سەنات دەپۋتاتى رىسقالي ابدىكەروۆ قاراعاندى وبلىسىنداعى وساكاروۆ جانە نۇرا اۋداندارىندا جۇمىس ساپارىمەن بولدى.
ول وساكاروۆ اۋىلىندا الەۋمەتتىك نىسانداردى ارالادى جانە اۋدان تۇرعىندارىمەن كەزدەسىپ, «نۇرلى جەر» باعدارلاماسىنىڭ اياسىندا سالىنىپ جاتقان جاڭا تۇرعىن ءۇي كەشەنىنىڭ قۇرىلىس الاڭىندا, «نۇراي» بالالار باقشاسىندا بولدى.
18 پاتەرلى ەكى قاباتتى ءتورت تۇرعىن ءۇيدى پايدالانۋعا بەرۋ قاراشا ايىنا جوسپارلانىپ وتىر. وساكاروۆ اۋدانىنىڭ تۇرعىندارىمەن كەزدەسۋ بارىسىندا سەناتور زاڭناماداعى وزگەرىستەر تۋرالى اڭگىمەلەدى. اتاپ ايتقاندا, ىشكى ىستەر ورگاندارى سالاسىنا قاتىستى زاڭدارعا بايلانىستى الداعى وزگەرىستەر تۋرالى ءسوز بولدى.
سەناتور نۇرا اۋىلىندا اۋدان بەلسەندىلەرىمەن كەزدەسۋ وتكىزدى. پارلامەنت دەپۋتاتى ەلباسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىن ىسكە اسىرۋ جونىندەگى الداعى مىندەتتەر تۋرالى اڭگىمەلەدى.
اۋدان ورتالىعىندا ازاماتتاردى قابىلداۋ ۇيىمداستىرىلىپ, جەرگىلىكتى تۇرعىندار ر.ابدىكەروۆكە وزدەرىنىڭ پروبلەمالارىن ايتىپ, ۇسىنىستارىمەن ءبولىستى. وندا اۋدانداعى سپورتتىق-ساۋىقتىرۋ ورتالىعىنىڭ قۇرىلىسىن سالۋ ماسەلەسى دە كوتەرىلدى.
*****
ءماجىلىس دەپۋتاتتارى مەيرام پىشەمباەۆ, البەرت راۋ, الەكساندر سۋسلوۆ, ايگۇل نۇركينا, ايزادا قۇرمانوۆا مەن انار جايىلعانوۆا پاۆلودار وبلىسىندا «قازاقستان ءاليۋمينيى» اق ۇجىمىمەن كەزدەستى.
دەپۋتاتتار ايماقتاعى ءىرى ءوندىرىس ورنى بولىپ تابىلاتىن زاۋىتتاعى شيكىزات دايارلاۋ تسەحىنىڭ جۇمىسىمەن جانە وسىندا جۇمىس ىستەيتىن جۇمىسشىلاردىڭ حال-جاعدايىمەن تانىستى.
«اليۋميني زاۋىتى – وتە قۋاتتى, ەلىمىزدە عانا ەمەس, شەتەلدە دە ۇلكەن سۇرانىسقا يە ءونىم شىعاراتىن الىپ ءوندىرىس ورنى. ءبىز كاسىپورىندا تسيفرلاندىرۋ جۇمىستارى جۇرگىزىلىپ, جاڭا تەحنولوگيالاردىڭ ەنگىزىلىپ جاتقانىن كوردىك. زاۋىتتىڭ ەل ەكونوميكاسىنا قوسىپ جاتقان ۇلەسى زور. مەنىڭشە, مۇنداي الدىڭعى قاتارلى كاسىپورىنداردىڭ اينالاسىندا شاعىن جانە ورتا كاسىپكەرلىك جەتىلۋى ءتيىس», دەدى دەپۋتات مەيرام پىشەمباەۆ.
*****
دەپۋتاتتاردىڭ ايماقتارعا ساپارى اياسىندا ماجىلىسمەن قوجاحان جاباعيەۆ جامبىل وبلىسىنداعى «بۋرنوە ءسۇت كومپانياسى» قىزمەتكەرلەرىمەن كەزدەستى.
مۇندا كۇنىنە 49 توننا ىرىمشىك, سارى ماي جانە ءسۇت ونىمدەرى شىعارىلادى. «بۋرنوە ءسۇت كومپانياسى» زاۋىتىنا وبلىستاعى 8 اۋىلشارۋاشىلىق كووپەراتيۆى, 50 شارۋا قوجالىعى, 25 جەكە كاسىپكەر ءسۇت وتكىزەدى. كومپانيادا 93 ادام جۇمىس ىستەيدى.
