كەزدەسۋ بارىسىندا مەملەكەت باسشىسىنىڭ ء«ۇشىنشى جاڭعىرتۋدى» ىسكە اسىرۋ بويىنشا العا قويعان مىندەتتەرى اياسىندا ەل ەكونوميكاسىن ترانسفورماتسيالاۋ ماسەلەلەرى قارالدى, سونداي-اق ءوڭىر اكتيۆىنىڭ جاڭا جاھاندىق شىنايىلىق جاعدايىندا ەكونوميكانىڭ ساپالى ءارى تۇراقتى ءوسۋىن قامتاماسىز ەتۋ ءۇشىن قاجەتتى جاعدايلاردى جاساۋ جۇمىستارى تالقىلاندى. اتاپ ايتقاندا, ينۆەستيتسيالار تارتۋ, ەكونوميكانىڭ نەگىزگى سالالارىن, جاپپاي كاسىپكەرلىكتى دامىتۋ, تەحنولوگيالىق جاڭعىرتۋ جانە يندۋستريا 4.0 ەلەمەنتتەرىن ەنگىزۋ, تسيفرلاندىرۋ, كادرلاردى دايارلاۋ جانە جاڭا جۇمىس ورىندارىن قۇرۋ, سونداي-اق ەكونوميكانى ودان ءارى ءارتاراپتاندىرۋ ءتارىزدى سالالار قارالدى.
كەڭەستى اشا وتىرىپ, پرەمەر-مينيستر ب. ساعىنتاەۆ الەمنىڭ دامىعان وزىق 30 ەلىنىڭ قاتارىنا قوسىلۋ ءۇشىن قازاقستان جىل سايىنعى ەكونوميكالىق ءوسىمدى 5-6% دەڭگەيىندە قامتاماسىز ەتۋى ءتيىس ەكەنىن اتاپ ءوتتى.
«بۇگىندە التى ايدىڭ قورىتىندىسى بويىنشا ەل ەكونوميكاسى 4,1%-عا ءوستى. 2017 جىل 4%-دىق ەكونوميكا وسىمىمەن اياقتالدى. بۇل جاعدايدا جارتى جىلدى 5,1% ەكونوميكالىق وسىممەن اياقتاپ وتىرعان اقتوبە وبلىسىنىڭ ۇلەسى ەلەۋلى», — دەدى پرەمەر-مينيستر, وبلىس اكىمدىگىنىڭ مالىمەتتەرىنە سايكەس جىل سوڭىنا دەيىن كورسەتكىشتەر 5%-دان تومەن بولمايتىنىن ايتا وتىرىپ.
ب. ساعىنتاەۆ اتاپ وتكەندەي, اتالعان باعىتتا جۇمىستى جالعاستىرۋ ءۇشىن ۇكىمەت ءوز تاراپىنان بارلىق قاجەتتى شارالاردى جۇزەگە اسىرۋدا. وتكەن جىلى جاڭا ءوسىم مودەلىن قالىپتاستىرۋ ءۇشىن جوبالىق باسقارۋ ءوفيسى اشىلعان ەدى. وفيس اياسىندا بارلىق وڭىرلەردە بارلىق ءوسىم كورسەتكىشتەرى باقىلاۋعا الىنادى. ونىڭ نەگىزگى ماقساتى — كورسەتىلگەن مەجەگە جەتۋ, تۋىندايتىن كەدەرگىلەردى جويۋ, دۇرىس شەشىم قابىلداۋ. وسىعان بايلانىستى ەكونوميكانى دامىتۋدىڭ بارلىق ماڭىزدى باعىتتارى بويىنشا ۇكىمەتتىڭ جوبالار پورتفەلى قۇرىلدى. ءاربىر جوبا بويىنشا ماقساتتى كورسەتكىشتەر مەن جاۋاپتى تۇلعالار بەلگىلەنگەن, ناقتى ناتيجەلەر مەن مەرزىمدەرى كورسەتىلگەن جوبالاردى ىسكە اسىرۋدىڭ ەگجەي-تەگجەيلى جوسپارلارى ازىرلەنگەن.
