قازترانسويل» اق وكىلدەرىنەن قۇرالعان ەكىجاقتى كوميسسيا وتىرىسىنىڭ قورتىندىسى بويىنشا ماگيسترالدى سۋ تاراتقىشتان تاۋلىگىنە بەرىلەتىن سۋ مولشەرىن 9400-دەن 12000 كۋبمەترگە دەيىن كوتەرۋ تۋرالى شەشىم قابىلداندى.
- وبلىس باسشىلىعىنىڭ «قازترانسويل» اق-مەن كەلىسىمىنە سايكەس, ەكىجاقتى كوميسسيا قۇرىلدى. كوميسسيا مۇشەلەرى قۇلسارىدا بەرىلەتىن سۋ مولشەرىن كوبەيتۋگە شەشىم قابىلدادى, -دەيدى جىلىوي اۋدانى اكىمى ازامات بەكەت. -جاز مەزگىلىندە كۇننىڭ ىستىعى كەسىرىنەن اسىرەسە كوپ قاباتتى تۇرعىن ۇيلەردىڭ جوعارعى قاباتىندا تۇراتىندار سۋ پروبلەماسىنا بايلانىستى قيىندىق كورەتىن ەدى. بەرىلەتىن سۋ كولەمىنىڭ كوبەيۋى ارقاسىندا پروبلەما شەشىلدى.