ماجىلىسمەن زاۋىت جۇمىسشىلارىمەن كومپانيانىڭ ءوندىرىس قۋاتى, سالىق سالۋ, سونداي-اق اۋىل شارۋاشىلىعىن دامىتۋعا زاڭنامالىق قولداۋ كورسەتۋ ماسەلەلەرىن تالقىلادى.
*****
ءماجىلىس دەپۋتاتتارى, «اق جول» فراكتسياسىنىڭ مۇشەلەرى ەرلان بارلىباەۆ پەن بەرىك دۇيسەنبينوۆ شىعىس قازاقستان وبلىسىنا جۇمىس ساپارىمەن كەلدى.
پارلامەنت دەپۋتاتتارى «ەكو-اگرو», «سيلۋمين-ۆوستوك» كومپانيالارىنىڭ ەڭبەك ۇجىمدارىمەن كەزدەسۋ بارىسىندا پارلامەنتتىك فراكتسيانىڭ جۇمىسى مەن ءماجىلىس دەپۋتاتتارىنىڭ زاڭ شىعارۋ قىزمەتى تۋرالى اڭگىمەلەدى.
ال سەمەي قالاسىندا وتكەن دوڭگەلەك ۇستەلدە دەپۋتاتتار «پرەزيدەنتتىڭ بەس الەۋمەتتىك باستاماسىنىڭ» جۇزەگە اسۋىنا توقتالدى. ب.دۇيسەنبينوۆ: «بۇل تەك ەلباسى مەن ماجىلىسكە بايلانىستى دۇنيە ەمەس, ونىڭ اتقارىلۋىنا قۇزىرلى ورگاندار, ۇلتتىق بانك, باسقا دا مەملەكەتتىك ورگاندار بىرلەسە وتىرىپ قاتىسۋى كەرەك. ال ءبىز, دەپۋتاتتار – مەملەكەتتىك ورگاندارعا حالىقتىڭ تالاپ-تىلەگىن جەتكىزەمىز», دەدى. كەزدەسۋدە دەپۋتات ەرلان بارلىباەۆ بەس الەۋمەتتىك باستاما بويىنشا سالىنىپ جاتقان جاتاقحانالار مەن قولجەتىمدى يپوتەكالىق نەسيەلەر بويىنشا بەرىلەتىن ۇيلەردىڭ قۇرىلىسى رەسپۋبليكا بويىنشا مىڭداعان ادامداردىڭ باسپانا ماسەلەسىن شەشۋىنە مۇمكىندىك بەرەتىنىن اتاپ ءوتتى.
«اق جول» فراكتسياسى وتىرىس بارىسىندا تۇرعىندار تاراپىنان كوتەرىلگەن وزەكتى ماسەلەلەردىڭ شەشىمىن تابۋ بويىنشا جۇمىستارىن جالعاستىرا بەرمەك.
*****
كوكشەتاۋ تەحنيكالىق ينستيتۋتىندا ءبىلىم بەرۋ مەكەمەسىنىڭ قىزمەتكەرلەرى مەن كۋرسانتتارى پارلامەنت ءماجىلىسىنىڭ دەپۋتاتى ەرسۇلتان بەكتۇرعانوۆپەن كەزدەستى. ءىس-شاراعا «نۇر وتان» پارتياسىنىڭ كوكشەتاۋ فيليالى توراعاسىنىڭ ءبىرىنشى ورىنباسارى زاۋرەش نۇرىموۆا مەن پارتيا وكىلدەرى قاتىستى.
ينستيتۋتتىڭ جەكە قۇرامىمەن كەزدەسۋ الدىندا ەرسۇلتان وتەگەن ۇلى وقۋ ورنىندا جاڭادان اشىلعان مۇراجايدى تاماشالادى. سودان كەيىن ءورت قاۋىپسىزدىگى سالاسىندا بىرەگەي عىلىمي زەرتتەۋلەر جۇرگىزۋگە مۇمكىندىك بەرەتىن قوندىرعىلار جيىنتىعى بار زەرتحانا جۇمىسىمەن تانىستى. ازاماتتىق قورعاۋ پولكوۆنيگى س.ءشارىپحانوۆ دەپۋتاتقا ءبىلىم بەرۋ مەكەمەسىنىڭ پروبلەمالىق ماسەلەلەرىنە, جالپىازاماتتىق قورعاۋ جۇيەسىنىڭ جەتىلدىرىلۋىنە نازار اۋدارىپ جۇرگەنى ءۇشىن العىسىن ءبىلدىردى.
كەزدەسۋدە دەپۋتات ءماجىلىستىڭ زاڭ شىعارۋشىلىق جۇمىسى تۋرالى باياندادى. ەلباسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىنا توقتالىپ, باعدارلامالىق قۇجاتتاردىڭ ورىندالۋى بارلىق قازاقستاندىقتار ءۇشىن ورتاق مىندەت بولىپ تابىلاتىنىن اتاپ ءوتتى.