سونداي-اق, پرەمەر-مينيستر اڭگىمەلەسۋدىڭ باستى ماقساتى — وبلىستا جۇمىستىڭ قالاي ءجۇرىپ جاتقانىن, ەكونوميكانىڭ ساپالى ءارى تەڭگەرىمدى ءوسىمى ءۇشىن ونىڭ قۇرىلىمدىق ترانسفورماتسياسىن قامتاماسىز ەتۋگە ءوڭىردىڭ ىشكى قورلارىن انىقتاۋ جانە پايدالانۋ بويىنشا قانداي جوسپارلار بار ەكەنىن ءتۇسىنۋ ەكەنىن اتاپ ءوتتى.
ءوز كەزەگىندە اقتوبە وبلىسىنىڭ اكىمى ب. ساپارباەۆ ءبىرىنشى جارتى جىلدىقتاعى ماقساتتى ينديكاتورلارعا قول جەتكىزۋ بويىنشا جۇرگىزىلگەن جۇمىستار مەن 2018 جىلدىڭ سوڭىنا دەيىنگى جوسپارلار تۋرالى باياندادى. اقتوبە وبلىسىنىڭ اكىمدىگى جوبالىق باسقارۋ اياسىندا 12 باعىت بويىنشا جۇيەلى جۇمىستار جۇرگىزۋدە: بازالىق يندۋستريالاندىرۋ, وتىن-ەنەرگەتيكالىق كەشەن, ينۆەستيتسيالار تارتۋ, ءونىمدى جۇمىسپەن قامتۋ, سونداي-اق اوك-ءتى, جاپپاي كاسىپكەرلىكتى, اقپاراتتىق-كوممۋنيكاتسيالىق تەحنولوگيالاردى, كولىك جانە لوگيستيكانى, ءتۋريزمدى دامىتۋ جانە ساۋدا, ءبىلىم بەرۋ, دەنساۋلىق ساقتاۋ سالالارىن جاڭعىرتۋ.
اكىمنىڭ ايتۋىنشا, قابىلدانىپ جاتقان شارالاردىڭ ارقاسىندا, سونىڭ ىشىندە جوبالىق باسقارۋ اياسىندا وڭىرلىك ەكونوميكا ءوسىمى ءى جارتى جىلدىقتىڭ قورىتىندىسى بويىنشا شامامەن 5% قۇرادى, بارلىق الەۋمەتتىك-ەكونوميكالىق كورسەتكىشتەر بويىنشا ءوسىم قامتاماسىز ەتىلگەن.
بازالىق يندۋستريا ينديكاتورلارىنا سايكەس: بيىل وبلىستا 1,4 مىڭ جۇمىس ورنىن قۇرۋمەن 76 ملرد تەڭگە ينۆەستيتسيالار سوماسىنا 15 ينۆەستيتسيالىق جوبا ىسكە اسىرىلادى. سونىمەن قاتار, 2018 جىلى 55 ملرد تەڭگە ينۆەستيتسيالار سوماسىنا 35 كاسىپورىندى جاڭعىرتۋ جوسپارلانىپ وتىر.
وتىن-ەنەرگەتيكا كەشەنىنىڭ كورسەتكىشتەرىنە سايكەس, ءمجا تەتىگىن قولدانۋمەن جالپى 4 ملرد تەڭگە سوماسىنا 14 اۋىل گازبەن قامتاماسىز ەتىلەدى. وسى جىلدىڭ سوڭىنا دەيىن 135 ۇڭعىمادا گەولوگيالىق بارلاۋ جۇمىستارى جۇرگىزىلەدى دەپ كوزدەلگەن, ولاردىڭ 18-ءى — جاڭا ۇڭعىمالار. سونداي-اق, بيىل قاراۋسىز ەلەكترمەن جابدىقتاۋ جەلىلەرى 100% جويىلادى.
