ng.kz
بيىل زەرتتەۋشىلەر تاسقا اينالعان تەڭىز مولليۋسكالارى مەن دينوزاۆرلارىنىڭ تاعى ءبىر ءتۇرىن – ەجەلگى تەلەوزاۆرلار قاڭقاسىن تاپتى. تەلوزاۆرلاردىڭ ۇزىندىعى 3 مەتردەن اسپايدى, ال ولاردىڭ زامانداسى پلەزيوزاۆرلار 20 مەترگە دەيىن بارعان. ولجانى ەكسپەديتسيا مۇشەسى بيولوگ اندرەي اندريۋششەنكو تانىپ تاپقان.
«كوكتەمدە ايەت وزەنىنىڭ جاعالاۋىن سۋ شايىپ, جاردى قۇلاتقاندا ەجەلگى جانۋارلاردىڭ تاسقا اينالعان قاڭقالارى جاعاعا شىعىپ قالادى. ءبىز وسىنداي ولجاعا كەزدەستىك. نەگىزى 200-145 ميلليون جىلدار بۇرىنعى يۋرا كەزەڭىنە جاتاتىن تەلەوزاۆرلار قاڭقاسى كوبىنە ەۋروپادان, انىعىراق ايتقاندا فرانتسيادان تابىلعان. ءبىزدىڭ تاپقانىمىز بور داۋىرىنە (145-66 ميلليون جىلدار بۇرىن) جاتاتىن تۇنبالاردا قالعان بولۋى كەرەك. تەلەوزاۆر لاتىن تىلىنەن اۋدارعاندا «ناعىز كەسىرتكە» دەگەندى بىلدىرەدى» دەيدى بيولوگ اندرەي اندريۋششەنكو.
مۋزەيدىڭ عىلىمي قىزمەتكەرلەرى ايەت وزەنى جاعاسىنان مۇنان بۇرىن دا تاسقا اينالعان پالەونتولوگيالىق قالدىقتاردى تاۋىپ ءجۇر. بۇل كەسىرتكەلەر نەمەسە قولتىراۋىنداردىڭ ەجەلگى تۋىسىنا ءبىرىنشى رەت كەزدەسۋى بولىپ وتىر.
ءنازيرا جارىمبەت,
«ەگەمەن قازاقستان»
قوستاناي