اوك بويىنشا: 2018 جىلى 10,6 ملرد تەڭگە سوماسىنا 10 ينۆەستيتسيالىق جوبانى ەنگىزىپ, 247 جۇمىس ورنىن اشۋ كوزدەلگەن. 2018 ج. سۋارمالى جەرلەردىڭ اۋدانى 30,5 مىڭ گەكتاردى قۇرايدى. ءى جارتى جىلدىقتا اۋىل شارۋاشىلىعى ونىمدەرىنىڭ ەكسپورتى $10,5 قۇرادى, جىل سوڭىنا دەيىن ەكسپورت كولەمى $42 ملن قۇرايدى.
اكىم ب. ساپارباەۆتىڭ ايتۋىنشا, وبلىستا كاسىپكەرلىكتى قولداۋ كارتاسى جاسالعان. بيزنەستى جۇرگىزۋدىڭ وڭايلىعىن ارتتىرۋ ءۇشىن «كەدەرگىسىز بيزنەس» جوباسى جۇزەگە اسىرىلىپ جاتىر. اتالعان جوبا اياسىندا بيزنەستى تەكسەرۋدى وڭتايلاندىرۋ جانە رەتتەۋ, سونداي-اق مەملەكەت تاراپىنان بيزنەستى قولداۋ شارالارىن كۇشەيتۋ جۇمىستارى اتقارىلۋدا. بيىل 22 ملرد تەڭگە كولەمىندە قارجىلاي كومەك, 40 مىڭ ادام — قارجىلىق ەمەس قولداۋ كورسەتىلەدى.
«بيزنەس–باستاۋ» باعدارلاماسى اياسىندا وتكەن جىلدىڭ دەڭگەيىنەن ەكى ەسە كوپ ادامدى قامتي وتىرىپ, 2,2 مىڭ ادامدى وقىتۋدى جوسپاردا بار. سونداي-اق, "اۋىلقامقورلىق" جوباسى ىسكە اسىرىلۋدا, ونىڭ اياسىندا اۋىل تۇرعىندارى ءۇشىن 500-دەن استام كاسىپكەر-تالىمگەر انىقتالدى. جوبالار اياسىندا جۇزەگە اسىرىلىپ جاتقان جۇمىستار جاپپاي كاسىپكەرلىكتى دامىتۋ ينديكاتورلارى بويىنشا 2018 جىلعا ارنالعان جوسپارلى كورسەتكىشتەرگە قول جەتكىزۋگە جول اشادى», — دەدى اكىم.
بۇدان ءارى وبلىستىڭ قورلارى تۋرالى بەيىندى مينيسترلىكتەردىڭ باسشىلارى ءسوز سويلەدى.
وبلىستا جاپپاي كاسىپكەرلىكتى دامىتۋدىڭ ەكونوميكالىق مۇمكىندىكتەرى, ساۋدا سالاسىن جاڭعىرتۋ تۋرالى ۇلتتىق ەكونوميكا ءمينيسترى ت. سۇلەيمەنوۆ ايتىپ بەردى. جالپى العاندا, ءوڭىردىڭ وسى جىلدىڭ بەس ايىنداعى الەۋمەتتىك-ەكونوميكالىق دامۋ كورسەتكىشتەرى بويىنشا وڭ قارقىن بايقالدى. سونىمەن قاتار, وبلىستىڭ ونەركاسىپتىك نىسانداردى ودان ءارى جاڭعىرتۋ, كولىك-لوگيستيكالىق ماسەلەلەردى شەشۋ, ءونىم ەكسپورتىن دامىتۋ, اوك ءارتاراپتاندىرۋ سالالارىنداعى الەۋەتى اتالىپ ءوتتى.
ەڭبەك جانە حالىقتى الەۋمەتتىك قورعاۋ ءمينيسترى م. ابىلقاسىموۆا ەڭبەك رەسۋرستارىن كوشىرۋ بويىنشا اتقارىلىپ جاتقان جۇمىستار تۋرالى بايانداپ, شوب سەكتورىندا حالىقتىڭ جۇمىسپەن قامتىلۋ الەۋەتى تۋرالى مالىمدەدى. اقتوبە وبلىسىندا 2018 ج. ءى توقسانىندا جۇمىس كۇشى 435 مىڭ ادامدى قۇرادى, ولاردىڭ ىشىندە 414 مىڭى جۇمىسقا ورنالاسقان.
م. ابىلقاسىموۆا حالىقتىڭ تابىسىن جانە جۇمىسپەن قامتىلۋىن ودان ءارى ارتتىرۋ ءۇشىن بيزنەستى دامىتۋدى ىنتالاندىرۋ قاجەت ەكەنىن مالىمدەدى. مينيستر مۇنداعى باستى قۇرال — ناتيجەلى جۇمىسپەن قامتۋدى جانە جاپپاي كəسىپكەرلىكتى دامىتۋ باعدارلاماسى دەپ اتاپ ءوتتى. باعدارلامانى وبلىستا ىسكە اسىرۋ ءۇشىن بيىل 7,3 ملرد تەڭگە ءبولىنىپ, 18,9 مىڭ ادام — جوسپاردىڭ 58% باعدارلاما قاتىسۋشىسى بولدى. 16 مىڭ ادام جۇمىسپەن قامتىلدى, ونىڭ ىشىندە تۇراقتى جۇمىسقا 9,4 مىڭ ادام ورنالاستى.
ينۆەستيتسيالار جانە دامۋ ءمينيسترى ج. قاسىمبەك كولىك جانە لوگيستيكانى دامىتۋ, ينۆەستيتسيالار تارتۋ تۋرالى ايتىپ بەردى. ءمينيستردىڭ ايتۋىنشا, وسى جىلدىڭ بەس ايىنىڭ قورىتىندىسى بويىنشا نەگىزگى كاپيتالعا سالىنعان ينۆەستيتسيالار كولەمى 13,2 ملرد تەڭگەنى قۇرادى. سونداي-اق, جوبالىق باسقارۋ اياسىندا 2018 جىلى «ينۆەستيتسيالاردى تارتۋ» جوباسى بويىنشا 12 نىساندى پايدالانۋعا بەرۋ جوسپارلانىپ وتىر.
ء«وڭىردىڭ ترانزيتتىك الەۋەتىن دامىتۋ ماقساتىندا بيىل «اقتوبە–اتىراۋ» رەسپۋبليكالىق ماڭىزى بار اۆتوكولىك جولىنىڭ 160–330 شاقىرىمدىق ۋچاسكەسىن رەكونسترۋكتسيالاۋ جۇمىستارى باستالدى. سونداي-اق, ۇزىندىعى 102 شاقىرىم بولاتىن جەرگىلىكتى ماڭىزى بار جەتى جول جوباسى ىسكە اسىرىلۋدا, رەسپۋبليكالىق بيۋدجەتتەن 4,2 ملرد تەڭگە ترانسفەرت ءبولىندى. بيىل جىلىنا 984 مىڭ توننا جۇك اينالىمىمەن 59,2 مىڭ م² اۋداندى قۇرايتىن كولىك-لوگيستيكا ورتالىعىنىڭ قۇرىلىسى جوباسى باستالدى. بۇدان وزگە, اقتوبە وبلىسىندا 1,7 ملرد تەڭگەگە 17 جول بويىنداعى سەرۆيس نىسانى سالىنادى», — دەدى ج. قاسىمبەك.
دەنساۋلىق ساقتاۋ ءمينيسترى ە. ءبىرتانوۆ ءوز كەزەگىندە وڭىردە جەكە مەديتسينا سەكتورى بەلسەندى دامىپ جاتقانىن ايتتى. بۇگىنگى تاڭدا وبلىستا دەنساۋلىق ساقتاۋ جۇيەسىندە 29 اۋرۋحانا مەن 126 امبۋلاتورلىق-ەمحانالىق ۇيىمى مەديتسينالىق كومەك كورسەتەدى. العاشقى بەس ايدا دەنساۋلىق ساقتاۋ سالاسىنىڭ نەگىزگى كاپيتالىنا سالىنعان ينۆەستيتسيالار شامامەن 2,4 ملرد تەڭگەنى قۇرادى. وسى جىلدىڭ I توقسانىندا كورسەتىلگەن قىزمەتتەردىڭ كولەمى 9,7 ملرد تەڭگەنى قۇرادى. قازىرگى تاڭدا دەنساۋلىق ساقتاۋ سالاسىندا جالپى قۇنى 12 ملرد تەڭگە بولاتىن 24 جوبا جۇزەگە اسىرىلىپ جاتىر.
ەنەرگەتيكا ۆيتسە-ءمينيسترى م. مىرزاعاليەۆ ءوڭىردىڭ مۇناي ونەركاسىبى كەشەنىن دامىتۋ جوسپارلارى مەن مىندەتتەرى تۋرالى باياندادى. اقتوبە وبلىسى — ەلىمىزدىڭ ءۇشىنشى مۇناي-گاز ءوندىرۋشى ايماعى. وبلىستىڭ مۇناي جانە گاز ءوندىرۋ كولەمىنە قوسقان ۇلەسى شامامەن 9% قۇرايدى. جىل باسىنان بەرى دامۋدىڭ نەگىزگى كورسەتكىشتەرى وڭ قارقىن كورسەتتى.
«وبلىستا مۇناي مەن گاز ءوندىرۋ سالاسىندا 30 جەر قويناۋىن پايدالانۋشى جۇمىس ىستەيدى. بىرنەشە جىل قاتارىنان وڭىردەگى مۇناي ءوندىرۋ كولەمى تۇراقتى دەڭگەيدە ساقتالىپ وتىر. 2018–2019 جىلدارى 6,2 ملن توننادان, 2020 جىلى – 6,4 ملن توننا, ال 2025 جىلعا قاراي شامامەن 7 ملن ت ءوندىرۋ جوسپاردا بار», — دەدى ۆيتسە-مينيستر م. مىرزاعاليەۆ.
سونداي-اق, ەنەرگەتيكا ۆيتسە-ءمينيسترى تسيفرلاندىرۋ جانە تەحنولوگيالىق جاڭعىرتۋ تۋرالى اقپارات بەردى. ونىڭ ايتۋىنشا, قازىردىڭ وزىندە «زياتكەرلىك كەن ورنى» جۇيەسىن ەنگىزۋدىڭ تابىستى پيلوتتىق جوبالارى بار, بۇل مۇناي ءوندىرۋ كولەمىن ۇلعايتىپ, شىعىنداردى ازايتىپ, ونىمدىلىكتى ارتتىرۋعا جول اشادى.
«مينيسترلىك جەر قويناۋىن پايدالانۋشىلاردىڭ ءوز وندىرىستەرىن تسيفرلاندىرۋعا, وزىق تەحنولوگيالاردى قولدانۋعا باعىتتالعان باستامالارىن قولداۋعا نيەتتى جانە بارلىق قاجەتتى اقپاراتتى ۇسىنۋعا دايىن. وسىلايشا, مۇناي ءوندىرۋ سەكتورىنىڭ الەۋەتى اقتوبە وبلىسىن دامىتۋ جولىندا ۇلكەن مۇمكىندىككە يە», — دەدى م. مىرزاعاليەۆ.
بۇدان وزگە, كەڭەس بارىسىندا بەينەكونفەرەنتسيا بايلانىسى بويىنشا بىرنەشە مينيسترلىكتىڭ وكىلى ءسوز سويلەدى.
اۋىل شارۋاشىلىعىنىڭ ءبىرىنشى ۆيتسە-ءمينيسترى ا. ەۆنيەۆ وسى جىلدىڭ ءى توقسانىندا اقتوبە وبلىسىنىڭ اۋىل شارۋاشىلىعى ونىمدەرى مەن اۋىل شارۋاشىلىعى شيكىزاتىن قايتا وڭدەۋ ونىمدەرىنىڭ ەكسپورتى $10,48 ملن قۇراعانىن (نەمەسە جالپى ەكسپورت كولەمىنىڭ 1,47%), بۇل وتكەن جىلدىڭ ءى توقسانىنا ($ 8,67 ملن) قاراعاندا 20,8% ارتىق ەكەنىن جەتكىزدى.
«قاڭتار-مامىر ايلارىندا اۋىل شارۋاشىلىعى, ورمان جانە بالىق شارۋاشىلىعىنىڭ نەگىزگى كاپيتالىنا سالىنعان ينۆەستيتسيالار 2017 جىلدىڭ سايكەس كەزەڭىمەن سالىستىرعاندا 374,6%-عا ارتىپ, 4,8 ملرد تەڭگەنى قۇرادى. قاڭتار-مامىر ايلارىندا ازىق-ت ۇلىك ونىمدەرى ءوندىرىسىنىڭ نەگىزگى كاپيتالىنا سالىنعان ينۆەستيتسيالار وتكەن جىلدىڭ سايكەس مەرزىمىمەن سالىستىرعاندا 196,9%-عا ءوسىپ, 1,3 ملرد تگ قۇرادى», — دەدى ا. ەۆنيەۆ.
مادەنيەت جانە سپورت ۆيتسە-ءمينيسترى ەرلان قوجاعاپانوۆ اقتوبە وبلىسىندا ءتۋريزمنىڭ دامۋ بارىسى تۋرالى باياندادى. وڭىردە بيىل 390 جۇمىس ورنىن قۇرۋمەن 32 جوبا ىسكە اسىرىلىپ جاتىر. اتالعان سالاداعى كورسەتكىشتەردى ودان ءارى جاقسارتۋ ءۇشىن مينيسترلىك «باتىس ەۋروپا — باتىس قىتاي» ماگيسترالى بويىندا ينفراقۇرىلىمدى دامىتۋدى ۇسىنادى. سونىمەن قاتار وڭىردە اقپاراتتىق-تۋريستىك ورتالىقتاردى اشۋ پرەسپەكتيۆالارى اتاپ ءوتىلدى.
ەكونوميكانى تسيفرلاندىرۋ جانە وبلىستىڭ وسى باعىتتاعى ودان ارعى مىندەتتەرى تۋرالى اقپارات جانە كوممۋنيكاتسيالار ۆيتسە-ءمينيسترى د. ششەگلوۆا باياندادى. ونىڭ ايتۋىنشا, جوبالىق باسقارۋ اياسىندا وڭىردە ءبىلىم بەرۋ جانە الەۋمەتتىك نىسانداردى كەڭ جولاقتى ينتەرنەتپەن قامتاماسىز ەتۋ بويىنشا كەزەڭ-كەزەڭمەن جۇمىستار جۇرگىزىلىپ جاتىر.
«اقتوبە وبلىسىندا جوبانى ىسكە اسىرۋدىڭ ءى كەزەڭى اياسىندا ينتەرنەتتى قولجەتىمدى ەتۋ ءۇشىن 82 اۋىل تاڭدالدى. قالعان اۋىلدىق ەلدى مەكەندەردى ىسكە اسىرۋدىڭ ءىى كەزەڭى اياسىندا, 2020 ج. سوڭ قامتۋ جوسپارلانىپ وتىر, مۇندا كولىك بايلانىس جەلىلەرىن سالۋدىڭ گيبريدتى ءتاسىلىن پايدالانۋ قاراستىرىلعان (LTE, سپۋتنيك)», — دەدى ۆيتسە-مينيستر, ول ءى جارتى جىلدىقتا اقتوبە وبلىسىندا تسيفرلىق ساۋاتتىلىقتىڭ نەگىزگى داعدىلارى بويىنشا جوسپارداعى 32 مىڭ ادامنىڭ 17 مىڭى وقىتىلعانىن ايتتى.
ءبىلىم جانە عىلىم ۆيتسە-ءمينيسترى ب. اسىلوۆا ءوز بايانداماسىندا وبلىستا ءبىلىم سالاسىندا 16 ملرد تەڭگە سوماسىنا 58 جوبا ىسكە اسىرىلىپ جاتقانىن جەتكىزدى. بيىل 21 مەكتەپكە دەيىنگى ءبىلىم بەرۋ ۇيىمىن اشۋ كوزدەلىپ وتىر, 2020 ج. قاراي بالالاردى قامتۋ كورسەتكىشى 100% جەتەدى. 2018 ج. ءى توقساندا كورسەتىلگەن ءبىلىم بەرۋ قىزمەتتەرىنىڭ كولەمى 6% ارتىپ, 19,3 ملرد بولدى. سونىمەن قاتار, وبلىس اكىمدىگى بالالاردى ينتەللەكتۋالدى, رۋحاني, ادامگەرشىلىككە, شىعارماشىلىققا تاربيەلەۋ جانە دامىتۋ بويىنشا شارالار جۇرگىزىپ جاتىر.
كەزدەسۋ بارىسىندا سونىمەن قاتار ۇلتتىق بيزنەس پەن شەتەل ينۆەستورلارىنىڭ وكىلدەرى ءسوز سويلەدى. «اتامەكەن» ۇكپ باسقارما توراعاسى ا. مىرزاحمەتوۆ جاپپاي كاسىپكەرلىكتى دامىتۋدىڭ جانە بيزنەستىڭ وڭىردەگى جوبالىق باسقارۋعا قاتىسۋىنىڭ وزەكتى ماسەلەلەرىن قوزعادى. ول ءجىو-گە شوب ۇلەسى 18,3% قۇراعانىن اتاپ ءوتتى. سونىمەن قاتار, شيكىزاتتىق ەمەس سالا كورسەتكىشتەرىنىڭ 12% ارتۋىن ەسكەرۋمەن, وڭدەۋ ونەركاسىبى سالاسىنداعى بيزنەستى ىرىلەندىرۋ ماسەلەسىن پىسىقتاۋ كوزدەلىپ وتىر. بۇگىنگى تاڭدا بۇل سالالاردا 52 مىڭعا جۋىق شوب وكىلدەرى جۇمىس ىستەيدى.
«قازاقستاندىق شەتەلدىك ينۆەستورلار كەڭەسى» قاۋىمداستىعىنىڭ توراعاسى» اگريس پرەيمانيس ءوز كەزەگىندە وڭىردەگى ينۆەستيتسيالىق قىزمەتتەر تۋرالى ايتىپ بەردى. قازىرگى كەزدە شەتەلدىك ينۆەستورلار كەڭەسىنىڭ 10 استام مۇشەسى اقتوبە وبلىسىندا جۇمىس ىستەپ جاتىر. ا. پرەيمانيس ءوڭىردىڭ جوعارى ينۆەستيتسيالىق الەۋەتىن, قولايلى لوگيستيكاسىن, شوب دامۋىن اتاپ ءوتتى, بۇل ينۆەستورلاردى تارتۋ ءۇشىن قىزىقتى.
«كەن ءوندىرىسى سەكتورىنىڭ دامۋىن اتاي كەتكىم كەلەدى, ول شەتەلدىك ينۆەستورلار ءۇشىن جىلدان-جىلعا تارتىمدى بولىپ كەلەدى. سونىمەن قاتار كولىك-لوگيستيكالىق دالىزدەر دە تارتىمدى: ءوڭىر حالىقارالىق تاسىمالدار ءۇشىن قولايلى جەردە ورنالاسقان جانە بۇل وبلىس ءۇشىن جاڭا مۇمكىندىكتەر اشادى», — دەدى ا. پرەيمانيس.
وبلىستاعى جوبالىق باسقارۋدىڭ اتقارعان جۇمىسىنىڭ قازىرگى جاي-كۇيىن قاراستىرۋ بارىسىندا پرەمەر-ءمينيستردىڭ ورىنباسارى ە. دوساەۆ وڭىردە ءۇش اي ىشىندە ۇلكەن وزگەرىستەر ورىن العانىن ايتتى. اۋىل شارۋاشىلىعى ونىمدەرىن ءوندىرۋ مەن قايتا وڭدەۋ سالاسىندا زور الەۋەت بار. ە. دوساەۆ الداعى ءۇش اي ىشىندە ۇكىمەتتىڭ جاڭا ينفراقۇرىلىمدىق جوبالار بويىنشا بىرلەسىپ جۇمىس ىستەۋگە ءازىر ەكەنىنە سەندىردى. سونىمەن قاتار ول اقتوبەنىڭ رەسپۋبليكانىڭ ءتورتىنشى مەگاپوليسى اتانۋعا ۇمىتكەر ەكەنىن ءمالىم ەتتى.
«مۇندا كەنتتەنۋ جوعارى قارقىنمەن ءجۇرىپ جاتىر. ەگەر ستاتيستيكاعا سەنسەك, وبلىستاعى جوو تۇلەكتەرىنىڭ 80% گۋمانيتارلىق ماماندىقتاردى بىتىرەدى. سوندىقتان ءبىز جوبالىق كەڭسەمەن بىرلەسىپ الدىمىزعا مىناداي ماقسات قويدىق – اسىرەسە, كوللەدجدەردە تەحنيكالىق ماماندىقتاردى دامىتۋ كەرەك», — دەدى ە. دوساەۆ.
تالقىلاۋ فورماتىندا وڭىرلىك بيزنەس قاۋىمى اتىنان اوك دامىتۋ ماسەلەلەرى بويىنشا «اكتەپ» جشس ديرەكتورى ن. ساگنالين ءسوز سويلەدى. پرەمەر-مينيستر قازىر فەرمەرلەردى قولداۋ ماقساتىندا اوك دامىتۋدىڭ مەملەكەتتىك باعدارلاماسى وزەكتىلەندىرىلگەنىن اتاپ ءوتتى, «بەس الەۋمەتتىك باستاما» ىسكە اسىرىلىپ جاتىر, اتاپ ايتقاندا, اۋىلداردا شاعىن نەسيە بەرۋ كوبەيتىلۋدە. ۇكىمەت ەكسپورتقا باعدارلانعان اۋىل شارۋاشىلىعى وندىرۋشىلەرىن قولداۋدىڭ بارلىق شارالارىن قابىلداپ جاتىر.
كەزدەسۋ سوڭىندا باقىتجان ساعىنتاەۆ ءوڭىردىڭ دە, جالپى ەلىمىزدىڭ دە ەكونوميكاسىن ءارتاراپتاندىرۋدىڭ جانە جاڭا ەكونوميكا ءۇشىن جاڭا كادرلار دايارلاۋدىڭ ماڭىزدىلىعىن باسا ايتتى. قازاقستاندا ادام كاپيتالىنىڭ ساپاسىن ارتتىرۋدىڭ ءبىلىم بەرۋ جۇيەسىن جاڭعىرتۋ مەن ودان كەيىن جۇمىسقا ورنالاستىرۋدى قامتاماسىز ەتۋ, كاسىپكەرلەرگە ارنالعان ارنايى كۋرستاردان باستاپ, دەنساۋلىق ساقتاۋ ينفراقۇرىلىمىن دامىتۋ جانە حالىقتىڭ باسپانا جاعدايلارىن جاقسارتۋعا دەيىن بۇكىل تىزبەگىن دامىتۋ بويىنشا جۇيەلى شارالار قولعا الىنعان.
